2 Timoti 3:15 - U Bulunagana U Niga

¹⁵ Tu tetenei noaia lö, alö i hatutse ii u Buku u Göagono te antunan hale noi lö a niatei temar lu pouts mera nei e Sunahan u katuun, te hamana uaren tere Iesu Kristo.

2 Timoti 3:15 ပူးပေါင်းရင်းမြစ်များ

Matiu 22:29

Be Iesu e ranga palis ranen me poeiena, “Alimiou e gamo miou. Taraha, alimiou ema atei silemi u Buku u Göagono, na nitagala tere Sunahan.

U Bulungana u Niga tere Iesu Kristo te kolotein e Luk 1:15

Taraha? Nonei ena katuun pan noa i matana a Tsunono. Ba nonei tema tatei ue noi u uain na u ramun u hiski. Na nonei e saputu menou romana u Namnamei u Göagono i mam has tegi posa menaien!

U Bulungana u Niga tere Iesu Kristo te kolotein e Luk 2:40

Ba nonei a pien e pan susul gono menama a nitagala. Nonei e ka mei u hakats u niga koru, na nikalala tere Sunahan e ka hasia i tanen.

U Bulungana u Niga tere Iesu Kristo te kolotein e Luk 24:27

Be Iesu e hatarare raneien u mamana u raranga turu Buku u Göagono te hatei nanen, e taniama tara man buku te kolotein e Mosis batemi noana tara man raranga ti kolotein u propet hoboto.

U Bulungana u Niga tere Iesu Kristo te kolotein e Luk 24:32

Ba nori e hiararanga ria i taren pouts, “U mana, a torirara e sagohe nama te mana uana u raranga i tanen, tara pöata te ranga namen i maroro me hatuts ranei ra u Buku u Göagono.”

U Bulungana u Niga tere Iesu Kristo te kolotein e Luk 24:45

Ba nonei e kalatena u hakhakats i taren tegi atei sil menaien u Buku u Göagono, me poeiena i taren, “A manka teka i kolotein: e Mesaia ega sagohi a kamits na ega mate bate takei poutsuna turu hatopisana u lan.

U Bulungana u Niga tere Iesu Kristo te kolotein e Jon 5:47

Kaba tema hamane milimiou a ka te koloto naien, ga ime temar hamana menamoi limiou u raranga i tar?”

Aposol 10:43

U propet hoboto i ranga naien me poeier u katuun hoboto te hamana ria i tanen, e Sunahan e luba nanou a man markato a man omi, taraha e Iesu e taguhu ranouen.”

Aposol 13:29

Na tara pöata ti kato hakapeien a mamanaka ti koloto mamin u propet, ba nori e atung hamateier e Iesu. Ba nori e lu hakoule rien tara kuruse, mena honge rien tara kioun mate.

Aposol 16:1

Ere Pol mere Sailas i la mam uu tara taun i Debi be la lelir i Listra te kaia a töa kristen a hitots, a solonen e Timoti. E tsinanen a toun Jiu, nonei a kristen has kaba e tamanen a toun Grik.

Aposol 17:2

Be Pol e tasu na tara luman lotu turu Jiu te roron markato uaien, ba turu topisa u Lan u Göagono be Pol e ranga mera nen me hatei nena u Buku u Göagono.

Aposol 26:24

Pöata te ranga noaia e Pol, be Pestus e kuna me poeiena, “O Pol, a baku mölö ema kui lel nei! A niatei pan i tamölö e kato hamomolöe noulö!”

U pas te koloto menai e Pol turu kristenira i Rom 1:2

E Sunahan e ranga hamana noa has i manasa tego hala meraien ra u Bulungana u Niga teka. Nonei e hatei naien turu raranga turu propet i tanen turu Buku u Göagono. E Iesu i poseia tara pala tere King Devit.

U pas te koloto menai e Pol turu kristenira i Rom 16:26

Kaba i romana e butu halesalana i matar u katuun. Na u raranga ti kolotein u propet e halakasi a nimana tere Sunahan, a Sunahan te ka nitöana. E Sunahan e hakei u raranga u tagala tegi habulungana menai u raranga teka turu katuun hoboto, ba nori te tatei hamana ria i tanen bate hengo hase ren.

U pas te koloto menai e Pol turu kristenira i Rom 2:27

Te markato tala uanen teka ba markato turu katuun tema Jiu ri te haröto nanou a markato i tamilimiou u Jiu e omina. Taraha, alimiou e peko noa hasemiou a man Lo, noahasina te ka memia limiou a Lo ti koloto naia turu Buku na hatöatongo has tere Sunahan. Kaba nori e hengo hanigeier a Lo, noahasina tema ka merien a hatöatongo tere Sunahan.

1 Korin 1:21

Tara niatei i tanen e Sunahan e hatu kapiin a maroro turu katuun te torohanan atei sile ren tara niatei peisa i taren. Kaba nonei e lu pouts rena u katuun te hamana uar i tanen tara pöata te hengoe rien u raranga i tamulam, te ngöeri u katuun, u raranga u tutu.

Epesis 6:4

Na limiou u tamar a galapien, alimiou goma ranga sisi nitöa mia tara galapien i tamilimiou bate kato haraharaha ramen. E möa. Kaba alimiou go hatuts ramien u raranga tara Tsunono.

1 Timoti 4:13

E antunana tena la guma lia, alö go hatagala nitöani tego rit menai lö u Buku u Göagono turu katuun bate hahengor, balö te rararie men bate hihatuts has namen.

2 Timoti 1:1

Alia e Pol, a töa aposol tere Iesu Kristo. E Sunahan e ngil mei lia tego aposol u lia bate habulungana negu a nitöatöa te ranga hamana naien tega hala sila namen tere Iesu Kristo.

2 Timoti 1:5

Alia e hakats pouts negu u nihamana i tamölö u tagala koru te ka noa mam ma tere tubumölö a tahol e Lois, be la lel nama tere tsinamölö e Eunis na lia e hamanegu e ka has na i tamölö.

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”