3 Jon 1:10 - U Bulunagana U Niga

¹⁰ Na pöata temi tuku goua lia i tamilimiou ba lia te hatei nagou a man markato te katoe nen. Te tuts sil mera neien lam, na tema lu mera neien a man hahatoulana i tarara i tanen, na te hapiou has mena neien tegi lu meraien a palair u katuun. Na te tsuga mera neien u katuun te hamana ria tere Iesu.

3 Jon 1:10 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 6:22

Sasaalaiam tara pöata te omi raria limiou, na te tori hasoala raria limiou, na te ranga homi raria limiou, na te tsuga raria limiou, te hamana uami limiou i tar, alia tu butun Katunuma.”

U Bulungana u Niga tere Iesu Kristo te kolotein e Jon 9:22

U muntahol i mar ranga uu teka taraha nori i matoutir u katuun pan turu Jiu. A pal kapan i hatangana hoboto hakapein tegi tsuga mei ta katuun i luman lotu tego pei menaien e Iesu nonei e Mesaia te hala nema e Sunahan.

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

2 Korin 13:2

Alia e ranga hatagala gia i tamilimiou u katuun ti kato homi i manasa, na limiou hoboto has. Alia u hatei naien tara hahuoluna a nilala i tar i tamilimiou. Alia e ka halehana talagu, kaba lia e kato lelegu u ranga teka: tara pöata te la lel goua lia i tamilimiou, alia ema taatagi ragoui u katuun te kato homir bate hahuna koru las ragouen.

Galesia 6:10

Na man pöata te antuna rara bara te tatei taguhu raiera a pala te hamanar, bate taguhu has raiera u katuun hoboto.

1 Timoti 5:13

Nori u amoaba teka toum e ka pinopino riou bate hula la uar tara man luma. Na nori toum e ranga pinopino sil hase riou a palair u katuun bate kato pinopino tunur bate ranga has ner a manka tegi ma ranga naien.

2 Jon 1:10

Temi hihatuts nena ta katuun u raranga tema matskö neia turu hihatuts tere Kristo, ba limiou tema tatei lu mena mien i luma i tamilimiou, batema tatei ranga hatami has mia i tanen.

2 Jon 1:12

Alia e ngilin hatei gilö u raranga u parpara, kaba alia e raman koloto nagien turu pas. Alia e ngilin na taregu a matamölö bate hiararanga gono megou lö, bara te töan sasaala nitöara.

3 Jon 1:3

Alia u sasaala koru mei temi butu uu a man hahatoulana i tarara te hamana ria tere Iesu, bate hatei rilia te kukute haniga mena milö u raranga u mana.

3 Jon 1:5

A hahikapien i tar, alö e kato haniga korum te taguhu mera milö a man hahatoulana i tarara, tema atei sil rami lö.