2 Timoti 2:21 - U Bulunagana U Niga

²¹ Te luba nemia lö a markato a omi, ba lö te here moi a kaan hongo te ka mena a toukui pan. Alö e gogoso mou bate hahalosem a saha toukui a niga te hopö kap benoi lö a Tsunono.

2 Timoti 2:21 ပူးပေါင်းရင်းမြစ်များ

Aposol 9:15

Ba Tsunono e poeiena i tanen, “Lala, taraha alia u hopö kapiin a katuun teka tega hatei menaien a solor turu katuun tema Jiu ri na turu king i taren na turu katunura i Israel.

1 Korin 5:7

Na limiou go ba neiam a markato a omi te here nei u is, ba torimilimiou te tatei gogosona, ti kato has uu Jiu ti roron ba has menaien u is i mam tara kannouna turu Paska ba nori te töan gogosor. Na e here has nei ara e ka hamanasa ria tara kannouna turu Paska, taraha e Kristo e markato uana tara tunan sipsip ti haatsi, e mate sil tego luba menaien a man markato a man omi i tarara.

2 Korin 7:1

A matsomi i tar, te hala tala nena e Sunahan u mamana u raranga u mana teka, aragi kato hagogoso ba tala nai a peisarara a mamanaka te kato hakorkorianena u tuenrei na u namnamei i tarara. Aragi matouti e Sunahan bate torohanan kato hagogoso sokön töa nera a peisarara.

2 Korin 9:8

Be Sunahan te tatei hala ranei limiou a mamanaka a niga, ba limiou tema makmakum ba namoi ta ka. Ba limiou te ka memou a mamanaka te antunan kate moa limiou a mamana toukui a niga.

Epesis 2:10

E Sunahan e kato raira u katuun u tsimus ti hamana uu ra tere Iesu Kristo. Nonei e kato hatsimus sil raira tegi kato menaira a man markato a man niga te hopö kap mam sil raien ra.

1 Timoti 6:11

Kaba lö o Timoti, alö a katuun tere Sunahan, ka halehana ban a manka teka. Torohanan tagala sil tego kato hamatskö uu lö bate kato haniga mia i matana e Sunahan bate hamane men. Alö go ngilir u katuun hoboto bate tuatami mia i taren na lö goma sökana has ii.

2 Timoti 2:16

Ka halehana ban u ranga pinopino tema hapanenei e Sunahan, taraha e las halhal ba nanei a katuun e Sunahan.

2 Timoti 2:20

I luma tara katuun te ka mena a mamanaka, te kana a man tabeli na man kap na mamana kaan hongo. A palai e niga korur te kuieri a silva tsi a goul, na palai e kuieri u ruei tsi u tsiktsiki. A man kaan hongo a man niga e ka silena a man toukui pan, na palai e ka silena a man toukui pinopino.

2 Timoti 3:17

Be Sunahan te hala ranoira a niatei te antunan kui haniga koru meroi a mamana toukui a niga.

2 Timoti 4:11

E Luk pepeisa lasi te ka gono menou lia. Luema e Mak bate la gono memu men, taraha, nonei te tatei taguhu hanige noulia tara toukui teka.

Taitus 3:1

Alö go hahatei kap nitöar u katuun i tamölö, nori egi hahengoia tara gamman na turu katuun pan i taren bate hahanei siler tegi kato menaien a man toukui a man niga.

Taitus 3:14

Na u katuun i tarara egi kato sil tegi lu menaien a man markato a man niga, bate taguhu raier u katuun te makmakum ner a mamanaka. U katuun i tarara ena mots ka pinopinor.

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

1 Pita 1:7

A man torohana teka, e torohana tuneri u nihamana i tamilimiou, bate haröto nena a nimana i tanen. A goul has e tatei omina, kaba nori e nas haramune ren turu tula bate sakeier tega goul hamana uaien. Na e kato has uana iesana, u nihamana i tamilimiou e niga bala nena a goul, kaba e Sunahan ega torohaleien ba limiou te hamana hatagala koru lel miou. Ba pöata te butu nama romana e Iesu Kristo, be Sunahan te haniga ranou limiou bate solosei ranou limiou bate hapan ranou limiou.

1 Jon 3:3

U katuun hoboto te hahanei siler e Kristo bate sasaalar, nori e markato hagogoso has uaier temar gogoso has uana e Kristo.