2 Tesalonaika 3:1 - U Bulunagana U Niga

¹ A matsi hahatoulana, alimiou go singo bera moulam ba u raranga tara Tsunono te tasata boroboro nou bate pan noua i matar u katuun u parpara, te kato has uaien i tamilimiou.

2 Tesalonaika 3:1 ပူးပေါင်းရင်းမြစ်များ

Matiu 9:38

Nonei tego singo beiam limiou tara katuun te hatamana nena a kui, bate halane nama ta katunun kui tega gono beien a kannou.”

U Bulungana u Niga tere Iesu Kristo te kolotein e Luk 10:2

Be Iesu e poeiena i taren, “A kui e tangoho hakapa kaba e möa ta katuun ta para tega hagali a kannou. Alimiou go singo uaiam tara Tsunono bate hala renama u katuun batena hagale rima a kannou a tangoho.

Aposol 12:24

Kaba u ranga tara Tsunono e butu hapan me tasata uana tara han a parpara.

Aposol 19:20

Tara markato teka, ba u raranga tara Tsunono e sata uana tara han a parpara me tagala saluhena.

Aposol 6:7

U raranga tere Sunahan e tasata susul noahas. Na u hihase turu katunun tsitsilo i Jerusalem e para susul koru hamanasa tala, na para koru has a man pris turu Jiu i hengo koru talei u nihamana teka.

U pas te koloto menai e Pol turu kristenira i Rom 15:30

A matsi hahatoulana, alimiou e ka uamiou tere Iesu Kristo a Tsunono i tarara, na u Namnamei i tanen e hatei raira tegi hiangilngil uu ra. Na lia e ranga hatagala meragou limiou, alimiou go singo taguhe moulia tara ka te singo sil hase gulia. E markato uana teka, alimiou go singo hatagala uaiam tere Sunahan bate taguhe noulia.

1 Korin 16:9

Taraha, a tamana e takalata hapan talana tego kato menai lia a toukui a niga teka, na katuun a parpara te katsin kato homier a toukui tara Tsunono.

2 Korin 1:11

E Sunahan e taguhu ranoulam te singo sil mera milimiou alam. Ba u katuun te haniga uariou i tanen taraha, nonei e hengoena a man singosingo i tamilimiou tara nitataala a niga i tamulam.

2 Korin 13:11

Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

Kolosi 4:3

Na limiou go singo sil has ramoulam be Sunahan te kalatena a maroro tego habulungana menai lam u raranga i tanen bate hatei nem u bulungana tere Kristo, te mous i manasa. Taraha, nonei a ka te karabus sile gulia.

1 Tesalonaika 1:5

Taraha a pöata tu hala naia lam u Bulungana u Niga i tamilimiou, alam uma ranga papala ii. E möa. A nitagala tere Sunahan na u Namnamei u Göagono i tanen e taguhema u raranga i tamulam, na e haröto hasiin u raranga i tamulam e manana. Alimiou e atei silemiou a markato a niga i tamulam e taguhu has raiou limiou ba limiou te hamana miou.

1 Tesalonaika 1:8

U bulungana tara Tsunono te butu mam ia i tamilimiou me tasata uana i Masedonia na i Gris na turu han i lehana. Alam ema antunan ranga lel nami ta ka, taraha u katuun turu han hoboto i hengo hakapein u nihamana i tamilimiou tere Sunahan.

1 Tesalonaika 2:1

Alam e hatei ramou limiou a matsi hahatoulana, alimiou e atei silemiou alam u ma mastein la uamei i tamilimiou.

1 Tesalonaika 2:13

Na tana ka has te roron haniga sile mia lam tere Sunahan. Pöata tu piou naia lam u raranga tere Sunahan i tamilimiou, alimiou u ma poeiemi nonei u raranga tara katuun tuun lasi. E möa. Alimiou u hanige men bate hamanemiou nonei u raranga hamana tere Sunahan. Na u raranga i tanen e kato haniga ranou limiou te hamana mena mien limiou.

1 Tesalonaika 4:1

Na kapakapana u raranga a matsi hahatoulana e markato uana teka, alam u hatuts railimiou te markato uana a katuun te hanigeiena e Sunahan. Na u mana koru, alimiou e markato uamiou teka. Alam e ranga hatagala koru mera moulimiou tara solona a Tsunono e Iesu, alimiou go markato haniga noahas uaiam teka.

1 Tesalonaika 5:17

Singo hatagala nitöa uaiam tere Sunahan.

1 Tesalonaika 5:25

A matsi hahatoulana, alimiou go singo bera mumalam tere Sunahan.

2 Timoti 2:9

U Bulungana u Niga teka te sagoho sila nagia lia a kamits tara luman karabus. Nori e kits here nari lia a kopkop, kaba u bulungana tere Sunahan ema tatei kits nari.