2 Timoti 4:18 - U Bulunagana U Niga

¹⁸ Na a Tsunono e luba nanoi lia a mamana niomi bate lu mena nei lia tara Nipepeito i tanen i Kolö. Aragi solosei nitöa naien tara mamana pöata! U mana.

2 Timoti 4:18 ပူးပေါင်းရင်းမြစ်များ

Matiu 13:43

Ba u katuun u matskö te alesala hereri romana a pitala tara Nipepeito tere Tamaren. Na lö a katuun te ka mem u talinga alö go hengo haniga!”

Matiu 25:34

“Ba lia te ranga meragou u katuun tara pal matou i tar, ‘U katuun te kato hasasaaler e Tamar, lamuma batemi luemiou a Nipepeito ti kato taatago berai limiou i manasa noa te habuteia e Sunahan a mamanaka.

Matiu 6:13

Alö goma hala merai lam tara tou hiamus, kaba lö go luba nema a man niomi i tamulam. U mana.’

U Bulungana u Niga tere Iesu Kristo te kolotein e Luk 11:4

Balö te hapolasa bera mi lam a man markato a man omi i tamulam te hapolasa has mena mi lam a man markato a man omi ti katoeia u katuun i tamulam. Na lö goma hala merai lam tara pöata turu hiamus.’”

U Bulungana u Niga tere Iesu Kristo te kolotein e Luk 12:32

Be Iesu e poeiena, “Alimiou a matsi katuun i tar, alimiou goma matout mi. Taraha? E Tamamilimiou e sasaala mena tego hala meraien limiou a Nipepeito i tanen.

U Bulungana u Niga tere Iesu Kristo te kolotein e Luk 22:29

Ba lia te hala ragou ii limiou a nitsunono tego king uaiam limiou, temar hala has menai lia e Tamar a nitsunono tego king uu lia.

U Bulungana u Niga tere Iesu Kristo te kolotein e Jon 17:15

Alia ema rangata silegi alö go luba raien tara han i puta teka. E möa. Alia e rangata silegu tego hatongo kap meraien lö tara nitagala tere Satan.

U pas te koloto menai e Pol turu kristenira i Rom 11:36

Taraha, e Sunahan e habutu a mamanaka hoboto na nonei peisa a mouna a mamanaka, na manka hoboto e ka uana i tanen. Ba ra te solosei nitöa tala nera e Sunahan. U mana.

U pas te koloto menai e Pol turu kristenira i Rom 16:27

Aragi solosei nitöani e Sunahan nonei lasi a töa te atei silena a mamanaka hoboto. Nonei e tatei lu sila nena a solo pan tara toukui pan te katoe e Iesu Kristo. U mana. Alia e Pol

1 Korin 1:21

Tara niatei i tanen e Sunahan e hatu kapiin a maroro turu katuun te torohanan atei sile ren tara niatei peisa i taren. Kaba nonei e lu pouts rena u katuun te hamana uar i tanen tara pöata te hengoe rien u raranga i tamulam, te ngöeri u katuun, u raranga u tutu.

1 Korin 10:13

U mamana u torohana te butuna i tamilimiou e roron butu hasna turu katuun hoboto. Kaba e Sunahan a katuun a hihipakoko na nonei ema haniga na noi u torohana te tagala bala na nou a nitagala i tamilimiou. Kaba, e Sunahan e kato bera noi limiou a maroro tego bus ba sila na milimiou u torohana ba limiou te antunan tagala na moien.

1 Korin 15:50

Alia emar ranga uagu teka a matsi hatoulana: u tuenreina turu tsiktsiki ema tatei la uanei tara Nipepeito tere Sunahan na u tuenrei te tia nou ema tatei la uanei tara han turu tuenrei te ma tatei tia nei.

2 Korin 1:10

Nonei e luba raialam tara nimate a kapan koru, na lam e hamanem nonei ena luba lel has ranoua lam tara nimate.

Galesia 1:5

Na te markato tala uanen teka bara te solo sei nitöa nera e Sunahan tara mamana pöata! U mana.

1 Tesalonaika 5:23

E Sunahan e tatei kato hagogoso nitöanena a torimilimiou, e Sunahan te hala nenama a masalohana i torirara. Alam e ngil hasem e Sunahan e tatei tara kap nena u namnamei i tamilimiou na torimilimiou na u tuenrei i tamilimiou, ba limiou te tatei niga nitöamiou tara pöata te la pouts nama romana e Iesu Kristo a Tsunono i tarara.

2 Tesalonaika 3:3

Kaba a Tsunono a katuun a hihipakoko. Nonei e kato hatagale nou a torimilimiou bate hatongo kap ranoua limiou tere Satan.

1 Timoti 1:17

Aragi solosei a Kingina tara mamana pöata, nonei puku a King teka tema antunan mate nei na tema antunan tara nari. E Sunahan nonei a töa puku. Aragi solosei nitöa naien tara mamana pöata. U mana.

1 Timoti 6:16

Nonei a töa tema antunan mate noi na nonei e kana turu ualesala pan tema antunan la hasukusuku uari u katuun. Emoa ta katuun tega antunan tareien i manasa na ema antunan tara noahas nari i romana. Aragi soloseien, nonei te tagala saluhe nitöana. U mana.

2 Timoti 1:12

Na nonei a ka te sagoho sila nagia lia a kamits. Kaba alia ema matsingologi, taraha, alia e atei silegu esi te hamana gia lia, na lia e atei sil hasegu nonei e antunan tara kap haniga nena a mamanaka te hataratara kap naien lia, e antunana turu Lan Pan tere Sunahan.

2 Timoti 4:1

U mana koru alia e ranga hatagala koru me gialö i matana e Sunahan na e Iesu Kristo temi ona rarouen u katuun hoboto te töatöar na ti mate hakapa, ba nonei te hatakeie nou a Nipepeito i tanen.

Hibru 11:16

Kaba e möa. A han ti ngil bala korueien te niga bala, nonei a han i Kolö. Na e Sunahan ema matsingolo mei tegi ngö menaien a Sunahan i taren, taraha nonei e kato beraien a han.

Hibru 12:22

Kaba limiou uma la uamei tara han te markato uana teka. E möa. Alimiou u la uamuma turu Pokus i Saion, te ngöeri a han tere Sunahan te töatöana, na te ngö haseri a Jerusalem a Tsimus te kana i Kolö. Alimiou u la uamuma turu angelo u parpara koru te ka hobotor bate sasaala nitöar.

Jemis 2:5

Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.

1 Pita 1:5

Na tara nihamana i tamilimiou na nitagala i tanen, nonei e tara kap ranou limiou, e antunana tena lue moua limiou a nihitaguhu teka te hahalosena tegi haröto menaien tara kapakapana a pöata.

1 Pita 5:11

E Sunahan te ka nitöa mena a nitagala pan tara mamana pöata. U mana.

2 Pita 1:11

Be Sunahan te haniga koruna romana tego tasu uaiam limiou tara Nipepeito tere Iesu Kristo a Tsunono i tarara te lu pouts raiou ra, a Nipepeito tema antunan kapa nei.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita

U pas te kolotein e Jut 1:1

Alia e Jut, a katunun kui tere Iesu Kristo, e toular e Jemis. Alia e koloto menagi u pas teka i tamilimiou, u katuun te ngöri e Sunahan. E Sunahan e Tamarara e ngil koru ranou limiou, na e Iesu Kristo te taratara kap ranou limiou.