2 Tesalonaika 1:3 - U Bulunagana U Niga

³ A matsi hahatoulana, alam e haniga nitöa bera mou limiou tere Sunahan, temar niga uanen. Taraha, a nihamana i tamilimiou e butu haniga susul nama na u hiangilngil i tamilimiou hoboto e butu susul haniga hasina.

2 Tesalonaika 1:3 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 15:32

Aragi sasaala bate masa korura. Taraha? E toulamölö e here ii a katuun te mate, kaba e töatöa poutsuna! Nonei e tia kaba e la poutsuma!’”

U Bulungana u Niga tere Iesu Kristo te kolotein e Luk 17:5

Bu Aposol e poeier tara Tsunono, “Alö go kato hapane iema u nihamana i tamulam.”

U Bulungana u Niga tere Iesu Kristo te kolotein e Jon 15:2

Nonei e luba nena a man hikalanin grep i tar tema hua nei. A mamana hikalan te huana nonei e kato hagogoso sile neien tego hua hapara lel uen.

U pas te koloto menai e Pol turu kristenira i Rom 1:8

Alia e hatei mam ragou limiou alia e haniga uagu tere Sunahan, te singo uagu lia i tanen tara solona e Iesu Kristo. Alia e hakats ragou limiou bate haniga uagu tere Sunahan, taraha u katuun hoboto e hengo ner te hamana uami limiou.

1 Korin 1:4

Alia e roron haniga nitöa bera goulimiou tere Sunahan, turu mamana u hitaguhu te hala raien limiou te hamana ua milimiou tere Iesu Kristo,

2 Korin 10:15

Na lam ema ranga sesei heremi alam tu kati a toukui te kato a taina katuun. E möa. U pannen u ngil i tamulam e markato uana teka, te pan susul hatagala noua u nihamana i tamilimiou ba makumun kui i tamulam te tataabala susul has nou.

Epesis 5:20

Alimiou go haniga nitöa mia tere Sunahan e Tamarara, tara mamanaka na tara mamana pöata, ba limiou te katoe mien tara solona e Iesu Kristo a Tsunono i tarara.

Pilipai 1:7

E niga nitöana temar hakats mera gilia limiou teka, taraha a torir e roron hakats sil nitöa ranoulimiou. E Sunahan e kalala hoboto raioura tara pöata tuma ka noaia lia tara karabus, bate kato hatagala noahasegu u Bulungana u Niga. Na e Sunahan e kalala noahas ranou ra i romana te ka gia lia tara karabus.

Pilipai 1:9

Na lia e singo silegu a markatona turu hiangilngil i tamilimiou ega la haniga nitöa lasi, ba niatei i tamilimiou te tatei pan susuluna, ba limiou te tatei atei silemiou a ka te nigana na a ka tema niga nei.

1 Tesalonaika 3:12

Na lam e ngil hasem a Tsunono ega kato raiou limiou balimiou te hiangilngil hatagalamiou bate ngil hatagala has ramiou u katuun hoboto, bate kato talasina. Na lam e ngil hasem alimiou go mar ngil koru merami a palair u katuun temar ngil koru has mera milam alimiou.

1 Tesalonaika 3:6

E Timoti e tuku poutsia i tamulam te laba mera meien limiou. Nonei e piou nema u bulungana u niga te hamana hatagala noahas uami limiou tara Tsunono bate hiangilngil noa hasmiou. Na nonei e hatei has railam alimiou ema solopala rami lam, kaba limiou e ngilin tara koru ramou lam temar ngilin tara koru has merami lam alimiou.

1 Tesalonaika 3:9

Na pöata te singo bera mia lam alimiou tere Sunahan, alam e haniga koru uaiem tere Sunahan te kato hasasaala koru mera milimiou alam.

1 Tesalonaika 4:1

Na kapakapana u raranga a matsi hahatoulana e markato uana teka, alam u hatuts railimiou te markato uana a katuun te hanigeiena e Sunahan. Na u mana koru, alimiou e markato uamiou teka. Alam e ranga hatagala koru mera moulimiou tara solona a Tsunono e Iesu, alimiou go markato haniga noahas uaiam teka.

2 Tesalonaika 2:1

A matsi hahatoulana, alam e hatei rami limiou a pöata te la pouts nama romana e Iesu Kristo a Tsunono i tarara na pöata te gono hoboto roua ra tegi tara menaien ra.

2 Tesalonaika 2:13

Alam e roron haniga bera mou limiou tere Sunahan, alimiou a pala te taatagi sil rena a Tsunono. Taraha, e Sunahan e hopö kap raiou limiou i mam noa tego lu pouts meraien limiou i tanen. Pöata tu hamana mia limiou turu ranga hamana, u Namnamei i tanen e kato hagogosi a torimilimiou.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

2 Pita 1:13

Alia e poeiegu e nigana tego hatakei kapin töa menai lia u hakhakats i tamilimiou tara manka teka tara pöata te töatöa noa gia lia.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita