2 Timoti 1:13 - U Bulunagana U Niga

¹³ Pile kap hakarapotein a markatona turu raranga u mana tu hatutsin lia i tamölö, balö te katoe men turu nihamana na te ngil menari a taina katuun te ka has na tere Iesu Kristo.

2 Timoti 1:13 ပူးပေါင်းရင်းမြစ်များ

U pas te koloto menai e Pol turu kristenira i Rom 2:20

Na limiou e roron hamatskö ramiou u katuun tema hakats hanigari, na limiou e hatuts ramiou u katuun te hakats here rari a galapien. Alimiou e peimiou alimiou e atei silemiou a Lo tere Mosis e ka mena a man niatei hoboto na man raranga a man mana te ngiler u katuun.

U pas te koloto menai e Pol turu kristenira i Rom 6:17

Na limiou go haniga uaiam tere Sunahan! Taraha, i mam nen alimiou i katuun papala mia tara markato a omi. Kaba i romana alimiou e kukute miou na e hengo hanige miou u raranga u mana ti hatuts rai limiou.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

Pilipai 4:9

Alimiou go katoeiam a manka tu hatuts railia limiou na manka ti tareiam limiou tu kati lia na man ka ti hengoeiam limiou tu kati lia. Be Sunahan te ka gono meranou limiou. Nonei te hala ranoui ra a masalohana.

Kolosi 1:4

Taraha, alam i hengoen te hamana hatagalan töa uami limiou tere Iesu Kristo na te ngil koru mera milimiou u katuun hoboto tere Sunahan.

1 Tesalonaika 5:21

Alimiou go areneiam a mamanaka hoboto, bate haka hanigemiou a manka te nigana.

1 Timoti 1:14

Ba lia e saputu megu a niniganiga tara Tsunono me tapiou menama u nihamana na u ngilngil te kana tere Iesu Kristo.

1 Timoti 6:3

A katuun te hihatuts nena u hihatuts u gamo ema tahongo neia turu hihatuts tere Iesu Kristo a Tsunono i tarara, u hihatuts u niga na u mana.

2 Timoti 1:1

Alia e Pol, a töa aposol tere Iesu Kristo. E Sunahan e ngil mei lia tego aposol u lia bate habulungana negu a nitöatöa te ranga hamana naien tega hala sila namen tere Iesu Kristo.

2 Timoti 1:14

Pile kap hanigein a ka a niga te hale ii lö u Namnamei u Göagono te kana i torirara.

2 Timoti 2:2

Na lö go hala hasiin u raranga tu hengoeia lö i tar i matar u katuun u para, turu katuun te hamana remölö, ba nori te tatei hatuts has raier a palai.

2 Timoti 3:14

Kaba o Timoti, alö go pile hakarapotein u raranga u mana ti hatutse ii lö. Alö e atei silem e si te hatutseiou lö.

2 Timoti 4:3

Taraha, a pöata te la nama u katuun ema hengo lele roi u hihatuts u mana. Nori e kukutie riou u ngilngil peisa i taren, bate gono beroi a peisaren u tson hihatuts te hatuts raroien a manka te ngilin hengo naren.

Taitus 1:9

Nonei ega pile kap hakarapotein u raranga u mana tere Sunahan timar hatuts menaien, ba nonei te hihatuts nanou u raranga u mana, ba u katuun te hanigeriou u hihatuts bate hamanar. Ba nonei te tatei ranga hatagalana turu katuun te ranga hasoalar bate hatei raneien te kukute mena rien u raranga u gamo.

Taitus 2:1

Kaba lö, alö go hihatutsin a saha ka te matsköna turu hihatuts u niga.

Taitus 2:8

Na te katoe moa lö u raranga u niga ba u pakö te matsingolo riou, taraha nori e moa riou ta ka tegi ranga hohomi sil merien ra.

Hibru 10:23

Aragi pile hakarapotein a ka a niga te hamana sile rara bate hatei rari u katuun, taraha ara e atei silera e Sunahan e kato hamane nou romana u raranga u mana i tanen.

Hibru 3:6

Kaba e Kristo, a Pien Tson tere Sunahan, e tara kap haniga rena u katuun tere Sunahan. Na tegi hamana haniga uu ra i tanen bate hamana silera a manka man niga i tanen, ara u katuun hamana i tanen.

Hibru 4:14

Aragi pile hakarapotein a ka te hamane rara. Taraha, ara e ka mera a pris a tsunono pan te la nitöa uu tara makum te kana e Sunahan. Nonei e Iesu, a Pien Tson tere Sunahan.

U pas te kolotein e Jut 1:3

A matsi hahikapien, alia e ngilin koloto menagi u pas i tamilimiou bate hatei ragi limiou ime temar lu pouts meraira e Sunahan. Kaba lia e hakats koru negu tego koloto uu lia i tamilimiou bate hatei hatagala ragi limiou tego pile kap hatagala mena milimiou u nihamana i tamilimiou ti hapilepile kap mam burai u katuun tere Kristo. E Sunahan e hala raira a markato turu nihamana na ema antunan palis menarien.

Revelesin 2:25

Kaba alimiou go pile hakarapoto naiam u nihamana na markato a niga te ka memi limiou e antunana tena kopis pouts guma lia romana.

Revelesin 3:11

Alia e la boroboro guma romana, pile hakarapoto naiam a manka te ka memi limiou. U katuun u omi e namots luba rari limiou a manka a man niga te ngilin hala nena e Sunahan.

Revelesin 3:3

Hakats kap tala naiam a manka ti hatuts rai limiou na u raranga tu hengoe iam limiou. Kukute iam bate tori tsuga namiou a man markato a man omi i tamilimiou. Esi tema tagule nou ii, alia ena la hasingoto here guma romana a kopkop ba limiou tema atei sile moi a saha mar pöata tena la guma lia romana.