Aposol 13:48 - U Bulunagana U Niga

⁴⁸ U katuun tima Jiui i hengo u ranga teka, ba nori e sasaala korur, me hanigeier u raranga tere Sunahan. Na u katuun te hopö kapir e Sunahan tegi töatöa nitöa, nori i hamana uu i tanen.

Aposol 13:48 ပူးပေါင်းရင်းမြစ်များ

Matiu 25:46

Ti markato uaien teka ba u katuun teka tena lue riou u nihahuna te ka nitöana, ba u katuun u matskö tena lue riou a nitöatöa te ka nitöana.”

Matiu 28:16

Ba u töa u maloto na töa tara katunun tsitsilo e la uar turu pokus i Galili te hatei raien e Iesu tegi la uaien.

U Bulungana u Niga tere Iesu Kristo te kolotein e Luk 7:8

Alia has e ka gia i kopina a nitagala turu katuun pan i tar, na lia e ka has megu u soldia te ka puta ria i tar. Alia ego ranga mei a töa bate poeiegu, ‘La’ ba nonei te lana. Na lia ego ranga mei a tai, ‘Lama’ ba nonei te la nama. Na lia ego ranga mei a tsonun kui i tar, ‘Kato a ka teka’ ba nonei te katoe nen.”

U Bulungana u Niga tere Iesu Kristo te kolotein e Jon 10:16

A palair u katuun has i tar e ka ria ielesala tara ololon sipsip i tar. Alia ena peigi has ragumen romana ba nori te hengoe riou u raranga i tar. Bate ka menou a töa puku a heis sipsip na töa puku a katunun pepeito kap i taren.

U Bulungana u Niga tere Iesu Kristo te kolotein e Jon 11:52

Kaba e Iesu ema mate sil peisa ranoui u Jiu, nonei e mate sil hase nou tego gono meraien a galapien tere Sunahan te ka kalakala ria tara mamana han ba nori te katoe riou a töa hun katuun.

Aposol 13:12

Pöata te tareia e gamman a ka teka ba nonei e töan hamanana. Nonei e asingoto koruni u hihatuts tara Tsunono.

Aposol 13:42

Ere Pol mere Banabas i katsin lakasa uu ielesala ba u katuun e poeier, “Turu lanin lotu te la nama alimiou emi hatei lel namou u raranga teka i tamulam.”

Aposol 15:2

Pöata timar ranga uu katuun teka, be Pol mere Banabas e hia raharaha gono me raren. Ba u kristen e hatuol raier ere Pol mere Banabas na palair u katuun has tegi la uaien i Jerusalem mena hamatskö gono merari u aposol na pal kapan turu kristen lotu u raranga teka.

Aposol 15:31

Ba nori e tara hakape ren me sasaala koru mer u raranga te kaia turu pas teka.

Aposol 2:41

U katuun ti hengoe u ranga i tanen bate sasaala meren i baptaisir. E sukusukuia turu 3,000 turu katuun ti baptaisir nonei turu lan teka temi hahonoto gono mer u katunun tsitsilo.

Aposol 2:47

Nori i solosei nitöani e Sunahan bate ka mer a niniganiga turu katuun ti ka hoboto meraien. Na turu mamana u lan a Tsunono e halasei susuli u hihase turu katuun u tsimus ti hamanaia tere Iesu Kristo.

Aposol 20:13

Alam u la mam mena osa mia tara tolaala me lauaiem tara taun i Asos. Ba lam ena sake la nem e Pol i Asos tego lu mena mien lam tara tolaala. Nonei noahas temar haka mam menai u ranga teka, taraha nonei e ngilin tataalaia i maroro te lauen i Asos.

Aposol 22:10

Ba lia e poeiegu, ‘O tsunono, aha te katoe goulia?’ Ba Tsunono e poeiena i tar, ‘Alö go takei balö te lam i Damaskus, balö tena hengo namou a mamanaka hoboto te hopö kap mei lö e Sunahan tegona kati lö.’

Aposol 28:23

Ba nori e hakeier u lan tegi gono hoboto meien e Pol, ba u katuun u parpara e la uarima tara makum te kaia e Pol. Tara bongbong mena antunena a lahibong nonei e ranga hatararein a Nipepeito tere Sunahan. Nonei e kato sil tega antunan palis meien u hakats i taren tere Iesu, bate hatei raneien u raranga te kana tara Lo tere Mosis na u raranga turu propet.

Aposol 8:8

Ba nisasaala pan e butuna tara taun i Samaria.

U pas te koloto menai e Pol turu kristenira i Rom 11:7

Baha hamanasa? A tei Israel ima lue ii a ka ti ngileien. A matsi töa puku lasi turu katuun ti sabe a ka teka, u katuun te hopö kapir e Sunahan. Kaba a pal parpara koru a tori ren e kihil lasi.

U pas te koloto menai e Pol turu kristenira i Rom 13:1

U katuun hoboto egi kukuti a gamman. Taraha, e möa ta töa ta gamman tega butu peisa. E Sunahan te hatuol a gamman hoboto me hala raneien a nitagala.

U pas te koloto menai e Pol turu kristenira i Rom 8:28

Na ra e ateira, a mamanaka hoboto e kui haniga silena u katuun te ngiler e Sunahan, u katuun te ngö sil rai e Sunahan tegi kukute menaien u ngilngil i tanen.

1 Korin 16:15

Bara a matsi hahatoulana alimiou e atei silemiou e Stepanas na pal katuun i tanen. Nori u katunura i Gris ti hamana tutuun uu tere Kristo. Turu ngil peisa i taren ba nori te taguhu koru rer u katuun tere Sunahan.

Epesis 1:11

A mamanaka hoboto te butuna e tahongona tara manka man kapan te ngilena e Sunahan. E Sunahan e hopö kap sil raira i manasa tegi katuun uu ra i tanen bate ka hoboto gono mera e Kristo, taraha nonei a ka te ngilin katoeien.

Epesis 1:19

Na lia e singo sil hasegu tego atei sil mena milimiou temar pan saluhe koru uana a nitagala i tanen te kuina iaharara u katuun te hamanara. Nonei a töa noa lahas a nitagala pan te hatakei mei e Sunahan e Kristo tara tou mate bate hagume nen tara pal matou i tanen i Kolö.

Epesis 1:4

I mamuma te habuteia e Sunahan u kolö na u puta, nonei e hopö kap sil raira tegi katuun uu ra i tanen, te hamana uarara tere Kristo. Nonei e ngilena tegi katuun uu ra i tanen batema ka merei ta markato ta omi i matanen.

Epesis 1:5

E Sunahan e taatagi koru raioura, na nonei e hopö kap mam raioura tego hahahu sila meraien ra tere Iesu Kristo. Nonei a ka te ngileien te tara hanigana i matanen.

2 Tesalonaika 3:1

A matsi hahatoulana, alimiou go singo bera moulam ba u raranga tara Tsunono te tasata boroboro nou bate pan noua i matar u katuun u parpara, te kato has uaien i tamilimiou.