2 Pita 3:7 - U Bulunagana U Niga

⁷ Ba turu töa u mar raranga noahas u kolö na u puta e hahaloser a pöata tega kato homi lel meraien u tula. A han i puta na i kolö e hahaloser a pöata te kout mera noi e Sunahan u katuun u omi bate kato hataia ranen.

2 Pita 3:7 ပူးပေါင်းရင်းမြစ်များ

Matiu 10:15

Alia e hatei hamana koru ragou limiou, a nihahuna tara taun teka e pan bala koru nanou a nihahuna tara taun i Sodom na i Gomora.”

Matiu 11:22

Na lia e hatei ragou limiou, turu lanin hahuna tere Sunahan, a nihahuna i tamilimiou u katunura i Korasin na i Betsaida e pan bala nanou a nihahuna turu katunura i Taia na i Saidon.

Matiu 11:24

Na lia e hatei ragou limiou, turu lanin hahuna tere Sunahan, a nihahuna i tamilimiou u katunura i Kapenium e pan bala nanou u nihahuna turu katunura i Sodom.”

Matiu 12:36

“Na lia e hatei ragou limiou, turu Lanin Hahuna alimiou e hala raroui a nihahuna tara man ranga pinopino a man omi tu ranga naiam limiou.

Matiu 24:35

U kolö nu puta e taia riou, kaba u raranga i tar ema antunan taia koru nei romana.”

Matiu 25:41

“Ba lia te ranga meragou u katuun tara pal keruka i tar, ‘U katuun te hamalir e Sunahan, laba nemou lia ba limiou te la uamiou turu tula te ka nitöana, ti kato hahaloso bei e Satan na u angelo i tanen.

U Bulungana u Niga tere Iesu Kristo te kolotein e Mak 6:11

Tema las hagum rarien limiou tsi tema hengo rarien limiou, ba limiou te tatei laba namiou a taun i taren bate tohu ba namiou u köahu i pitpitana moumilimiou. A ka teka e haröto nanou te raharaha mera neien e Sunahan.”

U Bulungana u Niga tere Iesu Kristo te kolotein e Jon 12:48

A katuun te tori tsuga nanou lia na te rama nena u raranga i tar, nonei ena butu noa has noua tara tsonun ona turu raranga tara kapakapana pöata. Na u raranga te katoe gulia nonei tena ona pouts hase nouen.

U pas te koloto menai e Pol turu kristenira i Rom 2:5

Alimiou e hipus koru miou, na limiou ema antunan palisemi u hakats. Na limiou e kato hapan koru lele miou a nihahuna te lue moa limiou tara pöatan hahuna tere Sunahan, tara pöata te haröto nanouen temar raharaha uanen na te ona hamatskö uanen.

1 Korin 3:13

Taraha, turu Lan Pan tere Kristo, ba toukui turu katuun hoboto te haröto naria romana turu ualesala. U tula te haröto nanou a toukui turu katuun hoboto, na u tula noahas te torohane nou a saha mar toukui ti katoi a man tötöa man katunun kui.

Pilipai 1:28

Alimiou goma matout rami u katuun te pakö rariou limiou. Alimiou go ongolo nitöaiam. A markato teka e haröto ranouien alimiou te tagala saluhe miou ba nori e rus riou, taraha e Sunahan e taguhu ranou limiou.

2 Tesalonaika 2:3

A katuun e namots gamo ranei limiou tu saha tu mar ranga. Taraha, u Lan Pan teka ema mam namei romana. E möa. A ka teka te butu mam nou romana: u katuun u para e hapolase riou romana e Sunahan, ba katuun te roron pekoena a lo te butu nou, nonei te lue nou a nihahuna i hel.

1 Timoti 6:9

U katuun te ngilin ka mer a mamanaka a parpara e tutu lala tuun rena bate rus beier a maroro tara markato a omi. A maroro teka, a tanga turu mamana u ngilngil u omi na u tutu te antunan las mena nei a katuun tara han a omi i hel.

Hibru 12:29

Taraha, e Sunahan i tarara e here nei u pan nen u tula te ats koruna.

2 Pita 2:9

E Sunahan e tatei haka haniga rena u katuun u niga tegi torohana meraien, bate haka rena u katuun u omi tara nihahuna e antunana te butuna romana u Kout Pan i tanen.

2 Pita 3:10

Kaba u Lan Pan tara Tsunono e songots butu hasingoto tuun nama romana, temar butu hasingoto uana a katuun a kopkop. Nonei turu Lan, u kolö e taia mena romana u gururu u kapan, na manka i kolö e kulupu hakapa riou, na han i puta na mamanaka te kana i tanen e ats hakapa nitöa riou.

2 Pita 3:12

Alimiou go hahaloseiam u Lan tere Sunahan bate kato silemiou tega butu boroboro uamen. Nonei u Lan te ats hakapa noua romana u kolö, ba mankana i kolö te ramun mena romana u hiski pan koru.

1 Jon 4:17

Tema matout reiara romana tara pöata te butuna u kout tere Sunahan, ba ra te atei silerou u ngilngil i tarara e butu haniga nitöana. Taraha, a nikaka i tarara i puta teka e markato has uana tara nikaka tere Iesu.

U pas te kolotein e Jut 1:7

Alimiou e atei sil hase miou a taun i Sodom na i Gomora na palair u taun has i rehiren. U katuun ti kaia tara man han teka i kato hohomi koru mei a peisaren ti hiakaka gono pouts u a pal tson na touhaliou has. Na ka teka e haröto nena ime temar hahuna mera neien romana, u katuun u omi turu tula te kulupu nitöana.

Revelesin 17:11

Kaba a ka a omi te töatöa i manasa ema töatöa lel nei, nonei a hatoalina a tsunono. Nonei a töa katuun tara hun katuun tara tohit a tsunono, kaba nonei ena taia nou.

Revelesin 17:8

A ka omi te tare mula lö e töatöa i manasa kaba ema töatöa lel nei. Nonei e katsin lakasa nama tara kiou te möa ta nönöanen ba nonei tena taia lel nou. Ba u katuun te ka roua i puta te asingoto hoboto riou te tara mena roien a ka teka, nori u katuun tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nori e asingoto nariou a ka a omi te töatöa i manasa kaba ema töatöa lel nei, kaba nonei e butu lel nou romana.

Revelesin 20:11

Na lia u tari u gumgum u hiaka u göagono te gum ia e Sunahan. U kolö na u puta e hatalis ban a matanen, me möa lenina ta makum i taren.

Revelesin 21:1

Ba lia e taregu u kolö na u puta u tsimus. U kolö na u puta tutuun i tia hakapa, na e möa lel has tu tasi.