2 Timoti 2:19 - U Bulunagana U Niga

¹⁹ Kaba a mouna u raranga tere Sunahan e ka hatagala noa hasina bate here nei u simen te ka mena a nikoloto teka: “A Tsunono e atei sil rena u katuun te pala uaier i tanen. Na katuun te poeiena e pala uana tara Tsunono e tatei laba nena a markato a omi.”

2 Timoti 2:19 ပူးပေါင်းရင်းမြစ်များ

Matiu 24:24

Taraha, u Mesaia gamogamo na u propet gamogamo e butur romana, ba nori te katoer romana u hiharöto u kapan na man mirakol. Tegi antuna uen, ba nori te gamo rer romana u katuun te hopökapir e Sunahan.

Matiu 28:19

Bora, alimiou go la uaiam tara man hun katuun hoboto tara mamana han bate kato ramien u katunun tsitsilo i tar. Ba limiou te baptais ramen tara solona e Tamar na tara solor, a Pien Tson i tanen, na tara solo turu Namnamei u Göagono i tanen.

Matiu 7:23

Ba lia te ranga meragouen bate poeiegu, ‘Alia ema atei sil ragi limiou. La ba namou lia! Alimiou u katuun u omi.’”

Matiu 7:25

Ba langits te polona bu uolo te la nama, ba lomolomo pan te bahuna, kaba ema antunan gasenoui a luma teka. Taraha a luma i kuieia ioluna u lapo.

U Bulungana u Niga tere Iesu Kristo te kolotein e Mak 12:16

Ba nori e hale rien a töa moni ba nonei e rangata ranen me poeiena, “U baku teresi na solo teresi teka?” Ba nori e ranga palise ren, “E Sisa.”

U Bulungana u Niga tere Iesu Kristo te kolotein e Mak 13:22

U Mesaia gamogamo na u katuun u gamogamo te ngöeroi a peisaren u propet tere Sunahan e butu riou romana. Ba nori te katoeriou u hiharöto pan na man mirakol, tegi antunan gamo meraien u katuun te hopö kapir e Sunahan.

U Bulungana u Niga tere Iesu Kristo te kolotein e Luk 13:27

Kaba nonei e pei lelena romana, ‘Alia ema atei silegi ime te la muma limiou. Laba namou lia, alimiou u katuun hobotora tara markato a omi!’

U Bulungana u Niga tere Iesu Kristo te kolotein e Luk 6:48

Nonei e here nei a katuun te kaho uu iogana me hopöeiena u simen turu lapo me kuiena a luma ieluna u simen. Ba u uolo pan e la nama me mi torohanan söatena a luma. Kaba ema gaseien. Taraha? A luma i kui hanigei.

U Bulungana u Niga tere Iesu Kristo te kolotein e Jon 10:14

“Alia e heregi a katunun pepeito kap a niga turu sipsip te atei sil rena u sipsip i tanen na u sipsip i tanen e atei sil hase ren. Alia e atei sil regu u katuun te hamana uar i tar ba nori te atei sil hase riou lia. Na e markato has uana iesana tere Tamar. Nonei e atei sile noulia na lia e atei sil hase gen. Na lia e mate sil ragou u katuun i tar.

U Bulungana u Niga tere Iesu Kristo te kolotein e Jon 13:18

“U raranga teka ema la uanei i tamilimiou hoboto. E möa. Alia e atei silegu u katuun tu hopö kapir lia. Na u ranga turu Buku u Göagono e butu hamana nou te poeiena, ‘A katuun te nou gono meiou lia ena haröto nanoua lia turu katuun te paköe riou lia.’

U Bulungana u Niga tere Iesu Kristo te kolotein e Jon 3:33

Kaba a katuun te hengoe nen e sabiena te mana uana e Sunahan.

Aposol 11:26

Nonei e sabeien memi piou nanen i Antiok. Ere Banabas mere Sol i ka gono mer u katuun tere Iesu i Antiok turu töa u hiningal u ohots, me hatuts rari u katuun u parpara, u raranga tere Sunahan. U katunun tsitsilo tere Iesu i ngö tutuun raia u kristen nonei tara taun teka.

Aposol 15:17

Ba u katuun halhal te tatei sake hase riou a Tsunono, u katuun has tema Jiu ri te opö kap mer a solor.

Aposol 9:14

Nonei e la menama u ranga u tagala koru turu pris pan turu lotu te poeiena e Sol ega pile kapir u katuun hoboto te singo uaier i tamölö.”

U pas te koloto menai e Pol turu kristenira i Rom 11:2

E Sunahan ema tori tsuga rai u katuun i tanen u Jiu. Nonei e hopö kap raiou lam i mam noa. Alimiou e atei silemiou u raranga turu Buku u Göagono tara pöata te ranga meia e Ilaitsa e Sunahan.

U pas te koloto menai e Pol turu kristenira i Rom 12:9

Alimiou go hiangilngil hamana iam ba tema gamo mi. Rama naiam a ka te omina bate pile kap namiou a ka te nigana.

U pas te koloto menai e Pol turu kristenira i Rom 15:20

I manasa na te antunana i romana, alia e ngilin rarariegu u Bulungana u Niga turu han tima hengo noa nai e Kristo. Taraha, alia e namots hapona gia tara toukui te hatania a tana katuun tere Sunahan.

U pas te koloto menai e Pol turu kristenira i Rom 8:28

Na ra e ateira, a mamanaka hoboto e kui haniga silena u katuun te ngiler e Sunahan, u katuun te ngö sil rai e Sunahan tegi kukute menaien u ngilngil i tanen.

U pas te koloto menai e Pol turu kristenira i Rom 9:11

Na e Sunahan e ngilin hopö kap sile ii a töa pien tson tego kato menaien u ngilngil tere Sunahan, ba nonei e poeiena tere Robeka, “A pien a hamua e kui benou a hahuoluna a pien.” E Sunahan e mar ranga mam noa uu teka ba galapien tema posa noa rari, na tima kato haseien a ka niga na ka omi. Nonei e hopö kap merai a galapien u ngil peisa i tanen. E ma hopö kap meraien a markato i taren.

1 Korin 8:3

Kaba a katuun te ngil hamanena e Sunahan, e Sunahan e atei sile nouen.

2 Korin 7:1

A matsomi i tar, te hala tala nena e Sunahan u mamana u raranga u mana teka, aragi kato hagogoso ba tala nai a peisarara a mamanaka te kato hakorkorianena u tuenrei na u namnamei i tarara. Aragi matouti e Sunahan bate torohanan kato hagogoso sokön töa nera a peisarara.

Galesia 4:9

Kaba i romana alimiou e pei miou e Sunahan e atei sil ranou limiou na limiou e atei silemiou e Sunahan. Ga taraha tsiponi ba limiou te habirits kopis silemiou a man namnamei a man omina i puta ti möa ta man nitagala i taren? Ba limiou te katsin katunun kukui puku lel mia i taren?

Epesis 2:20

Alimiou e heremi a luma, na u aposol na u propet e here rari u punluma. Na e Iesu Kristo e here nei a tuulgus tara luma.

Epesis 4:30

Alimiou goma kato hataatagemi u Namnamei u Göagono tere Sunahan, taraha nonei a hatöatongo tere Sunahan te haröto nena te hanöa ba mena milimiou romana a manka man omi hoboto.

1 Timoti 6:19

Te kato uarouen teka ba nori te haputu beri a peisaren a manka man niga hamana, a man kana i Kolö te taguhu ranouen i murimuri. Ba nori te antunan lue riou a nitöatöa hamana.

Hibru 11:10

Taraha, e Abraham e hahalosi a han te gum hatagala koru te kui e Sunahan.

2 Pita 3:14

Na man hahikapien i tar, tara pöata te hahalose mia limiou nonei u Lan, torohana hatagala sileiam tego gogoso uaia limiou i matana e Sunahan bate katoemiou a markato tara masalohana.

1 Jon 2:19

U katuun teka i laba hakapa raioura, taraha nori ima katuun hamana uai tara hun katuun i tarara. Sanena nori ti katuun uu i tarara, nori sanena e ka haniga gono meraioura. Kaba pöata ti laba raienra, ba u katuun e atei sil taleier nori hoboton töa ema katuun uari tara hun katuun i tarara.

Revelesin 17:8

A ka omi te tare mula lö e töatöa i manasa kaba ema töatöa lel nei. Nonei e katsin lakasa nama tara kiou te möa ta nönöanen ba nonei tena taia lel nou. Ba u katuun te ka roua i puta te asingoto hoboto riou te tara mena roien a ka teka, nori u katuun tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nori e asingoto nariou a ka a omi te töatöa i manasa kaba ema töatöa lel nei, kaba nonei e butu lel nou romana.

Revelesin 2:13

Alia e atei silegu a han te ka mia limiou, a han te ka hasina u gumgumun tsunono tere Satan. E Antipas e hihatuts haniga beiou lia tara han teka, ba nori e atung hamatie ren. Kaba limiou uma hapolase mi lia. Alimiou e hamana noa hase moulia.

Revelesin 21:14

A ololo tara taun i hatakeia ieluna a maloto na huol a hatu ti koloto naia u solo tara maloto na huol a aposol tara Tunan Sipsip.

Revelesin 22:4

Nori e tare riou a matanen, na solonen e ka noua i poleren.

Revelesin 3:8

“Alia e atei silegu a manka te katoe milimiou. Tara! Alia e kalata be ragulei limiou a tamana, e möa ta katuun tega antunan hapilie ien. Alia e atei silegu alimiou e ka memiou a tsi tabubun nitagala tuun, kaba limiou e kukute noa hase miou u hihatuts i tar na limiou ema holis nami a solor.