Aposol 16:33 - U Bulunagana U Niga

³³ Ba nonei noahas tara bong teka ba tson pepeito kap e lu rena ere Pol mere Sailas me galus rena a man takiraha i taren. Ba nonei na u katuun hoboto i tanen e lu sokön töa ner a baptais.

Aposol 16:33 ပူးပေါင်းရင်းမြစ်များ

Matiu 3:6

Ba nori e pokeier a man markato a man omi i taren, ba nonei e baptais ranen tara ramun i Jodan.

U Bulungana u Niga tere Iesu Kristo te kolotein e Luk 19:9

Be Iesu e poeiena i tanen, “I romana e Sunahan e lu pouts hakapa ralala u katuun tara luma teka. Taraha? Alö e mar hamana uaiem temar hamana uu e Abraham.

Aposol 16:15

Ba nonei na u katuun ti sösohoia i luma i tanen e habaptaisir. Ba nonei a tahol e ranga hataatagina me poeiena, “Te atei sile mia limiou alia e hamana hatagala koru uagu tara Tsunono, ba limiou temi ka bumia i luma i tar.” Ba nonei e tagala sil koru ranou lam ba lam e lam i luma i tanen.

Aposol 16:23

I murina ti singata hohomi koru rarien ba nori ena lapo ba rarien tara luman karabus. Me poeier tara tson pepeito kap tara luman karabus, “Pepeito kap haniger a huol a katuun teka.”

Aposol 16:25

Tara gusuna bong bere Pol mere Sailas e singo uaier tere Sunahan me soloseieren turu köman lotu, a palair u karabus i hehengoia ti köma uaien.

Aposol 16:32

Ba nori e hatei rien u raranga tere Sunahan na u katuun hoboto has ti kaia i luma tanen.

1 Korin 1:16

(Aa, alia u baptais hasi e Stepanas na u katuun i tanen. Kaba alia ema hakats lel nagi tego baptais mei lia ta tabina ta katuun.)

Galesia 5:13

Kaba alimiou a matsi hahatoulana, e Sunahan e ngö sil rai limiou tego hapolasa ba mena milimiou a Lo. Kaba u raranga teka ema ranga nanei alimiou go pekoeiam a Lo bate kukute lase miou u ngilngilina i puta. E möa. Kaba e Sunahan e hapurese sil rai limiou tego hiangilngil uaiam limiou bate hiatagtaguhu miou.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

1 Pita 3:21

U uolo e haharuei nena a tou baptais i tarara. U uolo e taguhir a pala tere Noa, na tou baptais e taguhu has ranou ra. E ma ka sile nei tega galus ba menaien u korkoriana turu tuenrei tuun i tarara. E möa. A tou baptais i tarara e mar mouna uana teka, e hateie nei e Sunahan a torirara ema kout raneira. Ara e tatei markato uara teka, taraha e Sunahan e hatakei poutsi e Iesu Kristo tara tou mate.