2 Timoti 2:18 - U Bulunagana U Niga

¹⁸ Nori i la halehana ban u raranga u mana bate kato homi raier a palair u kristen ti pei menaien, a tou takei pouts e butu hakapa. Nori e kato homier u nihamana turu katuun.

2 Timoti 2:18 ပူးပေါင်းရင်းမြစ်များ

Matiu 15:13

Be Iesu e poeiena, “Noahasina. U katuun teka e hereri u pulung u omi te ka ria tara kui tere Tamar. Nonei e pate baba ranoen.

Matiu 22:29

Be Iesu e ranga palis ranen me poeiena, “Alimiou e gamo miou. Taraha, alimiou ema atei silemi u Buku u Göagono, na nitagala tere Sunahan.

U Bulungana u Niga tere Iesu Kristo te kolotein e Luk 8:13

Na man ngal ti pururukuia turu tsiktsiki te ka mena u lapo e hatei nena a pala te hengoer u raranga bate sasaala koru meren. Kaba u raranga ema la koru uanei turu hakhakats i taren. Bate hamana meier a tsitabubun pöata, ba pöata te butuna u hiamus, ba nori te kurapa hobotor.

Aposol 5:39

Kaba te taniama a toukui teka tere Sunahan, alimiou ema antunan luba ramoien. Alimiou e namots hiatatung gono me miou e Sunahan!” Ba pal kapan e hengoer u ranga tere Gamaliel.

1 Korin 11:19

Alia e atei silegu ega kamei u kats kilkil i gusumilimiou, ba ra te atei sileriou esi i gusumilimiou te kukutena a markato te ngilena e Sunahan.

1 Korin 15:12

Tu hahatei menai lam e Kristo e takei poutsia tara tou mate, ga taraha ba palai i tamilimiou te poeier a katuun te matena ema antunan takei pouts nei?

Kolosi 3:1

E Sunahan e hatakei pouts gono mera ii limiou e Kristo tara tou mate i tanen. Bara! Alimiou go kato sil taleiam a manka ni Kolö, te gumna e Kristo tara pal matou tere Sunahan.

1 Timoti 1:19

Alö go pile hakarapotein u nihamana i tamölö balö te atei silem alö u möa ta ka ta omi i tamölö. A palair u katuun e atei siler a ka te omina, kaba nori e kato noahaseren bate kato homi taleier u nihamana i taren.

1 Timoti 6:10

Taraha, u ngilngil tara moni a mouna koru a mamana markato a omi. Turu ngilngil pan koru tara moni ba palair u katuun te hapolasa susuler a markato te hamana uarara tere Sunahan bate katoeier a mamanaka a omi te kato hakamitsena a peisaren.

1 Timoti 6:21

A palair u katuun e poeier e ka mer a niatei, kaba nori i laba hakapein a marorona turu nihamana. E Sunahan e tatei taguhu ranou limiou. Nonei talasi. Alia e Pol

2 Timoti 2:14

Alö go hatei lel rai u katuun a manka teka balö te ranga hatagala meramen i matana a Tsunono tegima pilits menaien u ranga. A markato teka ema taguhe nei a katuun, e kato hohomi tuun rena u katuun te hengoer u raranga teka.

Taitus 1:11

U katuun teka egi ranga hapiou mer batema tatei hipusri, nori e kato homi raier u katuun. Taraha nori e ngilin lu tuun ner taka ba nori te hatuts rari u katuun a manka tema matskö nei.

Hibru 3:10

Ba nori u katuun teka e kato haraharaha korue riou lia, ba lia e poeiegu, ‘Nori e roron tori hasoalar. Ba nori tema kukutieri a maroro i tar.’

Jemis 5:19

A matsi hahatoulana, te la hatutu ba nena a töa i tamilimiou u raranga u mana, ba tai te lu pouts mena meien tere Sunahan, nonei ega atei sil, te habirits ba nami limiou a tana katuun tara markato a omi i tanen ba nonei te habirits pouts uana tere Sunahan, alimiou e luba has namia a katuun a omi teka tara tou mate. Na e Sunahan e luba has nanou a parpara a markato a omi tara katuun teka. Nonei talasi. Alia e Jemis

1 Jon 2:19

U katuun teka i laba hakapa raioura, taraha nori ima katuun hamana uai tara hun katuun i tarara. Sanena nori ti katuun uu i tarara, nori sanena e ka haniga gono meraioura. Kaba pöata ti laba raienra, ba u katuun e atei sil taleier nori hoboton töa ema katuun uari tara hun katuun i tarara.