2 Timoti 2:15 - U Bulunagana U Niga

¹⁵ Alö go torohana hatagala sil tego haniga menai lö e Sunahan bate ngöe nei lö a katuun a kukui tema matsingolo mena milö a toukui i tamölö bate hihatuts hamatskö nem u raranga u mana.

2 Timoti 2:15 ပူးပေါင်းရင်းမြစ်များ

Matiu 13:52

Ba nonei e poeiena i taren, “U tson hihatuts hoboto tara Lo, na limiou u katunun tsitsilo has i tar tara Nipepeito tere Sunahan, alimiou e heremi a katuun terena luma te lue nama a manka a man tsimus na manka man toutounei tara makumun haputu i tanen.”

U Bulungana u Niga tere Iesu Kristo te kolotein e Mak 4:33

E Iesu e habulungana nena u raranga i tanen turu katuun, e hihinatue gono has mei a man taina man haharuei. Nonei e haharuei hapopo has ia timar atei hantuna uaien.

U Bulungana u Niga tere Iesu Kristo te kolotein e Luk 12:42

Ba Tsunono e ranga palisina, “Esi i tamilimiou te here nei a tson mammam hamana te hakats hanigana? A katuun pan i tanen e hataratara kap naneien romana a palair u katunun kui i tanen. Nonei te tatei hala ranoien a kannou tara pöata hamatskö.

Aposol 2:22

“Alimiou u katunura i Israel, hengoeiam u raranga i tar. E Iesu na i Nasaret nonei a katuun te hopö kapiin e Sunahan. Na e Sunahan e haleien a nitagala ba nonei te katoeiena a man mirakol pan i matamilimiou, na manka teka e harötein te mana uana e Iesu. Alimiou e atei sile miou a ka teka, taraha nonei e butuia tara han teka.

Aposol 20:27

Alia uma peits ba railimiou tu ranga. E möa. Alia u hatei railimiou a man hakats hoboto tere Sunahan.

U pas te koloto menai e Pol turu kristenira i Rom 14:18

Na katuun te kui beiena e Kristo tara markato teka, e Sunahan na u katuun has e hanige ren.

U pas te koloto menai e Pol turu kristenira i Rom 16:10

Na hala has naiam u hanhaniga i tar tere Apelis. U katuun e atei siler te kukute haniga menaien e Kristo. Haniga has raiam a pinaposa tere Aristabiulas.

U pas te koloto menai e Pol turu kristenira i Rom 6:13

Alimiou egoma tatei rongarongemi a markato a omi bate kana i peisa milimiou. E möa. Alimiou go hala naiam a peisa milimiou tere Sunahan bate katoe miou a man markato te nigana i tanen. Taraha, e here nei alimiou u takei pouts mia tara tou mate bate ka memiou a nitöatöa a tsimus.

1 Korin 2:6

Alia e ranga noa has megu a niatei turu katuun te atei siler a markato tere Sunahan. Kaba ema niatei uanei tara han i puta teka tsi tara pal kapanira i puta te taia riou romana. E möa.

2 Korin 10:18

Taraha, u katuun te ranga sesei siler a peisaren ema hapan rari. Kaba u katuun te haniga rena a Tsunono nori te hapan raier.

2 Korin 3:6

Nonei te kato hantue ranou lam ba lam te hatei la rem u katuun u rangan kits u tsimus. Ema ka uanei tara man Lo ti koloto tunini. E möa, a ka turu Namnamei tere Sunahan. A man Lo ti koloto tunini e hala nena a tou mate, kaba u Namnamei tere Sunahan te hala nena a nitöatöa.

2 Korin 4:2

Alam e rama nem a markato a omi te hamouseier, na markato a gamo, na lam ema hapone mi, nema luba nami ta pala turu raranga tere Sunahan. E möa. Alam e ranga nem u ranga hamatskö na u raranga hamana tere Sunahan i matar u katuun hoboto ba nori te tatei oneier a markato i tamulam i matana e Sunahan.

2 Korin 5:9

Kaba noahasina te ka mia lam tara han i puta teka tsi tara han iasa, alam e torohana hatagala sil noa hasem tego kato hasasaala mei a Tsunono.

Galesia 1:10

Alia ema kato megi u raranga teka tegi haniga menai lia u katuun. Emoa. Alia e kato silegu e Sunahan tega hanigeiou lia. Te kato hasasaala ragoua lia u katuun, alia ema kui begi e Kristo.

Epesis 1:13

Na limiou has, e Sunahan e hopö kap merai limiou u Namnamei u Göagono te ranga hamana naien. Nonei e hopö kap sil railimiou tego katuun uaiam limiou tere Kristo. Taraha, alimiou u hengoeiam u raranga u mana na u Bulungana u Niga te poeiena e Sunahan e ngilin lu pouts mera nei limiou i tanen, ba limiou te hamana uamiou tere Kristo.

1 Tesalonaika 2:4

E Sunahan e hala railam u hanhaniga tego rarare mei lam u Bulungana u Niga, na nonei e torohana raiou lam, tego matskö nitöa uu a torimulam tsi e möa, ba lam tema rarare uami temar ngil uaier u katuun. E möa. Alam e mar rarare uam te ngil uana e Sunahan.

1 Tesalonaika 5:14

Na lam e hatei hatagala has ramou limiou go ranga meraiam u katuun u karous egi kukui pouts. Kato ha ongolo pouts raiam u katuun te matoutur, bate taguhu ramiou u katuun tema tagalari. Na limiou goma ranga sisi memi a tana katuun.

1 Timoti 4:6

Te hatara namoua lö a manka teka turu hahinamölö na u toulamölö, alö a katunun kui a niga tere Iesu Kristo, e kato hatagale moilö a peisamölö na u rarangana tara nihamana turu hihatuts u niga te kukutie mölö.

Hibru 4:11

Te markato uanen teka bara te torohana hatagala silera tegi la uu ra tara makumun husa tere Sunahan. Ta töa i tarara ena mots kukutena ti markato uen i manasa batena rusuna bate taiana.

Jemis 1:12

A katuun te hamana hanigana tara pöata te butuna a manka man omi i tanen ega sasaala. Taraha, pöata te tagala saluhe nanen a manka man omi, ba nonei tena lue nou a nitöatöa te ka nitöana te ranga hamanein e Sunahan turu katuun te ngil korue ren.

Jemis 1:18

Turu ngil peisa i tanen e Sunahan e hatuhana raiara turu ranga u mana i tanen. Nonei e kato menai a ka teka bara te here rari romana u katuun tutuun tara hun katuun a tsimus i tanen.

2 Pita 1:10

E markato uana teka, a matsi hahatoulana, alimiou go kato hatagala sileiam tego kato mena milimiou a man markato a man niga te haröto nena e Sunahan, nonei e ngö hamana raiou limiou me hopö kap ranou limiou. Te markato uamou limiou teka, alimiou ema antunan rus ba namoien.

2 Pita 1:15

Alia e kato hatagala sile gou tego kui menai lia a maroro i tamilimiou, ba limiou tena tatei atei silemou u raranga teka tara mamana pöata i murina tego mate uu lia.

2 Pita 3:14

Na man hahikapien i tar, tara pöata te hahalose mia limiou nonei u Lan, torohana hatagala sileiam tego gogoso uaia limiou i matana e Sunahan bate katoemiou a markato tara masalohana.