2 Tesalonaika 3:6 - U Bulunagana U Niga

⁶ Alam e hatei ramou limiou a matsi hahatoulana, tara solona e Iesu Kristo a Tsunono i tarara, alimiou go ka halehana ba raiam a man hahatoulana a man karous tema hengori batema kukutie ri a ka tu hatuts railam alimiou.

2 Tesalonaika 3:6 ပူးပေါင်းရင်းမြစ်များ

Matiu 18:17

Kaba tema ngilin hengo naneien u raranga i taren, balö te hatei rem u katunun kui turu lotu. Na tema hengo noa hase neien u raranga i taren, ba limiou te kato here namien a katuun tema tahongo neia turu lotu, tsi te lehana banena u lotu.”

U pas te koloto menai e Pol turu kristenira i Rom 16:17

A matsi hahatoulana, alia e ranga hatagala mera goulimiou, hanei sil raiam u katuun te roron lu kata rer u katuun ba nori tema hamana hanigari. Nori ema hanigeri u hihatuts tu luema limiou i tamulam, möa tu hasukusuku mia i taren.

1 Korin 11:2

Alia e haniga ragou limiou, taraha alimiou e hakats kap namou lia tara mamanaka na limiou e kukutemiou u hihatuts hoboto tu hala railia limiou.

1 Korin 5:4

Alimiou go hagum hobotoiam tara solona e Iesu a Tsunono i tarara, ba namnameir tena ka gono mera noulimiou na nitagala has tere Iesu a Tsunono i tarara.

1 Korin 5:9

Alia u koloto mam uala i tamilimiou, me hatei ragule limiou tegoma ka gono mera milimiou u katuun te katoeier a markaton tsikolo na tahol a lulu tson.

2 Korin 2:10

Te solopale mia limiou a markato a omi tara töa katuun, alia has e solopale gen, u mana koru a ka te solopale gula lia tegi solopali, alia e kato beragien limiou i matana e Kristo.

Epesis 4:17

Na tara solona a Tsunono alia e hatei ragi limiou a ka teka, na lia e ranga hatagala koru nagien i tamilimiou. Alimiou goma marka lel uami te markato uaier u katuun tema hamanari.

Kolosi 3:17

Na tara mamanaka hoboto te katoe milimiou na te ranga namilimiou, kato mena mi tara solo tere Iesu a Tsunono ba limiou te haniga sila mia i tanen tere Sunahan e Tamarara.

1 Tesalonaika 4:1

Na kapakapana u raranga a matsi hahatoulana e markato uana teka, alam u hatuts railimiou te markato uana a katuun te hanigeiena e Sunahan. Na u mana koru, alimiou e markato uamiou teka. Alam e ranga hatagala koru mera moulimiou tara solona a Tsunono e Iesu, alimiou go markato haniga noahas uaiam teka.

1 Tesalonaika 4:11

Alam u hatei mam raiou limiou na lam e hatei lel has ramou limiou, alimiou go hiakaka haniga hobotoiam ba limiou a man tötöa tema herokemi a toukui tara tana katuun. Na limiou go kato haniga noa laseiam a man toukui i tamilimiou, möa tu hanoeiam.

1 Tesalonaika 5:14

Na lam e hatei hatagala has ramou limiou go ranga meraiam u katuun u karous egi kukui pouts. Kato ha ongolo pouts raiam u katuun te matoutur, bate taguhu ramiou u katuun tema tagalari. Na limiou goma ranga sisi memi a tana katuun.

2 Tesalonaika 2:15

E markato uana teka a matsi hahatoulana, ba limiou te kato sil noe mou u ranga hamana ti hatuts rai lam alimiou na ti hengoe mialimiou i rungumulam na turu pas has.

2 Tesalonaika 3:7

Kaba limiou ego atei sileiam i me tego mar kukute merami limiou alam. Alam uma karous ii tara pöata tu kaia lam i tamilimiou. E möa.

1 Timoti 5:21

Alia e hala hatagale goi lö u raranga teka i matana e Sunahan na i matana e Iesu Kristo na i matar u angelo u göagono. Alö go hengo hanigei u raranga teka batema kato homie mi a tana katuun. Alö go markato merai u katuun hoboto iesana.

1 Timoti 6:5

A hiaraharaha te katon toa naier u katuun teka, u baku tutu tema atei sil haseri a ka a mana ba nori te poeier, u lotu a maroro te tatei lu sila namialö ta moni.

2 Timoti 3:5

U katuun e kukutie riou a man markato pinopino turu lotu, bate holis naier tega ka menai u lotu ta nitagala. Alö go hatalis bar u mar katuun teka.

2 Timoti 4:1

U mana koru alia e ranga hatagala koru me gialö i matana e Sunahan na e Iesu Kristo temi ona rarouen u katuun hoboto te töatöar na ti mate hakapa, ba nonei te hatakeie nou a Nipepeito i tanen.

2 Jon 1:10

Temi hihatuts nena ta katuun u raranga tema matskö neia turu hihatuts tere Kristo, ba limiou tema tatei lu mena mien i luma i tamilimiou, batema tatei ranga hatami has mia i tanen.