Aposol 18:27 - U Bulunagana U Niga

²⁷ Tara pöata te katsin laia e Apolos tara provins i Gris, ba u kristenira i Epesis e hale rien u rangan hitaguhu tara nilala i tanen. Nori i koloto has menai u pas turu kristenira i Gris tegi tatei lu haniga menaien. Be Apolos ena tukuna i Gris, me taguhu hatagala koru rena u katuun ti hamana te taatagi meraien e Sunahan.

Aposol 18:27 ပူးပေါင်းရင်းမြစ်များ

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 11:26

Nonei e sabeien memi piou nanen i Antiok. Ere Banabas mere Sol i ka gono mer u katuun tere Iesu i Antiok turu töa u hiningal u ohots, me hatuts rari u katuun u parpara, u raranga tere Sunahan. U katunun tsitsilo tere Iesu i ngö tutuun raia u kristen nonei tara taun teka.

Aposol 15:34

Kaba e Sailas e kaka poutsia i Antiok.

Aposol 18:12

Kaba tara pöata te gamman ia e Galio i Gris, ba u Jiu e takei hobotor mena luerima e Pol. Ba nori ena piou narien turu kout me poeier, “A katuun teka e roron hatuts ranei u katuun tegi kato menaien u mar lotu tere Sunahan tema matskö neia tara Lo i tamulam u Jiu.”

Aposol 18:18

E Pol e gamon ka lel ia i Korin, ba nonei e raranga haniga merena u kristen, me töan lana. Ba nonei e osana tara tolaala tega la uaien tara provins i Siria. E Prisila mere Akuila i la gono meien. Tara taun i Senkria nonei e kuli ban a hulunen, te mar ranga hamana uaien tere Sunahan.

Aposol 19:1

Tara pöata te kaia e Apolos tara taun i Korin, be Pol e silana tara makum te ka mei a man pokus ba nonei ena butuna i Epesis, tena sabe raien a palair u kristen.

Aposol 9:27

Ba e Banabas ena piou nanen turu aposol me hatei raneien e Sol e tareia a Tsunono i maroro ba Tsunono e ranga gono menen. Ba e Banabas e hatei has raneien e Sol e ranga hatagala koru te hatei la menameien e Iesu i Damaskus.

U pas te koloto menai e Pol turu kristenira i Rom 1:5

E Iesu Kristo e hala railam a nitagala tego aposol uu lam i tanen, ba lam te hatei namen turu hun katuun hoboto tegi hamana uaien i tanen, bate hengo hanige ren.

1 Korin 15:10

Kaba tara nihitaguhu tere Sunahan ba lia temar butu uagu teka, na nikalala i tanen ema la pukpuku nei. Alia e kui hatagala bala regu a palair u aposol hoboto, kaba ema lia nei. E Sunahan te ka gono menou lia.

1 Korin 16:3

Ba tara pöata tena tuku gia romana lia, ba lia te hala regu u katuun tena haniga ramou limiou ba nori te söater a monin hitaguhu teka, a man pas tena haröto nena nori u katunura i tarara, bate lauaier i Jerusalem.

1 Korin 3:6

Alia u lebi a kannou be Apolos tena haramun ranen. Kaba e Sunahan lasi a töa te katoeiena a kannou bate pusuku hanigana.

2 Korin 1:24

Kaba ema poeie nei alam go hatei rai limiou ime tego mar hatakui menai limiou u nihamana i tamilimiou. Alam e ngilin kui gono mera mou limiou ba limiou te saputu memiou a nisasaala, taraha, alimiou u ka hakapa meiam u nihamana te tuol hakarapoto mia limiou.

Pilipai 1:25

Alia e hamana koruegu a ka teka, na lia e atei silegu alia e töatöa gou. Alia e ka gono noahas meragou limiou hoboto bate taguhegu a nihamana i tamilimiou tega pan haniga susul uaien, ba limiou te sasaala has mou.

Pilipai 1:29

E Sunahan e hanigeiena, alimiou go solosei sila namia e Kristo te hamana uami limiou i tanen na te lu mena moi limiou u kamits i tanen.

Kolosi 2:12

Pöata ti lueia limiou a baptais, e here ii alimiou i kaho gono merai e Kristo. Na pöata tu hamanaia limiou tara nitagala tere Sunahan, te hatakei poutseia e Kristo tara tou mate i tanen, e here nei e Sunahan e hatakei pouts gono merai limiou e Iesu Kristo.

Kolosi 4:10

E Aristakus, te karabus gono menou lia, e hala has ranoui limiou u hanhaniga, na e Mak has a hatoulana tere Banabas. Alimiou u lu hakapeiam u raranga te poeiena, tega la men romana i tamilimiou ba limiou te hanige men.