2 Timoti 2:11 - U Bulunagana U Niga

¹¹ U raranga teka e manana: Ti mate gono meia ra e Kristo, a ra ena töatöa gono has merouen romana.

2 Timoti 2:11 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 14:19

Ema lehana noi ba u katunura i puta tema tara lele roi lia, kaba limiou e tare moulia. Taraha, alia ena töatöa pouts gou romana ba limiou te töatöa has mou.

U pas te koloto menai e Pol turu kristenira i Rom 6:5

Na ti ka gono meien ra tara tou mate i tanen, ara e ka gono has merouen tara tou takei pouts i tanen.

U pas te koloto menai e Pol turu kristenira i Rom 6:8

Na ti mate gono meia ra e Kristo, ba ra te töatöa gono has meren.

2 Korin 13:4

E manana, ti nila naia e Kristo tara kuruse e harötein a nipata i tanen, kaba tara nitakei na nitöatöa i tanen, e haröto nena a nitagala tere Sunahan. Na lam e roron pata here hase mien, kaba pöata tena ka moua lam i tamilimiou, alam e ka memou a nitagala tere Sunahan te markato uana a katuun te ka gono mena e Sunahan.

2 Korin 4:10

Alam e söata nitöa nem a nimate tere Iesu bate haröto namen turu katuun, bu katuun te tatei tara haseier a nitöatöa tere Iesu i tuenrei mulam.

1 Tesalonaika 4:17

Na i murinen, ara te töatöa noa ria i puta e la sei gono mera rouen romana turu köasi, ba ra tena hia sabe sabe hoboto gono mera a Tsunono iasa. Ba ra tena ka nitöa gono mera romana a Tsunono.

1 Tesalonaika 5:10

Nonei e mate sil tegi ka nitöa gono menaien ra, noahasina te töatöa noa roa ra tsi te mate hakapa mam rouara tara pöata te la pouts namen romana.

1 Timoti 1:15

U raranga teka e mana nitöana na u katuun hoboto egi hanigeien. Na e markato uana teka, e Iesu Kristo e la sileiema i puta tegomi lu pouts meraien u katuun u omi. Na lia a töa teka tu omi koru.

1 Timoti 3:1

U raranga u mana e poeiena, “A katuun te ngilin katoena a toukui tara katunun pepeito kap turu lotu e ngilena a toukui a niga.”

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.