2 Pita 2:19 - U Bulunagana U Niga

¹⁹ U tson hihatuts teka e roron ranga meraier u katuun egi kukute raien batema tatei karia tara kits kap, kaba nori pouts has te kits kap gono meri a peisa ren a markato a omi i taren. Taraha, a katuun e ron kits silena a saha ka te roron mammam nanen.

2 Pita 2:19 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 8:34

Be Iesu e poeiena i taren, “U mana koru alia e hatei ragou limiou, a katuun te kato homi nitöana e herenei a katuun te karabusuna. Nonei e karabus na tara markato a omi te kato nitöa nanen.

Aposol 19:16

Ba katuun te ka mei a liliahanei a omi e kurapa uana i taren be atung ranen me tagala saluhe ranen me kato hohomi koru rena a peisaren me kiis kaakata ba raneien a man hasobö i taren. Ba nori e bus ba ner a luma teka me la mer a beloso.

Galesia 5:1

E Kristo e purese ba raia ra tara Lo turu Jiu. Na limiou go tagala tala iam batema katunun kukui puku lel uami tara Lo turu Jiu.

Galesia 5:13

Kaba alimiou a matsi hahatoulana, e Sunahan e ngö sil rai limiou tego hapolasa ba mena milimiou a Lo. Kaba u raranga teka ema ranga nanei alimiou go pekoeiam a Lo bate kukute lase miou u ngilngilina i puta. E möa. Kaba e Sunahan e hapurese sil rai limiou tego hiangilngil uaiam limiou bate hiatagtaguhu miou.

2 Timoti 2:26

Ba nori te lue riou u hakats u niga bate bus kopis ba nariou a tanga tere Satan te pile kap ranen bate kukutieier u ngilngil i tanen.

Taitus 3:3

Taraha, i manasa ara i hipus has bate kato hatutu hasira na palai i gamo has raioura. Na u ngilngilina tara mamanaka a nigana i puta e pile haröroto koru has raioura. Na mar nikaka i tarara e saputi a markatona turu hiomi na markato a omi. U katuun ima haniga rai ra, na ra ima haniga has raien.

1 Pita 2:16

Alimiou go markato uaiam turu katuun ti hapurese. Alimiou goma kato silemi tego kato homi uaiam limiou. E möa. Alimiou e kato silemiou tego katunun kui uaiam limiou tere Sunahan.

2 Pita 1:4

Tara markato teka nonei e hala mam raira a man raranga a man mana na man kapan i tanen te niga koruna. Na u raranga u mana teka e taguhu ranou ra bara te tatei ka has mera u mar hakats tere Sunahan, bate ka haniga ba nera a man markato a man omina i puta te butu nama turu ngilngil u omi.

2 Pita 2:20

Kaba tego atei sileia a katuun e Iesu Kristo a Tsunono i tarara, te lu pouts raiou ra, bara te laba naiera a man markatona i puta. Ga te pilpiloto pouts roien tara markato a omi i taren, ba a nikaka turu katuun teka te omi bala koru lel tala nanou a nikaka taren i manasa.