2 Timoti 3:6 - U Bulunagana U Niga

⁶ A palai ena hohou kapiena rariou a man munmun tahol bate angöngoso mera roi a touhaliou u tutu u hihatuts u omi i taren. A touhaliou teka e saputu koru mer a man markato a man omi bate kukutier u mamana u ngilngil u omi i taren.

2 Timoti 3:6 ပူးပေါင်းရင်းမြစ်များ

Matiu 11:28

“La uamuma i tar, alimiou hoboto te kui hatagala koru miou, bate söate miou a nitiama a kapan koru. Alia e hahusa ragou limiou.

Matiu 23:13

E Iesu e ranga lel me poeiena, “Alimiou u tson ateira tara Lo na limiou u Parasi, a nomi pan e butu noa i tamilimiou! Alimiou u gamogamo, na limiou te ron hatu kap ramiou u katuun tegi tasu uen tara Nipepeito tere Sunahan, na limiou pouts has ema antunan tasumi.

Matiu 23:14

Alimiou e roron katoemiou u singona turu lotu u ngahangaha turu rung tuun, bate lu tsipon bemi a peisa milimiou a manka turu amoaba. Te markato uamilimiou teka alimiou e luemou a nihahuna a omi koru.

Matiu 4:24

Ba u katunura tara mamana han hoboto tara provins i Siria e hengo ner a toukui na u hihatuts te katoe e Iesu. Ba nori e la merarima u katuun hoboto ti ka mei a mamana mar siki, u katuun ti sagohi a mamana mar kamits, na u katuun u popolöana, nu katuun u kotskotsibong, nu katuun u matekata. E Iesu e kato haniga hoboto pouts raien.

U Bulungana u Niga tere Iesu Kristo te kolotein e Mak 4:19

Kaba nori e hakats koru ner a mamanakana i puta bate ngilin lu ner ta moni pan, bate matesil koruer tegi lu menai ta palaina ta ka. Na mamanaka teka e butu talana bate pil kap nena u raranga tere Sunahan, bu raranga i tanen tema habutu talenei ta markato ta niga turu katuun teka.

1 Korin 12:2

Alimiou e atei silemiou a pöata tu tematan noa mia limiou, alimiou u kukuteiam a markato ti hatsunono menai u kesa tema töatöa nei.

1 Timoti 5:6

Kaba a amoaba te kukutiena u mamana u ngilngil turu tuenrei i tanen e here nei a tahol a mate, noahasina te töatöa noa uanen.

1 Timoti 6:9

U katuun te ngilin ka mer a mamanaka a parpara e tutu lala tuun rena bate rus beier a maroro tara markato a omi. A maroro teka, a tanga turu mamana u ngilngil u omi na u tutu te antunan las mena nei a katuun tara han a omi i hel.

Taitus 1:11

U katuun teka egi ranga hapiou mer batema tatei hipusri, nori e kato homi raier u katuun. Taraha nori e ngilin lu tuun ner taka ba nori te hatuts rari u katuun a manka tema matskö nei.

Taitus 3:3

Taraha, i manasa ara i hipus has bate kato hatutu hasira na palai i gamo has raioura. Na u ngilngilina tara mamanaka a nigana i puta e pile haröroto koru has raioura. Na mar nikaka i tarara e saputi a markatona turu hiomi na markato a omi. U katuun ima haniga rai ra, na ra ima haniga has raien.

2 Pita 2:18

Nori e ranga sesei koru ner u raranga u tutu bate hamamangil reri u katuun u ngilngil na man markato a man omi i peisaren, u katuun ti hagou bus bar u katuun te roron kato homir.

2 Pita 3:17

Kaba a matsi hahatoulana i tar, alimiou u atei sil hakapeiam a ka teka. Na limiou go haneiam, u katuun u omi e tatei gamo rari limiou a man markato a man tutu ba limiou tema tuol hatagala lel moi turu nihamana i tamilimiou

U pas te kolotein e Jut 1:16

U katuun teka e roron ranga homi ner a nikaka i taren bate mamala sasaalari. Nori e kukutier u ngilngil u omi i taren. Nori e ranga sesei ner a peisaren na nori e angoso raier u katuun tegi lube meraien ta ka.

U pas te kolotein e Jut 1:18

Nori i hatei mam raiou limiou me poeier, “Tara kapakapana pöata, u katuun e sigale riou romana a markato tere Sunahan bate katoe riou a manka man omi te ngilin kato naren.”

U pas te kolotein e Jut 1:4

Taraha, a palair u katuun u omi i mous ma i gusu milimiou. U mar katuun teka i tus merai turu mar nihahuna te ka noua turu kout tere Sunahan, ba nori tena tia riou, ti mar ranga uu propet tere Sunahan. Nori e roron paliseier u raranga u niga tere Sunahan bate katoerien u rarangana tara markato a omi. U katuun teka e roron tori tsuga naier a töa puku a Tsunono i tarara, e Iesu Kristo.