Aposol 16:15 - U Bulunagana U Niga

¹⁵ Ba nonei na u katuun ti sösohoia i luma i tanen e habaptaisir. Ba nonei a tahol e ranga hataatagina me poeiena, “Te atei sile mia limiou alia e hamana hatagala koru uagu tara Tsunono, ba limiou temi ka bumia i luma i tar.” Ba nonei e tagala sil koru ranou lam ba lam e lam i luma i tanen.

Aposol 16:15 ပူးပေါင်းရင်းမြစ်များ

Matiu 10:41

Na katuun te rarariena u raranga tere Sunahan, bate hanigeiena a toukui i tanen, nonei ena lue nou u hamatana te lu hase nou a katuun te rarariena u raranga tere Sunahan. Na katuun te tarena a katuun te matsköna i matana e Sunahan bate hanigeiena nonei a katuun, nonei ena lu hasenou u hamatana te lu hasenou a katuun a matskö.

Matiu 3:6

Ba nori e pokeier a man markato a man omi i taren, ba nonei e baptais ranen tara ramun i Jodan.

U Bulungana u Niga tere Iesu Kristo te kolotein e Luk 14:23

Ba tsunono e poeiena i tanen, ‘La tala uu tara man maroro pan na man maroro a man tetenei ielesala tara taun, ba lö te las mera mumei u katuun tara kannou. Alia e ngilegu a luma i tar ega saputu.

U Bulungana u Niga tere Iesu Kristo te kolotein e Luk 24:29

Ba nori e ranga hapiou meren me poeier, “Ka gono mera moulam. A ka e katsin kuhil hamanasa.” Ba nonei e tasuna mena ka gono mera nen.

Aposol 11:14

Nonei emi hale noi lö u ranga, na turu raranga teka e Sunahan e lu pouts gono hoboto mera noi lö a pala i tamölö.’ A angelo e mar ranga uu teka tere Konilius.

Aposol 16:31

Ba nori e poeier, “Hamana uu tara Tsunono e Iesu, balö te lueiem a nihitaguhu tere Sunahan, na pal katuun has i tamölö.”

Aposol 16:33

Ba nonei noahas tara bong teka ba tson pepeito kap e lu rena ere Pol mere Sailas me galus rena a man takiraha i taren. Ba nonei na u katuun hoboto i tanen e lu sokön töa ner a baptais.

Aposol 16:34

Ba nonei e lu rena ere Pol mere Sailas mena sei ria i luma i tanen, ba nonei e hanou ranen. Nonei na pala hoboto i tanen i sasaala koru mei ti hamana uaien tere Sunahan.

Aposol 18:8

Na tsunono tara luman lotu a solonen e Krispas. Nonei na u katuun hoboto ti kaia i luma i tanen i hamana ia tara Tsunono. Na para a katununa i Korin i hengo ia turu ranga tere Pol, ba nori e hamanar me habaptaisir.

Aposol 8:12

Kaba ti hamaneien a manka te hatein e Pilip turu Bulungana u Niga tara Nipepeito tere Sunahan na solona e Iesu Kristo, ba nori hoboto a pal tson na touhaliou e habaptaisir.

Aposol 8:38

Ba nonei e hagumena a karis, be Pilip na nonei a tson pepeito e koul uaier tara ramun, be Pilip e baptais nen.

U pas te koloto menai e Pol turu kristenira i Rom 16:23

Na e Gaius has, a luma i tanen te ka gia lia na te roron lotu has ria, e hala has nena a niniganiga i tanen i tamilimiou. E Irastas a kuskus tara gamman tara taun teka na hahatoulana i tarara e Kuortus, nori e hala hoboto has ner a niniganiga i tamilimiou. A nihitaguhu tara Tsunono i tarara e Iesu Kristo e tatei ka gono mera noulimiou hoboto. U mana.

2 Korin 12:11

Alia e ranga here gulei a katuun a tutu. Kaba lia e kato silegi a ka teka tego söata menai lia tu ranga tu niga i tamilimiou. Alia a katuun papala, kaba lia ema tetenei nagi u aposol u nigan ranga i tamilimiou.

2 Korin 5:14

E Kristo e ngil koru ranoura, nonei a ka teka te hakui ranou lam. Taraha, alam e atei silem e Kristo e mate silir u katuun hoboto. Na ka teka e poeiena u katuun hoboto i mate hakapa.

Galesia 6:10

Na man pöata te antuna rara bara te tatei taguhu raiera a pala te hamanar, bate taguhu has raiera u katuun hoboto.

Epesis 1:1

Alia e Pol, a töa aposol tere Iesu Kristo te hopö kapiin e Sunahan. Alia e koloto menagi u pas teka i tamilimiou u katuun tere Sunahan te ka mia tara taun i Epesis, alimiou u katuun te hamana nitöa uamiou tere Iesu Kristo.

Pilipai 1:7

E niga nitöana temar hakats mera gilia limiou teka, taraha a torir e roron hakats sil nitöa ranoulimiou. E Sunahan e kalala hoboto raioura tara pöata tuma ka noaia lia tara karabus, bate kato hatagala noahasegu u Bulungana u Niga. Na e Sunahan e kalala noahas ranou ra i romana te ka gia lia tara karabus.

Pilimon 1:17

Na te tara here tala namilö alia a hahikapien i tamölö, bara, mar lu tala menai e Onesimus tego mar lu has menailö alia.

Hibru 13:2

Na limiou go ngö has merami u katunura i lehana i luma i tamilimiou. A palair u katuun i markato uu teka turu angelo, kaba nori ima atei sil raien.

1 Pita 5:12

E Silbanus e koloto benei lia u pas teka te hala menagi lia i tamilimiou. Nonei e toularara tara markato turu kristen na lia e hamana korue gen. Turu pas teka alia e hala ra gilimiou u rarangan hitaguhu bate hatei ragi limiou nonei a nihitaguhu hamana tere Sunahan teka. Na limiou go tuol hakarapoto mia tara markato tara nihitaguhu teka.

2 Jon 1:10

Temi hihatuts nena ta katuun u raranga tema matskö neia turu hihatuts tere Kristo, ba limiou tema tatei lu mena mien i luma i tamilimiou, batema tatei ranga hatami has mia i tanen.

3 Jon 1:5

A hahikapien i tar, alö e kato haniga korum te taguhu mera milö a man hahatoulana i tarara, tema atei sil rami lö.

3 Jon 1:8

Aragi taguhir u mar katuun teka, bara te kui hoboto silera tegi hatagala menaira u raranga u mana.