2 Pita 2:2 - U Bulunagana U Niga

² Na u katuun u parpara e kukutier romana a man markato a man hamatsingolo tua i taren, na pala te hahamanar e tarer romana u katuun tegi kukute meraien u tson hihatuts u gamogamo teka bate ranga hohomi ner romana a marorona turu mana.

2 Pita 2:2 ပူးပေါင်းရင်းမြစ်များ

Matiu 22:16

Ba nori e hala ralila u katunun tsitsilo i taren na palair u katuun tere Herot tere Iesu mena poeier, “Tson Hihatuts, alam e atei silem alö a katununa turu mana. Alö e roron hihatuts hamana nem a maroro tere Sunahan, taraha alö ema hakats nami a manka te hakats ner u katuun tsi a nikapan i taren.

Matiu 24:24

Taraha, u Mesaia gamogamo na u propet gamogamo e butur romana, ba nori te katoer romana u hiharöto u kapan na man mirakol. Tegi antuna uen, ba nori te gamo rer romana u katuun te hopökapir e Sunahan.

Matiu 7:14

Kaba limiou go tasu sila mia tara tamana a teki, taraha a tamana a tekteki te la uana tara nitöatöa, na ema katuun a para nei tena tasu roa i tanen.”

U Bulungana u Niga tere Iesu Kristo te kolotein e Mak 12:14

Ba nori e la uarima i tanen memi poeier, “Tson Hihatuts, alam e atei silem alö a katununa turu mana. Alö ema hakats silemi a ka te ranga ner u katuun, taraha alö ema hakats nami a nitsunono tara katuun. Alö e hihatuts hamana nem a maroro tere Sunahan. Bara, a Lo i tarara e hapiou nena tegi hala menai ra a takis tere Sisa a gamman pan, tsi e möa?

U Bulungana u Niga tere Iesu Kristo te kolotein e Mak 13:22

U Mesaia gamogamo na u katuun u gamogamo te ngöeroi a peisaren u propet tere Sunahan e butu riou romana. Ba nori te katoeriou u hiharöto pan na man mirakol, tegi antunan gamo meraien u katuun te hopö kapir e Sunahan.

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

Aposol 14:2

Kaba palair u Jiu i ma hamana ii, ba nori e hatakeier a hiaraharaha turu katuun tema Jiu ri, ba nori e tori hasoala raren

Aposol 16:17

Pöata te kukuteien e Pol na lam, nonei e ku nitöani, “A pal tson teka u katunun kui tere Sunahan iasa koru. Nori e haröto rari limiou a maroro te lu sila namia limiou a nihitaguhu tere Sunahan.”

Aposol 18:26

Nonei e hatanian ranga hatagalaia iahana luman lotu turu Jiu. Kaba pöata te hengo naien e Prisila mere Akuila ba nori e lue ren me haröte rien a mouna koru a markato tere Sunahan.

Aposol 19:9

Kaba a palai i hipus naien batema hamanari me ranga homi hasner a Maroro tara Tsunono i matar u katuun. Be Pol e lurena u kristen me la gono mera nen, na turu mamana u lan nonei e hatei naia u raranga iahana luman skul tere Tiranas.

Aposol 22:4

Alia u kato homir u katuun ti kukute a maroro tara nihamana te kukutie gulia i romana, e noaia ti mateia a palai. Alia u kits kap raien a tsien, a pal tson na touhaliou has, na lia u hala meraien tara karabus.

Aposol 24:14

Kaba alia e hatei goulö, nonei a Maroro teka tara Tsunono te ngöe rien ‘A markato te peko menari a hun katuun,’ e manana alia e roron kukutie gen. Alia e kukutiegu a Maroro teka ba lia te singo uagu tara Got turu tubumulam e Sunahan. Alia e hamanegu u raranga hoboto te kana tara Lo tere Sunahan na u ranga hoboto ti kolotein u propet.

U pas te koloto menai e Pol turu kristenira i Rom 2:24

I koloto has naia turu Buku u Göagono, “U katuun tema Jiu ri e ranga hohomi naier a solona e Sunahan, taraha alimiou u Jiu, u katuun i tanen e kato homi has miou.”

1 Timoti 5:14

Na lia e ngil taleiegu u amoaba u kukubei gi hitöl bate posaposar bate tara kap rer a galapien na mamanaka i taren, bu katuun tema ngileri e Kristo tema antunan ranga hohomi rarien.

Taitus 2:5

bate tatei hala puta haseier a peisaren bate katoeier a markato a gogoso. Nori egi tarakap hanigein u luma i taren, bate katoeier a markato a niga bate hengo raier a pal tson i taren, ba u bulungana tere Sunahan tema tatei ranga hohomi nari.

Taitus 2:8

Na te katoe moa lö u raranga u niga ba u pakö te matsingolo riou, taraha nori e moa riou ta ka tegi ranga hohomi sil merien ra.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

2 Pita 2:12

Kaba u tson hihatuts teka e kukute laser u ngilngil i tuenreiren, te kato has uaier u poum u hie na u kori na mankana i latu ti tuhana mei a niatei peisa i peisaren tegi kukute tuun meraien u tsinaren. Nori i tuhana sil tegi pile kap meraien bate atung hamate raier. Na u tson hihatuts u gamogamo teka e ranga hohomi has naier a manka tema atei sile rien, na nori ena kato hataia has rariou. Nori e alater romana te kato hohomi merarien a palair u katuun. Bate ngil koruer tegi kukute menaien u ngilngil u omi i peisaren tara lan. Na nori e nou gono mera riou limiou tara kannou, kaba e kato homi here rari limiou a ka a korkoriana te kato homiena u hasobö. Ba nori te roron sasaala mer a markatona turu gamo i taren.

2 Pita 2:15

Nori i la ban a maroro a matskö me kukutier a maroro tere Balam a pien tere Beor. E Balam e ngil korui a hihol te lueien tara markato a omi te katoeien, kaba e Sunahan e ranga hapiou meien. Ba rongki i tanen e ranga here nei a katuun te hapiou menaien tegoma tatei kato menai e Balam a markato a tutu na omi te katsin katoeien.

2 Pita 2:18

Nori e ranga sesei koru ner u raranga u tutu bate hamamangil reri u katuun u ngilngil na man markato a man omi i peisaren, u katuun ti hagou bus bar u katuun te roron kato homir.

2 Pita 2:21

Ega mala niga balein tegima atei sil mam menaien a maroro a matskö. Ga e omi tala mena te gamon atei sil mena rien a maroro a matskö bate töan tori hasoala lel ner u raranga u göagono ti hala raien.

2 Pita 2:7

Kaba a töa katuun a niga te kaia i Sodom a solonen e Lot. Turu mamanu lan nonei e hengoen a man raranga a man omi na te tara menaien a man markato a man omi bate kato hatiama korueiena a torinen batema mala matskö nei. Na e Sunahan e haka hanigeien tara pöata te kato homieien nonei a taun.

U pas te kolotein e Jut 1:10

Kaba u katuun teka e ranga hohomi ner a mamanaka tema atei silerien. Nori e kukute laser temar ngil uana u tuenrei i taren, te kato has uaier u poum na u muki. Nori e markato las uaier teka, na markato i taren e kato homi nitöa ranen.

U pas te kolotein e Jut 1:4

Taraha, a palair u katuun u omi i mous ma i gusu milimiou. U mar katuun teka i tus merai turu mar nihahuna te ka noua turu kout tere Sunahan, ba nori tena tia riou, ti mar ranga uu propet tere Sunahan. Nori e roron paliseier u raranga u niga tere Sunahan bate katoerien u rarangana tara markato a omi. U katuun teka e roron tori tsuga naier a töa puku a Tsunono i tarara, e Iesu Kristo.

U pas te kolotein e Jut 1:7

Alimiou e atei sil hase miou a taun i Sodom na i Gomora na palair u taun has i rehiren. U katuun ti kaia tara man han teka i kato hohomi koru mei a peisaren ti hiakaka gono pouts u a pal tson na touhaliou has. Na ka teka e haröto nena ime temar hahuna mera neien romana, u katuun u omi turu tula te kulupu nitöana.

Revelesin 12:9

Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Revelesin 13:14

Nonei e gamoer u katuun ti kaia i puta a man mirakol te katoeien i matana a ka tutuun a töatöa. Na hahuoluna a ka e ranga mer u katuun i puta tegi kui menaien u kesa te mata here ii a ka tutuun ti ngats hamati kaba e töatöa pouts.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.