Aposol 14:17 - U Bulunagana U Niga

¹⁷ Kaba nonei e haröto has nena temar kato haniga uanen i tamilimiou. Nonei e roron hapolena a langits, na e hahua hanigeiena u kui i tamilimiou. Nonei e hala hantue nena a kannou i tamilimiou bate kato hasasaala has ranou limiou.”

Aposol 14:17 ပူးပေါင်းရင်းမြစ်များ

Matiu 5:45

Te kato uamou limiou teka, ba limiou te haröto namou alimiou a galapien tere Tamamilimiou te kana i Kolö. Taraha, nonei e roron hapirena a pitala i tanen tara katuun a niga na tara katuun a omi has, na nonei e roron hapolena a langits tara katuun te kato hamatsköna na tara katuun tema kato hamatskö has nei.

U Bulungana u Niga tere Iesu Kristo te kolotein e Luk 6:35

Kaba limiou go ngil raiam u pakö i tamilimiou bate kato haniga ramen. Alimiou go hala pukpukuiam, kaba ma hakats nami tego lu pouts menami ta ka. Ba limiou te lue miou romana u hamatana pan, bate haröto has namiou alimiou a galapien tere Sunahan Iasa Koru. Taraha? Nonei e niga has na turu katuun u omi tena mala haniga uari tere Sunahan.

Aposol 14:18

U aposol i mastein mar ranga has uu teka kaba nori u katuun i hasoso sil noahasi tegina kato menaien u haats i taren.

Aposol 17:26

Tara töa tuburen ba nonei e hatuhanena a hun katuun te hasaputeien a man han hoboto i puta tegina kaien. Nonei e hopö kap mamin a pöata tara man töa man hun katuun hoboto, bate pana kap has nena a man han tegina kaien.

1 Timoti 6:17

Hateir u katuun te ka mer a mamanaka a para i romana gima solose ii a peisaren. Nori gima hasolaia tara moni tuun te antunan taia boroborona. E möa. Nori gi hasolaia tere Sunahan a tatangana koru te hala raneira a mamanaka te kato hasasaala ranoura.