Aposol 10:38 - U Bulunagana U Niga

³⁸ E hatei nena e Iesu na i Nasaret. E Sunahan e hale meien u Namnamei u Göagono na nitagala has. Nonei e tataala bate taguhu rena u katuun na nonei e kato haniga pouts hasir u katuun hoboto ti ka mei a siki na u katuun te pile kapir e Satan, taraha e Sunahan e ka gono meien.

Aposol 10:38 ပူးပေါင်းရင်းမြစ်များ

Matiu 12:15

Na pöata te atei sileia e Iesu a ka teka, ba nonei e la ba nena a han teka, ba parpara koru a katuun e kukute nen. Ba nonei e kato haniga hoboton töa rena u katuun ti kamei a siki.

Matiu 12:28

Na te Namnamei tala uanen tere Sunahan te tsuga mera gilia u liliahanei u omi, ga Nipepeito tere Sunahan e la tala uanou i tamilimiou.

Matiu 9:19

Be Iesu e takeina me la gono menen na u katunun tsitsilo has i tanen.

Matiu 9:35

E Iesu e hula laia tara mamana taun na man han hoboto. Ba e hihatuts lana tara man luman lotu turu Jiu bate habulungana la nena u Bulungana u Niga tara Nipepeito tere Sunahan. Na nonei e kato haniga pouts hasir u katuun ti kamei a mamana mar siki.

U Bulungana u Niga tere Iesu Kristo te kolotein e Mak 6:6

Ba nonei e asingoto koru nena ti hahamana uaien. Be Iesu e hula la na tara man han te hihatuts uaien turu katuun.

U Bulungana u Niga tere Iesu Kristo te kolotein e Luk 4:18

“U Namnamei tara Tsunono e kana i tar. Nonei e hopö kap naiou lia tego hahatei menai lia u Bulungana u Niga turu katuun ti möa ta ka. Nonei e hala namou lia tegomi habulungana menai lia u mar raranga teka: U katuun ti kitsir ena purese rariou, na u katuun u kiou e tatei tara pouts riou. Nonei e hala namou lia tegomi taguhu merai lia u katuun te tori tiamar. Taraha? Nori e pita puta rer.

U Bulungana u Niga tere Iesu Kristo te kolotein e Luk 9:42

Tara pöata te lama a pien, ba liliahanei e lapo ba nanen i puta me hula tula hohomi nanen. Be Iesu e tsuge iena a liliahanei, me kato haniga poutsena a pien, me hala poutse neien e tamanen.

U Bulungana u Niga tere Iesu Kristo te kolotein e Luk 9:56

Ba nori e la lelir tara tana han.

U Bulungana u Niga tere Iesu Kristo te kolotein e Jon 10:32

Kaba e Iesu e pei i taren, “Alia u haröto rai limiou a mamana toukui a niga tere Tamar. Ga saha mar toukui te katsin titi hatu memi limiou alia?”

U Bulungana u Niga tere Iesu Kristo te kolotein e Jon 16:32

A pöata e sukusuku hakapa, na e butu hakapa noahas ba nori te kute rariou limiou ba limiou hoboto te bus kalakala pouts uamou turu luma i tamilimiou ba lia te ka pepeisa gou. Kaba lia ema ka pepeisa koru goi, taraha e Tamar e ka gono menou lia.

U Bulungana u Niga tere Iesu Kristo te kolotein e Jon 3:34

E Sunahan te haleiema a katuun teka ba nonei emi hatei nena u raranga tere Sunahan. Na nonei e saputu mena u Namnamei u Göagono te hala nenama e Sunahan i tanen.

U Bulungana u Niga tere Iesu Kristo te kolotein e Jon 6:27

Alimiou goma kui silemi a ka te tatei putakana. E möa. Alimiou go kui sileiam a ka te niga nitöana, a ka te hala nena a nitöatöa te ka nitöana. Alia tu butun Katunuma e hala ragoui limiou a ka teka, taraha e Tamar e Sunahan e hanige noulia.”

Aposol 10:37

U raranga teka e taniama i Galili me la ualala i Judia i murina a tou baptais tere Jon.

Aposol 2:22

“Alimiou u katunura i Israel, hengoeiam u raranga i tar. E Iesu na i Nasaret nonei a katuun te hopö kapiin e Sunahan. Na e Sunahan e haleien a nitagala ba nonei te katoeiena a man mirakol pan i matamilimiou, na manka teka e harötein te mana uana e Iesu. Alimiou e atei sile miou a ka teka, taraha nonei e butuia tara han teka.

Hibru 1:9

Alö e haniga korueiem a markato a matskö batema hanige mi a markato tema matskö nei. Na e Sunahan noahas i tamölö te haka sei ia lö turu katuun hoboto i tamölö, na nisasaala i tamölö e pan bala nena a nisasaala i taren.”

1 Pita 5:8

Alimiou go hakats haniga mia i peisamilimiou, na ego haneiam! Taraha, u pakö i tamilimiou e Satan e roron hula lana bate sakeiena ta katuun tega kato homien. E here nei a laion te hula ngala lamena te sake menaneien ta ka ta töatöa tega noueien.

1 Jon 2:20

Kaba limiou i lu hakapaneiam u Namnamei u Göagono tere Iesu Kristo, na limiou hoboto e kame miou a niatei.

1 Jon 3:8

A katuun te kato homi nitöana nonei a pien tere Satan, taraha e Satan e solon kato homi i mam noahas batemi antunana i romana. Na a Pien Tson tere Sunahan e butu silema tegomi kato hatia menaien a toukui tere Satan.