2 Pita 2:18 - U Bulunagana U Niga

¹⁸ Nori e ranga sesei koru ner u raranga u tutu bate hamamangil reri u katuun u ngilngil na man markato a man omi i peisaren, u katuun ti hagou bus bar u katuun te roron kato homir.

2 Pita 2:18 ပူးပေါင်းရင်းမြစ်များ

Aposol 2:40

Be Pita e hatei has raneien u raranga u parpara lel me ranga hataatagina i taren me poeiena, “Haneiam! Alimiou e namots lu hase miou a nihahuna te la uanama turu katunura i romana.”

Aposol 8:9

A töa katuun e kaia tara taun teka a solonen e Saimon. I manasa nonei e roron kato a matuna na hirakö. Ba u katunur i Samaria i roron asingoto koru ni a manka te katoeien. Nonei e roron pei, “Alia a katuun pan.”

U pas te koloto menai e Pol turu kristenira i Rom 13:13

Aragi kato hamatskö, te kato uaria u katuun tara lan. Aragi ma kukutiei a markato te kato homi ria u katuun tara pati na te spak uar na te tsikolo uar na te hakats homi uar na te raharaha uar na te hiomi uar. E möa.

Epesis 4:17

Na tara solona a Tsunono alia e hatei ragi limiou a ka teka, na lia e ranga hatagala koru nagien i tamilimiou. Alimiou goma marka lel uami te markato uaier u katuun tema hamanari.

2 Tesalonaika 2:4

A katuun teka e omie nou romana u mamana u mar lotu, ba nonei te katoe noi a peisanen a katuun te pan nena a man lotu. Ba nonei tena gum has noua iahana a Luman Lotu Pan tere Sunahan ba nonei te gamona bate poeiena nonei e Sunahan.

Jemis 5:5

A nikaka i tamilimiou i puta e saputu mena a mamanaka te ngile milimiou. Alimiou u roro pinopino mia tara pöata ti kui hatagalaia a palair u katuun. Alimiou e kato here nami a peisa milimiou a sipsip te hapan hanigan töa ner bate atung hamateier bate noueier.

2 Pita 1:4

Tara markato teka nonei e hala mam raira a man raranga a man mana na man kapan i tanen te niga koruna. Na u raranga u mana teka e taguhu ranou ra bara te tatei ka has mera u mar hakats tere Sunahan, bate ka haniga ba nera a man markato a man omina i puta te butu nama turu ngilngil u omi.

2 Pita 2:14

Nori e ngilin tara las uaier turu touhaliou u omi. Ba tema hakaperi u ngilngil i taren te ngil mena rien a markato a omi. Nori e ron gamogamo raier u katuun te hula hakatsir. Na nori i solon alena talein a markato te riri sil menari a ka tara tana katuun, na e Sunahan e ranga hohomi hakapa raien.

2 Pita 2:2

Na u katuun u parpara e kukutier romana a man markato a man hamatsingolo tua i taren, na pala te hahamanar e tarer romana u katuun tegi kukute meraien u tson hihatuts u gamogamo teka bate ranga hohomi ner romana a marorona turu mana.

2 Pita 2:20

Kaba tego atei sileia a katuun e Iesu Kristo a Tsunono i tarara, te lu pouts raiou ra, bara te laba naiera a man markatona i puta. Ga te pilpiloto pouts roien tara markato a omi i taren, ba a nikaka turu katuun teka te omi bala koru lel tala nanou a nikaka taren i manasa.

2 Pita 2:7

Kaba a töa katuun a niga te kaia i Sodom a solonen e Lot. Turu mamanu lan nonei e hengoen a man raranga a man omi na te tara menaien a man markato a man omi bate kato hatiama korueiena a torinen batema mala matskö nei. Na e Sunahan e haka hanigeien tara pöata te kato homieien nonei a taun.

2 Pita 3:17

Kaba a matsi hahatoulana i tar, alimiou u atei sil hakapeiam a ka teka. Na limiou go haneiam, u katuun u omi e tatei gamo rari limiou a man markato a man tutu ba limiou tema tuol hatagala lel moi turu nihamana i tamilimiou

U pas te kolotein e Jut 1:13

A lomolomo e kato haposeiena u tasi bate habutena u puei u korkoriana. Na e markato has uana iesana turu katuun teka tema antunan hamouseri a markato a korkoriana i taren. A tapisu e roron tiana turu kuhil i lehana. Te kato has uaier u tson hihatuts u gamogamo teka. Nori e la hamatskö uaier romana tara nihahuna tere Sunahan tema tatei kapa nei.

Revelesin 13:11

Ba lia e taregu a tana ka a töatöa te butuma turu tsiktsiki. Nonei e ka mei a huol a ki te here ii a ki tara tunan sipsip, kaba nonei e ranga here ii a kökötsi pan.