2 Timoti 4:10 - U Bulunagana U Niga

¹⁰ Taraha, e Demas e ngil koruena a han i puta teka. Nonei e laba hakapa naiou lia me lauana tara taun i Tesalonaika. E Kresens e la uu tara provins i Galesia na e Taitus e la uu tara provins i Dalmesia.

2 Timoti 4:10 ပူးပေါင်းရင်းမြစ်များ

Matiu 12:32

A katuun te ranga homi nanou lia tu butun Katunuma, e Sunahan e tatei luba nanou a markato a omi i tanen. Kaba a katuun te ranga homi nena u Namnamei u Göagono, e Sunahan ema tatei luba nanoi a markato a omi teka i tanen, tara pöata i romana, na tara pöata i murimuri has.”

Matiu 26:56

Kaba mamanaka hoboto teka e butu silena tego kato hamana menaien u raranga ti koloto naia u propet turu Buku u Göagono.” Ba u katunun tsitsilo hoboto i tanen e laba naren me busur.

U Bulungana u Niga tere Iesu Kristo te kolotein e Luk 14:33

Na e markato has uana iesana i tamilimiou a man tötöa. Alö go tula ban a mamanaka te ka memölö. Te möa nen, alö ema antunan katunun tsitsilo uamoi i tar.”

U Bulungana u Niga tere Iesu Kristo te kolotein e Luk 16:13

“E möa ta katunun kui tega antunan kui bei a huol a tsunono. Nonei e ngile nou a töa bate rama nanou a tai. Tsi, nonei e karous nanou a töa bate hengo hanigeiena a tai. Alimiou ema antunan hatsunonemi e Sunahan na moni.”

U Bulungana u Niga tere Iesu Kristo te kolotein e Luk 17:32

Hakats kopis naiam a ka a omi te butuia tara tahol tere Lot.

Aposol 13:13

Be Pol na u katuun ti tataala gono meien e laba ner a taun i Pepos, ba tolaala e hosa mera neien tara taun i Pega tara provins i Pampilia. Kaba e Jon Mak e laba raien me la pouts uana i Jerusalem.

Aposol 15:38

Kaba e Pol ema ngilin la gono mei a katuun te laba namen i Pampilia na tema la gono meraien tara man toukui.

Aposol 16:6

Nori i silaia i gusuna a provins i Prigia na i Galesia. U Namnamei u Göagono e hatei raien tegima tatei hihatuts menaien u raranga tere Sunahan tara han i Eisia.

Aposol 17:1

E Pol mere Sailas i silaia tara taun i Ampipolis na i Apolonia ba nori ena butu ria tara taun i Tesalonaika te kaia a luman lotu turu Jiu.

Aposol 17:11

U Jiu teka ima here rai u Jiu ra i Tesalonaika. U Jiu ra i Beria i hakats halesala koru, kaba u Jiu ra i Tesalonaika i hapiou ni u raranga u tsimus. U Jiu ra i Beria i hengo hanigei u raranga tere Pol, na turu mamana u lan nori i taratara ia turu Buku u Göagono bate sakier tego mana uu raranga teka.

Aposol 17:13

Kaba pöata ti hengoeia u Jiu ra i Tesalonaika e Pol e habulunganein u raranga tere Sunahan i Beria has, ba nori e la uarima i Beria memi hatakei haser a raharaha turu katuun teka.

Aposol 18:23

I murina te gamon kaia e Pol i Antiok ba nonei e lana tara man palaina man han tara provins i Galesia na i Pritsia, te kato hatagala pouts menaien u nihamana turu kristen hoboto.

2 Korin 2:13

Kaba lia uma kamei ta niniganiga, taraha alia uma antunan sabei e toularara e Taitus. Ba lia e laba regu u katuun i Troas me lauagu i Masedonia.

2 Korin 7:6

Kaba e Sunahan e roron kato hasasaala rena u katuun te kamer a nitaatagi, na nonei e kato hasasaala has raiou lam tara pöata te tukuia e Taitus.

2 Korin 8:16

Alam e haniga koru uaiem tere Sunahan te hala menaien e Taitus u tori u niga ba nonei te ngilin taguhu koru ranou limiou temar ngilin taguhu has meragi lia limiou.

2 Korin 8:23

E Taitus nonei a tson te kui gono menou lia na te taguhu has ranou limiou. Na palair u hahatoulana te la gono merouen, nori has u katunun tataala tara man hun katuun tere Kristo, na nori e solosei haseier e Kristo.

2 Korin 8:6

Ba lam e ranga hatagala mia tere Taitus tego kato noa menaien a toukui te hatanieien, te hala menari a monin hitaguhu.

Pilipai 2:21

A palair u katuun hoboto e hakats las ner a nikaka peisa i taren, batema hakats sileri a manka tere Iesu Kristo.

1 Timoti 6:10

Taraha, u ngilngil tara moni a mouna koru a mamana markato a omi. Turu ngilngil pan koru tara moni ba palair u katuun te hapolasa susuler a markato te hamana uarara tere Sunahan bate katoeier a mamanaka a omi te kato hakamitsena a peisaren.

1 Timoti 6:17

Hateir u katuun te ka mer a mamanaka a para i romana gima solose ii a peisaren. Nori gima hasolaia tara moni tuun te antunan taia boroborona. E möa. Nori gi hasolaia tere Sunahan a tatangana koru te hala raneira a mamanaka te kato hasasaala ranoura.

2 Timoti 1:15

Alö e atei silem u katuun hoboto tara provins i Eisia i la ba naiou lia, na e Pitselas mere Hemotsenis has.

2 Timoti 4:16

E möa ta töa ta katuun tega taguheiou lia tara pöata tutuun tu kaia lia turu kout. U katuun hoboto i laba naiou lia. Alia e ngilegu e Sunahan egoma hahuna raien tara ka teka.

Taitus 1:4

O Taitus, alö a pien tson i tar, te hamana hoboto uarara tere Sunahan. E Sunahan e Tamarara na e Iesu Kristo te taguhu raioura e tatei taatagi nariou lö na e tatei hala hase rilö a masalohana.

Pilimon 1:24

Na palair u katuun te kui gono mere gulia ere Mak mere Aristakus na e Demas na e Luk e hala has neruma u rangan haniga i tamölö.

2 Pita 2:15

Nori i la ban a maroro a matskö me kukutier a maroro tere Balam a pien tere Beor. E Balam e ngil korui a hihol te lueien tara markato a omi te katoeien, kaba e Sunahan e ranga hapiou meien. Ba rongki i tanen e ranga here nei a katuun te hapiou menaien tegoma tatei kato menai e Balam a markato a tutu na omi te katsin katoeien.