Aposol 15:22 - U Bulunagana U Niga

²² Ba u aposol na pal kapan na palair u kristen hoboto e kitseier u ranga ba nori e hopö kap naier a huol katuun i taren, tego la gono mer ere Banabas mere Pol i Antiok. Nori i halani ere Judas (a tana solo i tanen e Basabas) mere Sailas u tson mammam has turu kristen.

Aposol 15:22 ပူးပေါင်းရင်းမြစ်များ

Aposol 1:23

Ba nori e hala ner a huol a solo, a töa e Josep ti ngöei e Basabas na tana solo tanen e Jastus, na tai ti ngöei e Matias.

Aposol 11:19

U kristen ti sata noahasia ti titi hatu hamateia e Stiven na ti kato homi merai u katuun ti hamana uu tere Iesu. A tou la kalakala i taren e noan töa ma i Pinisia na i Saiprus na i Antiok. Nori i hala puku naia u Bulungana u Niga turu Jiu.

Aposol 11:20

Kaba e ka has meir u katunura i Saiprus na i Sairini, nori i sohala ma turu katuun ti lauama tara taun i Antiok bate hatei laner u raranga turu katuun has tima Jiu ii. Nori i hahatein u Bulungana u Niga tere Iesu Kristo.

Aposol 11:22

U kristenira i Jerusalem i hengoin u raranga tara ka teka, ba nori e hala menari e Banabas i Antiok.

Aposol 11:27

Tara pöata teka, a palair u propet i laba nema i Jerusalem, me la uaier i Antiok.

Aposol 15:23

Nori i hala gono meraien u pas temar ranga uu teka: “Alam u aposol na pal kapan, alam a töa pala has i tamilimiou te hamana uaiem tere Iesu. Alam e koloto menami u pas teka i tamilimiou a matsi hahatoulana tu tuhana ma tara pala tema Jiu ri, te ka mia tara taun i Antiok na tara provins i Siria na i Silisia.

Aposol 15:25

Alam u hengo u ranga teka ba lam e ka mem u töa u tori me kitsem u raranga tego hopö kap menai a huol katuun bate hala mera muleien i tamilimiou, nori mera taina huol a katuun te ngil koru remuma lam, ere Banabas mere Pol.

Aposol 15:27

Alam e hala rem ere Judas mere Sailas. Nori tena hatei peisa rariou limiou u töa noahas u mar raranga te kana turu pas teka.

Aposol 15:3

Ba u kristen e tula merarien i Jerusalem ba nori e sila ria i gusuna i Pinisia na i Samaria. U kristen tara huol a han teka i sasaala koru mei ti hatei meraien, e Sunahan e habiritsir a torir u katuun tema Jiu ri.

Aposol 15:30

Ba u kristen e tula raren ba nori e la uaier i Antiok. Nori i goner u kristenira i Antiok ba nori e hala rarien u pas teka.

Aposol 15:32

Ere Judas mere Sailas nori has u propet i hala rai u kristen u raranga u niga u parpara te kato hatagali a toriren.

Aposol 15:40

Kaba e Pol e lui e Sailas, ba u kristen e poeier, “A niniganiga tara Tsunono e tatei la gono mera noulimiou.”

Aposol 16:19

U katuun ti hakui a tahol teka i atei sil a ka ti lulueien a moni e kapa tala. Ba nori ena las boroboro raier ere Pol mere Sailas me las tsibil me rarien tara makumun töana i matar a pal kapan.

Aposol 16:25

Tara gusuna bong bere Pol mere Sailas e singo uaier tere Sunahan me soloseieren turu köman lotu, a palair u karabus i hehengoia ti köma uaien.

Aposol 16:29

Ba tson pepeito kap e ngö silena tu alesala me piata tasuna mena tuhatukun nena i matana ere Pol mere Sailas, bate toltololo tala mena a nimatout.

Aposol 17:10

Ba tara bong turu lan teka bu katuun ti hamanaia tere Iesu e hala ba merari ere Pol mere Sailas tara taun i Beria. Ba pöata ti tuku hakapa ien i Beria ba nori ena tasu ria tara luman lotu turu Jiu.

Aposol 17:14

Ba u katuun ti hamanaia tere Iesu e hala ba menari e Pol i tasi, kaba ere Sailas mere Timoti i kakaia i Beria.

Aposol 17:4

A palair u katuun i hamana me ka hoboto gono meraier ere Pol mere Sailas. U katunura i Gris u para ti hatsunoni e Sunahan i kato has uu iesana, na touhaliou ti panpanir a touhaliou i kukute has rema ere Pol mere Sailas.

Aposol 18:5

Pöata tina tukuia ere Sailas mere Timoti ti laba namen i Masedonia be Pol te pina mena te habulungana menaien u ranga turu Jiu me poeiena, “E Iesu nonei e Mesaia.”

Aposol 8:14

Tara pöata ti hengoeia u aposol ti kaia i Jerusalem u katunura i Samaria i hanigei u raranga tere Sunahan, ba nori e hala merari ere Pita mere Jon i taren.

2 Korin 1:19

Alam mere Silbanus na e Timoti u hihatutsia i tamilimiou me hatei rami limiou e Iesu Kristo a Pien Tson tere Sunahan. Nonei has ema tatei hatangana nei bu hakats i tanen te poeiena E möa. U raranga tere Iesu e roron mana nitöana.

1 Tesalonaika 1:1

Alam ere Pol mere Sailas na e Timoti e koloto menami u pas teka i tamilimiou hoboto, u kristenira tara taun i Tesalonaika te pala uar tere Sunahan e Tamarara, na u katuun has tere Iesu Kristo a Tsunono. Sunahan e tatei taatagi ranou limiou bate hala has ranoui limiou a masalohana.

2 Tesalonaika 1:1

Alam ere Pol mere Sailas na e Timoti e tara pouts ramou limiou i romana, alimiou hoboto u katuun tere Sunahan e Tamarara na u katuun has tere Iesu Kristo a Tsunono. Alam e hala menami u pas teka i tamilimiou u kristenira tara taun i Tesalonaika.

1 Pita 5:12

E Silbanus e koloto benei lia u pas teka te hala menagi lia i tamilimiou. Nonei e toularara tara markato turu kristen na lia e hamana korue gen. Turu pas teka alia e hala ra gilimiou u rarangan hitaguhu bate hatei ragi limiou nonei a nihitaguhu hamana tere Sunahan teka. Na limiou go tuol hakarapoto mia tara markato tara nihitaguhu teka.