2 Timoti 2:24 - U Bulunagana U Niga

²⁴ A katunun kui tara Tsunono ema tatei hatapo neia tara hiaraharaha, kaba nonei ega tua tami ia turu katuun hoboto, bate hatuts haniga ranen.

2 Timoti 2:24 ပူးပေါင်းရင်းမြစ်များ

Matiu 12:19

Kaba nonei ema ku hapan noi na ema ngala hapan has noi. Na e möa nou ta katuun tego hengo u raranga i tanen tara man maroro.

U Bulungana u Niga tere Iesu Kristo te kolotein e Jon 6:52

Ba pal kapan turu Jiu e hiararangar me poeier, “Ime te markato uanen ba katuun teka te hanou ranoira u tuenrei i tanen bara te noue roen?”

Aposol 15:2

Pöata timar ranga uu katuun teka, be Pol mere Banabas e hia raharaha gono me raren. Ba u kristen e hatuol raier ere Pol mere Banabas na palair u katuun has tegi la uaien i Jerusalem mena hamatskö gono merari u aposol na pal kapan turu kristen lotu u raranga teka.

Aposol 23:9

Ba hiagetageta teka e butu hapan susuluna, ba palair u tson hihatuts tara Lo tere Mosis ti kaia tara pala turu Parasi e tuolur me ranga sisir me poeier, “Alam ema sabiemi ta ka ta omi tara tson teka. Toum u namnamei tsi a angelo te ranga meien.”

Aposol 7:26

“Ba turu hamahö be Mosis ena tara rena a huol a toun Israel bate hiatatungur. Ba nonei e torohanan hamatskö ranen me poeiena, ‘Hengoiam! Alimiou a töa hun katuun. Aha te hiatatung sile milimiou?’

2 Korin 10:1

Alia e Pol, e ranga hataatagi hatagalagu na e ranga hatami gia i tamilimiou, te markato has uana e Kristo. A palai i tamilimiou e poeier alia e hala putegu a peisar te ka gono meragi lia limiou, kaba te ka halehana gialia, alia e ranga hatagala koru gia i tamilimiou.

2 Korin 10:4

Alam ema hiatatung memi a mankaan hiatatunguna i puta. E möa. Alam e hiatatung mem a man kaan hiatatung a man tagala tere Sunahan te antunan kato homiena a manka te tagala koruna.

2 Korin 6:4

Kaba, te kui be mialam e Sunahan tara mamanaka te katoe mulam, a nomi na toukui pan a parpara e butuna i tamulam na lam e roron makmakum ba has nem a manka te ngile mulam, kaba lam e hamana haniga noa hasim.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Epesis 4:2

Alimiou go hatetenei iam a peisa milimiou tara mamana pöata na limiou go ranga hatami hasiam bate niga mia tara tana katuun. Alimiou go hiangilngil iam batema hakats sil balemi a manka man omi tara tana katuun.

Pilipai 2:14

Tara mamanaka te katoe milimiou, alimiou goma ranga homi nami a nikaka i tamilimiou, ba tema hiangenngenami.

Pilipai 2:3

Alimiou goma hakats peisa nami a peisa milimiou bate hapane men. E möa. Alimiou go hala puteiam a peisa milimiou. Bate tara herenami a tana katuun nonei te pan bala ranou limiou.

Kolosi 3:13

Alimiou goma hakats sil balemi a manka man omi tara katuun. Te kato homiria u katuun i tamilimiou, solopali. Alimiou go tara pouts raiam u katuun te kato homiria i tamilimiou, temar tara pouts has merai limiou e Sunahan ti kato homi has uaiam limiou i tanen.

1 Tesalonaika 2:7

Alam u tuatami gono meraiou limiou, te kato uana a tahol te tuatami gono merena a galapien i tanen.

1 Timoti 6:11

Kaba lö o Timoti, alö a katuun tere Sunahan, ka halehana ban a manka teka. Torohanan tagala sil tego kato hamatskö uu lö bate kato haniga mia i matana e Sunahan bate hamane men. Alö go ngilir u katuun hoboto bate tuatami mia i taren na lö goma sökana has ii.

Taitus 1:1

Alia e Pol, a katunun kui tere Sunahan na aposol has tere Iesu Kristo. Alia i hala silemei tegomi hatagala menai u nihamana turu katuun te hopö kapir e Sunahan. Na tego taguhu meraien lia ba nori te atei siler u hihatuts u mana, bate tatei tus mera neien tara markato te hanigeiena e Sunahan.

Taitus 1:7

A katuun tere Sunahan e goma kamei ta markato ta omi i tanen, taraha, nonei e pepeito kap nena a toukui tere Sunahan. Nonei goma hihipus ii na e goma tatei raharaha boroboro has ii. Na nonei goma tatei uaua pala ii ne goma tatei hiatatung has ii na egoma pepeits ii bate ngileiena a ka a parpara.

Taitus 1:9

Nonei ega pile kap hakarapotein u raranga u mana tere Sunahan timar hatuts menaien, ba nonei te hihatuts nanou u raranga u mana, ba u katuun te hanigeriou u hihatuts bate hamanar. Ba nonei te tatei ranga hatagalana turu katuun te ranga hasoalar bate hatei raneien te kukute mena rien u raranga u gamo.

Taitus 3:2

Nori egima ranga hohomi nai a taina katuun na egima hatapoia tara man hiaraharaha. Nori egi tuatamia turu katuun hoboto bate kapiena raren.

Jemis 1:1

Alia e Jemis, a katunun kukui puku tere Sunahan na tere Iesu Kristo a Tsunono. Alia e koloto menagi u pas teka i tamilimiou u Jiu te ka mia tara man taina man han, bate hala negu u hanhaniga i tamilimiou.

Jemis 3:17

Kaba a torina a katuun te kamena u hakats u nigana iasa e gogosona bate roron nolo pouts has rena a palai te hiaraharahar. Nonei a katuun a kakamoto na e hahengona tara tana katuun. Nonei e taatagi koru silena a katuun na e ka mena a markato a niga. Nonei e atei silena ime tega markato uaien, na nonei ema gamoe nei a tana katuun.

Jemis 4:2

Alimiou e matesilemiou a manka tema ka memi limiou bate rarahe miou a katuun. Alimiou e ngil koruemiou a manka tara tana katuun, ba limiou te hia e ele miou bate hiatatung memiou a tana katuun. Alimiou ema ka memi taka, taraha limiou ema singo sile mien tere Sunahan.

1 Pita 3:8

U raranga teka e la uana i tamilimiou hoboto. Alimiou go ka meiam u töa puku u hakats bate hiataatagi miou. Alimiou go hiangilngil iam te hamana hoboto uamilimiou tere Kristo bate heremi a man munmun toulana. Ba limiou te tami mia tara tabi bate haka putemiou a peisa milimiou.

U pas te kolotein e Jut 1:3

A matsi hahikapien, alia e ngilin koloto menagi u pas i tamilimiou bate hatei ragi limiou ime temar lu pouts meraira e Sunahan. Kaba lia e hakats koru negu tego koloto uu lia i tamilimiou bate hatei hatagala ragi limiou tego pile kap hatagala mena milimiou u nihamana i tamilimiou ti hapilepile kap mam burai u katuun tere Kristo. E Sunahan e hala raira a markato turu nihamana na ema antunan palis menarien.