2 Timoti 4:14 - U Bulunagana U Niga

¹⁴ E Aleksenda, a katuun te kukuieiena a aien, e kato homi koruia i tar. A Tsunono e hahune noen e antunana tara man markato a man omi te kateien.

2 Timoti 4:14 ပူးပေါင်းရင်းမြစ်များ

U pas te koloto menai e Pol turu kristenira i Rom 12:19

A matsomi, e möa koru tego hipou uaiam limiou. Nonei a ka peisa tere Sunahan. Taraha, i koloto naia turu Buku u Göagono te pei menai e Sunahan, “Alia te hipou gou. Alia te palise gou a markato a omi.”

U pas te koloto menai e Pol turu kristenira i Rom 2:6

E Sunahan e hamatana hapopo has ranoua u katuun tara saha ka ti katoeien.

2 Tesalonaika 1:6

Na e Sunahan e kate nou a markato a matskö tara pöata te hakamits ranen romana u katuun te hakamits rariou limiou.

1 Timoti 1:20

A maroro tala ti kukuti ere Himenias mere Aleksenda balia ena haka ragien i limana e Satan, ba nori te hatuts rari tegima ranga hohomi menaien e Sunahan.

2 Timoti 4:15

Alö go peito kap has naien, taraha nonei e rama hatagala korunena u raranga i tarara.

1 Jon 5:16

Te tare mialö a töa katuun tara pala te hamana ria tere Iesu e kato homina ba limiou te singo silemen tere Sunahan, be Sunahan te hale noien a nitöatöa. Kaba te kato homi koru nen bate laba nena a nitöatöa tere Sunahan, alia ema ranga nagi alimiou ego singo sileiam a katuun teka tere Sunahan.

Revelesin 18:20

Kaba alimiou u katunura i Kolö, alimiou go sasaala meiam te taia uanen. Alimiou u katuun tere Sunahan na u aposol na u propet ego sasaala iam. Taraha? E Sunahan e hahuner u katuun tara taun teka tara manka man omi ti kateien i tamilimiou!”

Revelesin 18:6

Alimiou go markato palis has memien te markato uaien i tamilimiou bate hapona mia tara man markato a man omi, bate katoe mien a huol a makum. Nonei e kato homi a katuun a parpara, hapona has mia tara man markato te katoeien te palis memien limiou.

Revelesin 6:10

Ba nori e ku hapanir me poeier, “O Tsunono, alö te pan korum tara mamanaka, na lö a göagono na lö hamana. I hangisa balö te hakapem a niomi turu katuun i puta bate katoeiem a hipou i taren ti atung hamate meraien lam?”