2 Timoti 3:16 - U Bulunagana U Niga

¹⁶ E Sunahan e hakolotein u raranga hoboto turu Buku u Göagono. U raranga teka e ka mena a toukui a niga tegi hihatuts menai u raranga u mana, na tegi hapiou menai a ka te omina, na tegi hamatskö meraira, na tegi haröto meraira ime te markato haniga uarara i matana e Sunahan.

2 Timoti 3:16 ပူးပေါင်းရင်းမြစ်များ

Matiu 13:52

Ba nonei e poeiena i taren, “U tson hihatuts hoboto tara Lo, na limiou u katunun tsitsilo has i tar tara Nipepeito tere Sunahan, alimiou e heremi a katuun terena luma te lue nama a manka a man tsimus na manka man toutounei tara makumun haputu i tanen.”

Matiu 21:42

Be Iesu e ranga meranen, “Alimiou i rit haseiam u raranga turu Buku u Göagono, ‘A hatu ti raman u katunun kukui luma bate hapiraka naren, nonei a hatu te niga balana tara toukuina tara luma. A ka teka a Tsunono te katoeien, ba nonei te niga koruna i matarara!’”

Matiu 22:43

Be Iesu e poeiena i taren, “Ga taraha tsiponi ba u Namnamei u Göagono te harangena e Devit ba e Devit e ngöenei e Mesaia ‘A Tsunono’?

Matiu 26:54

Kaba tego markato u lia teka, ga ime temar mana uanou u raranga te kana turu Buku u Göagono? Taraha, u Buku u Göagono e poeiena nonei ega mar butu uu teka.”

Matiu 26:56

Kaba mamanaka hoboto teka e butu silena tego kato hamana menaien u raranga ti koloto naia u propet turu Buku u Göagono.” Ba u katunun tsitsilo hoboto i tanen e laba naren me busur.

U Bulungana u Niga tere Iesu Kristo te kolotein e Mak 12:24

Be Iesu e poeiena i taren, “Alimiou e ranga hatutu memiou, taraha, alimiou ema atei silemi u Buku u Göagono na nitagala tere Sunahan.

U Bulungana u Niga tere Iesu Kristo te kolotein e Mak 12:36

U Namnamei u Göagono te hale ii e Davit u hakhakats ba nonei e poeiena, ‘A Tsunono e mar ranga uu teka tara Tsunono i tar, Gum ia tara pal matou i tar, e antunana tara pöata te hale goi lia lö u katuun te paköe rioulö ba lö tena pita puta ramouen.’

U Bulungana u Niga tere Iesu Kristo te kolotein e Jon 10:35

Na u ranga turu Buku u Göagono ema antunan kapa nei. Na e Sunahan e pei nori u katuun ti halarai u raranga tere Sunahan i herei u sunahan.

U Bulungana u Niga tere Iesu Kristo te kolotein e Jon 3:20

Taraha, u katuun u omi e rama koru ner u ualesala, ba man markato a man omi i taren tema tatei lakasa nei.

Aposol 18:25

Nonei i hatutse ii a maroro tara Tsunono, na nonei e tagala sil korui a Tsunono. Nonei e roron hatuts hamatskö rai u katuun a manka tere Iesu te hengo naien. Kaba nonei e atei sil peisa lasi a man hihatuts tere Jon a Tsonun Baptais.

Aposol 20:20

Na lia uma matout mei tu habulungana menai u raranga te tatei taguhu ranou limiou. Na turu hagum na tara man luma has i tamilimiou, alia u hatuts raiou limiou. Alimiou e atei sile men.

Aposol 20:27

Alia uma peits ba railimiou tu ranga. E möa. Alia u hatei railimiou a man hakats hoboto tere Sunahan.

Aposol 28:25

Ba nori ema hiahanhaniga ri, ba pöata ti katsin taruraien be Pol e hala lel raneien ien u tana u raranga. Ba nonei e poeiena, “U Namnamei u Göagono tere Sunahan e ranga hamana i manasa tara pöata te harangeien e Aisaia a propet tere Sunahan me ranga gono mena u tubumilimiou.

U pas te koloto menai e Pol turu kristenira i Rom 15:4

A mamanaka ti koloto naia turu Buku u Göagono i koloto sile ii tega hatuts meraien ra na tega hala meraien ra u rangan hitaguhu ba ra te hahalosera a manka man niga tere Sunahan bate hamana sile ren.

U pas te koloto menai e Pol turu kristenira i Rom 2:20

Na limiou e roron hamatskö ramiou u katuun tema hakats hanigari, na limiou e hatuts ramiou u katuun te hakats here rari a galapien. Alimiou e peimiou alimiou e atei silemiou a Lo tere Mosis e ka mena a man niatei hoboto na man raranga a man mana te ngiler u katuun.

U pas te koloto menai e Pol turu kristenira i Rom 3:2

Aa, u Jiu e kamer a parpara ka tema kameri a palair u katuun. E Sunahan e haniga mam merai u Jiu tegi lu menaien u raranga i tanen bate tara kap naren.

U pas te koloto menai e Pol turu kristenira i Rom 4:23

Kaba u raranga te poeiena, “E Sunahan e ngöei e Abraham a katuun a matskö,” u raranga teka ima koloto peisa menai tere Abraham. E möa.

1 Korin 12:7

E Sunahan e hala ranei ra u Namnamei u Göagono i tanen bara te taguhu raiera u katuun hoboto.

Galesia 3:8

I manasa koru e Sunahan e atei sil mami u katuun tema Jiu ri, ena hamana roua i tanen na turu Bulungana u Niga. Ba nonei te ngö ranoien u katuun u matskö. Na i manasa koru nonei e hate ii e Abraham u Bulungana u Niga teka. Ba nonei e poeiena, “Alia ena kalala sila ragoua a man hun katuun hoboto i puta i tamölö.” Temar ranga noahas uana u Buku u Göagono.

2 Timoti 2:25

Bate tuatami merena u katuun te tori tsuga ner u raranga i tanen bate hamatskö ranen. E Sunahan te tatei haniga nanou tegi palis uen bate atei siler u raranga u mana.

2 Timoti 4:2

Alö go habulunganein u bulungana tere Sunahan. Noahasina tara pöata a omi tsi a pöata a niga, habulungana hatagalein. Alö go haröter u katuun te mana uana u raranga tere Sunahan, balö te ranga hapiou rem u katuun te kato homir. Na lö go taguhir u katuun te torohanan kato hanigar. Hihatuts haniga nitöaia i taren, balö te tuatami mera men.

Hibru 11:1

A markato turu nihamana e markato uana teka: ara e atei silera a manka te hamana sile rara e butu hamana nou. Na ra e atei silera a manka tema tare rei ra e mana noahasina.

Hibru 3:7

U Namnamei u Göagono e poeiena: “Te hengoe mia limiou u raranga tere Sunahan i romana, ba limiou tema tatei mar hipus len uami ti mar hipus uu tubumilimiou bate tori tsuga nariou lia batena torohane ria lia tara makum a palaka.

Hibru 4:12

U raranga tere Sunahan a nitöatöa, na e kana na e kui hatagala nitöana. E here nei u kilata u nou koru, kaba e nou bala nena u kilata te nou hihapalana. Na u raranga i tanen e antunan hamoueiena u namnamei tara katuun. Nonei e tasuna i torina a katuun iogana nitöa, bate oneiena u hakhakats na u ngilngil i tanen.