2 Pita 2:3 - U Bulunagana U Niga

³ Tara markato te gono be menarien a peisaren a mamanaka, nori e hatei has rari limiou romana a man ranga pinopino bate luer a moni. E Sunahan e solon hopö kapiin a nihahuna i taren, na nori e taia hamana riou.

2 Pita 2:3 ပူးပေါင်းရင်းမြစ်များ

Matiu 23:14

Alimiou e roron katoemiou u singona turu lotu u ngahangaha turu rung tuun, bate lu tsipon bemi a peisa milimiou a manka turu amoaba. Te markato uamilimiou teka alimiou e luemou a nihahuna a omi koru.

U Bulungana u Niga tere Iesu Kristo te kolotein e Luk 18:8

Alia e ranga meragou limiou, nonei e kato hakapa boroboro tune nou u kout i taren. Kaba pöata te la pouts guma lia romana i puta, alia tu butun Katunuma, alia e sabe has ragou u katuun te hamanar?”

U Bulungana u Niga tere Iesu Kristo te kolotein e Luk 20:20

Nori i tara kap nitöa nen me hol raier u katuun u gamogamo me hala hamous rari men tegimi tara kap menaien. U katuun teka i gamo me katoeier u harangata u parpara tere Iesu. Nori i ngil e Iesu ega kato tu ranga tegi kout meien bate hala naren tara nitagala tere gamman.

U Bulungana u Niga tere Iesu Kristo te kolotein e Luk 22:47

E Iesu e ranga noa has bu katuun te tukur. E Judas, a töa tara maloto na huol a katunun tsitsilo i tanen, te peigi ramen. Ba nonei e la uanama tere Iesu tegomi mutsi menaien abuabunen.

U Bulungana u Niga tere Iesu Kristo te kolotein e Jon 2:16

Ba nonei e poeiena turu katuun ti haholin a man kulu, “Luba naiam a manka teka! A luma tere Tamar ema tatei kato here nami limiou a luman töana!”

U pas te koloto menai e Pol turu kristenira i Rom 16:18

Taraha, nori u katuun teka ema kui beri a Tsunono i tarara e Kristo. E möa. Nori e kui siler u ngilngilina i puta i taren. Nori e roron angoso rer u katuun bate gamo rer u katuun tema atei sileri a ka tema mana nei.

2 Korin 2:17

Taraha, alam ema here rami a palair u katuun te kato here nari u raranga tere Sunahan a toukuin moni i taren bate hahol sile rien tegi lu menaien ta moni. E möa. Tara solona e Kristo alam e ranga hamana mia i matana e Sunahan, taraha, nonei te hala raiou lam ba lam te habulungana hamatskö nem u raranga te hala namen.

1 Tesalonaika 2:5

Alimiou e atei silemiou alam uma mala angoso railimiou, na e Sunahan e atei sil hasena a torimulam ema ngile nei ta ka.

1 Tesalonaika 5:3

Te pei ria romana u katuun, “A pöata a niga tala, a pöata tara masalohana i romana,” nonei a pöata te songots butu nama romana u Lanin Hahuna tere Sunahan. U Lan teka e here noi romana a tahol a pika te singotei sagohena a kamits. Na u katuun ema antunan bus ba naroi a ka teka.

1 Timoti 3:3

Nonei goma tatei ua hatutu ii na egoma katunun hiatatung ii na egoma ngil hasei a moni a parpara. E möa. Nonei has a katuun te tatei tuatamina turu katuun bate kato haniga ranen.

1 Timoti 3:8

U katunun hihitaguhu turu lotu egi kato haniga has, batema ka meri u huol u baku. Nori egima antunan ua haparei u uain bate ua hatutur na nori egima gono bei a peisaren a mamanaka.

1 Timoti 6:5

A hiaraharaha te katon toa naier u katuun teka, u baku tutu tema atei sil haseri a ka a mana ba nori te poeier, u lotu a maroro te tatei lu sila namialö ta moni.

Taitus 1:11

U katuun teka egi ranga hapiou mer batema tatei hipusri, nori e kato homi raier u katuun. Taraha nori e ngilin lu tuun ner taka ba nori te hatuts rari u katuun a manka tema matskö nei.

Taitus 1:7

A katuun tere Sunahan e goma kamei ta markato ta omi i tanen, taraha, nonei e pepeito kap nena a toukui tere Sunahan. Nonei goma hihipus ii na e goma tatei raharaha boroboro has ii. Na nonei goma tatei uaua pala ii ne goma tatei hiatatung has ii na egoma pepeits ii bate ngileiena a ka a parpara.

1 Pita 2:8

Na tana makum turu Buku u Göagono e mar ranga has uana teka, “Nonei a hatu teka te tutu ranoua u katuun.” U katuun te tutu rana tara hatu e haharuei ner u katuun te tori hasoalaner e Iesu, taraha nori ema kukutieri u ranga. Nori e markato uaier teka ti mar hopö kap noahas meraien i manasa.

2 Pita 1:16

Alam ima katoei u rarare pinopino turu katuun tara pöata tu hatei raia lam alimiou a nitagala tere Iesu Kristo a Tsunono i tarara, na tega la pouts uamen romana. E möa. Alam u tara peisan a matamulam tara nikapan i tanen.

2 Pita 2:1

Kaba u propet u gamogamo i butu hasia i gusur u katuun, na e kato has uanou iesana, u tson hihatuts u gamogamo e butu has ria romana i gusumilimiou. Nori e la momous merima romana u hihatuts u gamo te antunan kato homi korueiena u hakhakats turu katuun. Na nori e holis has ner romana a Tsunono te sakahis pouts raien, ba nori te taia boroboro pouts has mer romana a man markato a man omi i taren.

2 Pita 2:9

E Sunahan e tatei haka haniga rena u katuun u niga tegi torohana meraien, bate haka rena u katuun u omi tara nihahuna e antunana te butuna romana u Kout Pan i tanen.

U pas te kolotein e Jut 1:11

Nori e lue riou romana a nihahuna pan. Taraha, nori e markato homi uaier te kato uu e Kein i manasa. Nori e kato homir na e kui hatagala siler a moni, te kato has uu e Balam. Nori e hipus naier e Sunahan, te markato has uu e Kora. Ba nori te mate has riou romana.

U pas te kolotein e Jut 1:16

U katuun teka e roron ranga homi ner a nikaka i taren bate mamala sasaalari. Nori e kukutier u ngilngil u omi i taren. Nori e ranga sesei ner a peisaren na nori e angoso raier u katuun tegi lube meraien ta ka.

U pas te kolotein e Jut 1:4

Taraha, a palair u katuun u omi i mous ma i gusu milimiou. U mar katuun teka i tus merai turu mar nihahuna te ka noua turu kout tere Sunahan, ba nori tena tia riou, ti mar ranga uu propet tere Sunahan. Nori e roron paliseier u raranga u niga tere Sunahan bate katoerien u rarangana tara markato a omi. U katuun teka e roron tori tsuga naier a töa puku a Tsunono i tarara, e Iesu Kristo.

U pas te kolotein e Jut 1:7

Alimiou e atei sil hase miou a taun i Sodom na i Gomora na palair u taun has i rehiren. U katuun ti kaia tara man han teka i kato hohomi koru mei a peisaren ti hiakaka gono pouts u a pal tson na touhaliou has. Na ka teka e haröto nena ime temar hahuna mera neien romana, u katuun u omi turu tula te kulupu nitöana.