2 Tesalonaika 2:2 - U Bulunagana U Niga

² Te hengoe moua limiou u ranga turu katuun te poeier u Lan Pan teka tara Tsunono e butu hakapa, ba limiou tema tatei hamana ramoien. Alimiou goma tokumi na e goma asingoto hasmi te poe menarien u mar bulungana teka u raranga i tamulam tsi u raranga turu propet, tsi te pei has mena rien alam u koloto naien turu pas. E möa.

2 Tesalonaika 2:2 ပူးပေါင်းရင်းမြစ်များ

Matiu 24:24

Taraha, u Mesaia gamogamo na u propet gamogamo e butur romana, ba nori te katoer romana u hiharöto u kapan na man mirakol. Tegi antuna uen, ba nori te gamo rer romana u katuun te hopökapir e Sunahan.

U Bulungana u Niga tere Iesu Kristo te kolotein e Mak 13:7

Pöata te hengo namoa limiou a pula na u bulungana tara pula alimiou goma tokumi. A manka teka ega butu iou, kaba a kapkapana pöata ema la noa namei.

U Bulungana u Niga tere Iesu Kristo te kolotein e Luk 21:19

Alimiou go tuol hakarapoto sile iam a Tsunono ba nonei te lu pouts ranou limiou romana.”

U Bulungana u Niga tere Iesu Kristo te kolotein e Luk 21:9

Alimiou e hengo namiou romana a man hiatatung na man pula, kaba ma matoutmi. A manka teka e butu mamuna romana, kaba ema pei nei a kapakapana pöata e susukuna.”

U Bulungana u Niga tere Iesu Kristo te kolotein e Jon 14:1

“Alimiou goma tokumi. Hamana uaiam tere Sunahan na i tar.

U Bulungana u Niga tere Iesu Kristo te kolotein e Jon 14:27

“Alia e laba meragi limiou a masalohana, a masalohana i tar alia e hala ragien limiou. Alia ema mar hala uagi temar hala uar u katunura i puta. Kaba a masalohana i tar e niga bala nena a masalohana i taren. A torimilimiou egoma toku ii na egoma matout has ii.

1 Korin 1:8

Nonei e kato hatagala ranou limiou, bate hamana hatagala mia i tanen ba limiou tema kame moi ta töa ta ka ta omi i tamilimiou tara pöata temi tuol moua limiou i mata nen.

1 Korin 14:32

A katuun te ka mena a nitagala tego ranga menaien u raranga hamatskö tere Sunahan e ka has mena a nitagala tego hanöa menaien u ranga turu ngil i tanen.

1 Korin 7:26

Tara pöata a omi teka alia e poeiegu, alimiou go marka uaiam te mar ka uamilimiou.

Epesis 5:6

Hanei sileiam tego gamo merai ta katuun alimiou u ranga pinopino. Nonei a mamanaka teka te kato haraharahena e Sunahan, be Sunahan te hahuna ranou u mar katuun temar hipus uaier teka.

1 Tesalonaika 3:3

Ba u katuun te omi ra riou limiou tema tatei hamatout rari limiou. Alimiou e atei silemiou a ka a omi teka e tatei butuna i tarara, u katuun te hamana ria tere Kristo.

1 Tesalonaika 4:15

Alam e hatei rami limiou u raranga teka tara Tsunono: ara u katuun te töatöa noa rou tara pöata te la pouts nama romana a Tsunono, ara ema mam narei romana u katuun ti mate mam. E möa.

1 Tesalonaika 5:2

Taraha, alimiou u atei hakapa sileiam a Tsunono e songots butu nama romana. A Tsunono e la here namei romana a kopkop tara bong. E möa ta katuun tega atei sil a pöata te butu namen romana.

2 Tesalonaika 2:15

E markato uana teka a matsi hahatoulana, ba limiou te kato sil noe mou u ranga hamana ti hatuts rai lam alimiou na ti hengoe mialimiou i rungumulam na turu pas has.

2 Tesalonaika 3:17

Alia e Pol, na lia peisa te hakapegu u raranga turu pas teka. Nonei temar koloto uagulia teka, te ka hasna tara man pas hoboto i tar na e haröto has nena temar koloto uagu lia.

Revelesin 19:20

Na katuun te osaia tara hos na u ami i tanen i pile kapiin a ka a omi a töatöa na propet a gamogamo has te kato mami a man mirakol i matana ka a töatöa. Nonei e gamor u katuun ti ka mei a hatöatongo tara ka a omi a töatöa na ti hatsunono uu turu kesa i tanen. Na ka a omi te töatöa na propet a gamogamo has i lapo raia iahana kiou pan te saputena u tula u hiski koru.