Aposol 13:38 - U Bulunagana U Niga

³⁸ “Na, a matsi hahatoulana, alia e habulungana ragi limiou, nonei a katuun teka e Iesu te luba sila nena e Sunahan a markato a omi i tamilimiou.

Aposol 13:38 ပူးပေါင်းရင်းမြစ်များ

Matiu 1:21

Nonei e pose nou a pien tson, balö te ngöe moien e Iesu, e mar mouna uana teka, A Katuun a Hihitaguhu. Nonei e taguhu ranou u katuun i tanen bate luba nanou a man markato a man omi i taren.”

U Bulungana u Niga tere Iesu Kristo te kolotein e Luk 24:47

Na ka teka i koloto hasiin: u bulungana egi hatei la naia turu hun katuun hoboto i puta bate taniana i Jerusalem. Ba u katuun te palis ba ner a man markato a man omi bate hamana uaier tere Mesaia, e Sunahan e tatei luba nena a markato a omi i taren.

U Bulungana u Niga tere Iesu Kristo te kolotein e Jon 1:29

Turu tana u lan be Jon e tarena e Iesu e la uama i tanen, be Jon e poeiena turu katuun, “Taraiam, nonei teka a Tunan Sipsip tere Sunahan. Nonei tena luba nanou a man markato a man omi turu katuun i puta.

Aposol 10:43

U propet hoboto i ranga naien me poeier u katuun hoboto te hamana ria i tanen, e Sunahan e luba nanou a man markato a man omi, taraha e Iesu e taguhu ranouen.”

Aposol 2:14

Kaba e Pita e tuol gono mer a maloto na töa a aposol me ranga hapanina me poeiena turu katuun, “U katunura i Judia na limiou hoboto te ka mia i Jerusalem, hengo mia i tar ba limiou te atei haniga miou.

Aposol 2:38

Be Pita e poeiena i taren, “Hapolasa ba neiam a man markato a man omi na man hakats a man omi i tamilimiou ba limiou tena habaptais mia tara solona e Iesu Kristo ba man markato a man omi i tamilimiou te luba nariou ba limiou te lue miou u Namnamei u Göagono i tanen.

Aposol 28:28

Be Pol e pei hasena, “Na lia e hatei ragoui limiou, a nihitaguhu teka tere Sunahan e la tala uana turu katuun tema Jiu ri, nori tena hengo riou.” Pöata te ranga hakapa ia e Pol ba u Jiu e tarurar me hiangenngenar.

Aposol 4:10

Alia e ranga hatei mera goulimiou hoboto na u katuun hobotora i Israel. A katuun teka te tuoluna i matamilimiou e niga pouts mei a nitagala tara solona e Iesu Kristo na i Nasaret. Nonei tu hanila namia limiou tara kuruse be Sunahan e hatakei pouts noa hase nen tara tou mate.

Aposol 5:31

Be Sunahan e lu sei mena neien iasa tara pal matou i tanen, nonei a Tson Mammam na Tson Hihitaguhu. Nonei i lu sei sileien tegi palis menai u katunura i Israel u hakats na markato a omi i taren, ne lu sei sil haseien tego luba menaien a markato a omi i taren bate tara pouts uana i taren.

Epesis 1:7

Pöata te mateia e Kristo, bu rahatsing i tanen e sakahis ranoura be Sunahan e luba nena a man markato a man omi i tarara. A nitaatagi i tanen e pan koru, ba nonei e hitaguhu haniga koruna i tarara.

Epesis 4:32

Alimiou go hiakaka hanigaiam ba limiou te hiataatagi miou. Alimiou go solopaleiam a markato a omi tara taina katuun bate tara poutse men, temar luba has menai e Sunahan a man markato a man omi i tamilimiou tara solona e Kristo.

Kolosi 1:14

E Sunahan e sakahis sila raiara i tanen me luba ranera a man markato a man omi.

Hibru 8:6

Kaba a toukui te lui e Iesu e pan bala nena a toukui ti kamei u prisira i manasa, taraha nonei te ranga bera noura tere Sunahan, na nonei te hatagalena u hia hanhaniga u tsimus i tarara gono mei e Sunahan, na u hanhaniga teka e niga bala nena u hia hanhaniga na i manasa, taraha u hia hanhaniga teka e la gono menama a manka man niga na man mana.

Hibru 9:22

Tara markato tara Lo, a mamanaka a parpara e kato hagogoseri u rahatsing. Na e Sunahan e luba las menei a man markato a man omi u rahatsing tara ka te ngats hamateier.

1 Jon 2:12

A matsi galapien alia e koloto uagu i tamilimiou, taraha e Iesu e luba hakapein a man markato a man omi i tamilimiou.