2 Pita 2:1 - U Bulunagana U Niga

¹ Kaba u propet u gamogamo i butu hasia i gusur u katuun, na e kato has uanou iesana, u tson hihatuts u gamogamo e butu has ria romana i gusumilimiou. Nori e la momous merima romana u hihatuts u gamo te antunan kato homi korueiena u hakhakats turu katuun. Na nori e holis has ner romana a Tsunono te sakahis pouts raien, ba nori te taia boroboro pouts has mer romana a man markato a man omi i taren.

2 Pita 2:1 ပူးပေါင်းရင်းမြစ်များ

Matiu 10:33

Kaba esi te holis nena te pala uanen i tar i matar u katuun, ba lia te holis has nagoen romana tere Tamar i Kolö.”

Matiu 24:11

U katuun tema propet ri e butur romana bate gamour, bate ngöeri a peisaren u propet tere Sunahan, bate gamo rer u katuun u parpara.

Matiu 24:24

Taraha, u Mesaia gamogamo na u propet gamogamo e butur romana, ba nori te katoer romana u hiharöto u kapan na man mirakol. Tegi antuna uen, ba nori te gamo rer romana u katuun te hopökapir e Sunahan.

Matiu 24:5

Taraha, u katuun u parpara e la rima romana bate ngöeri a peisaren a solor bate poeier, ‘Alia e Mesaia’ ba nori te gamo rer romana u katuun u parpara.

Matiu 7:15

Be Iesu e rangana me poeiena, “Hanei sil raiam u propet u gamogamo. Nori e hererari u muki u hie, kaba nori e gamor bate kato here nari a peisaren u sipsip u alena.

U Bulungana u Niga tere Iesu Kristo te kolotein e Mak 13:22

U Mesaia gamogamo na u katuun u gamogamo te ngöeroi a peisaren u propet tere Sunahan e butu riou romana. Ba nori te katoeriou u hiharöto pan na man mirakol, tegi antunan gamo meraien u katuun te hopö kapir e Sunahan.

U Bulungana u Niga tere Iesu Kristo te kolotein e Luk 12:9

Kaba esi te holis nena nonei a katuun i tar i matar u katuun, balia tena holis has nagoen romana i matar u angelo tere Sunahan.

U Bulungana u Niga tere Iesu Kristo te kolotein e Luk 21:8

Be Iesu e poeiena, “Hanei iam, u katuun e namots gamo rariou limiou. Taraha? A katuun a parpara ena la rima romana bate ngöe roui a peisaren a solor batemi poeier, ‘Alia e Mesaia,’ na ‘A pöata hamanasa!’ Kaba ma kukute rami.

U Bulungana u Niga tere Iesu Kristo te kolotein e Luk 6:26

A nomi e ka uanou i tamilimiou u katuun te saala rer u katuun hoboto. Taraha? U tuburen i mar ranga has uu iesana turu propet u gamogamo.”

U pas te koloto menai e Pol turu kristenira i Rom 16:18

Taraha, nori u katuun teka ema kui beri a Tsunono i tarara e Kristo. E möa. Nori e kui siler u ngilngilina i puta i taren. Nori e roron angoso rer u katuun bate gamo rer u katuun tema atei sileri a ka tema mana nei.

1 Korin 11:19

Alia e atei silegu ega kamei u kats kilkil i gusumilimiou, ba ra te atei sileriou esi i gusumilimiou te kukutena a markato te ngilena e Sunahan.

1 Korin 6:20

Taraha, nonei e sakahis rai limiou a hihol pan. Alimiou go solosei memi e Sunahan u tuenrei i tamilimiou.

1 Korin 7:23

E Sunahan e sakahis railimiou a hihol pan. Ba limiou tema tatei katunun kukui puku uami tara katuun tuun.

Galesia 2:4

Kaba palair u katuun tima kristen ii hasohaleia a peisaren turu katuun u kristen. Nori emi katsin tari ta saha ka tego katoi lam u katuun tere Iesu Kristo. E Iesu nonei te purese ba raialam tara Lo turu Jiu, kaba u katuun teka i ngilin hakits pouts len raiou lam.

Galesia 3:13

Na e mar ranga has uana teka, “A katuun te hakute ria turu ruei bate matena e ka mena u rangan korupakö tere Sunahan i peisanen.” Na e Kristo te sakahis raiara turu rangan korupakö te hala nena a Lo, taraha nonei e luba naia u rangan korupakö teka i peisanen te mate ien tara kuruse.

Galesia 4:17

A matsi hahatoulana, u katuun i tioum e gamo siler tego tahongo uaiam limiou i taren. Kaba turu hakhakats i taren, nori ema ngilin taguhu rari limiou. Nori e kato sil laser tego taguhu meramien limiou.

Galesia 5:20

Bate hatsunoner a got gamogamo bate katoeier a markatona turu matuna, bate hia o omir, hiatatungur, hiaraharahar, hiatoritori homir, na markato te tara ngil uaier, na hiakaka polasa na hiatagtagala. Bate hakats peisa las ner a manka i taren.

Epesis 1:7

Pöata te mateia e Kristo, bu rahatsing i tanen e sakahis ranoura be Sunahan e luba nena a man markato a man omi i tarara. A nitaatagi i tanen e pan koru, ba nonei e hitaguhu haniga koruna i tarara.

Epesis 4:14

Ba i murimuri bara tema here lele roi a galapien. Taraha, a galapien e hamana ria tara man hihatuts turu katuun u gamogamo hoboto te butu rima, u katuun te gamo raren ba nori te katoeier a man markato a man omi. Esi te hengo ranen bate hula hakatsina e here nei a ka te hula hapouseina i tasi, tsi a ka te söatena a lomolomo bate hula tapana. Kaba ara gima markato uai tara katuun teka.

Pilipai 3:19

Nori e ka ria tara marorona tegi tia uaien, taraha nori e hakats sil talaser a tou nou, bate sasaala mer te haniga menarien a man markatona tara nimatsingolo, bate hakats puku lasner a mankana i puta.

Kolosi 2:18

A palair u katuun e poeier nori e pan ria i matana e Sunahan bate poeier, nori i sinasohi a manka teka tegi haka puta menaira a peisarara bate hatsunono raier u angelo. Alimiou goma hengo ramien te pei mena rien alimiou e kato homimiou. Nori e kato hapan pinopinoer a peisaren te hakats mena rien a markatona i puta.

Kolosi 2:8

Kaba haneiam, ta katuun ena gamo ranei limiou tu ranga pinopino. Hanei sil raiam u katuun te hihatuts ner a niatei turu tuburen bate poeier e lama tere Sunahan. Nori e hihatuts ner a mankana i puta, u spirit na lo na i manasa, kaba ema ranga uanei tere Kristo.

1 Timoti 5:8

Kaba tema tara kap nanei a katuun a sungutunen, e la bala uana tara tahol na galapien i tanen, nonei e holis has nena u nihamana turu kristen na nonei e omi bala nena a katuun te hahamanana.

2 Timoti 4:3

Taraha, a pöata te la nama u katuun ema hengo lele roi u hihatuts u mana. Nori e kukutie riou u ngilngil peisa i taren, bate gono beroi a peisaren u tson hihatuts te hatuts raroien a manka te ngilin hengo naren.

Taitus 1:11

U katuun teka egi ranga hapiou mer batema tatei hipusri, nori e kato homi raier u katuun. Taraha nori e ngilin lu tuun ner taka ba nori te hatuts rari u katuun a manka tema matskö nei.

Taitus 3:10

Hapiouni a katuun te lu kaakata rena u katuun. Tema hengo neien, ranga hahuol lel mei. Kaba te möa noahas nen, balö te töa haka ba namen.

Hibru 10:29

Kaba a nihahuna te pan bala koruna e hahalosena a katuun te omiena a Pien Tson tere Sunahan. Taraha, nonei e sigalena u rahatsingina turu ranga te kitsi e Sunahan. Nonei u rahatsing te kato mam meien a katuun a matskö tere Sunahan. Na nonei e ranga homi has nena u Namnamei tere Sunahan te taatagi nen.

1 Pita 1:8

Noahasina alimiou ema tare mien, kaba limiou e ngile men. Na tema tara noahas memien limiou i romana, kaba limiou e hamana mia i tanen. Ba limiou te sasaala memiou a nisasaala a kapan koru te pan bala nena u raranga te torohanan hatei nanen.

2 Pita 2:3

Tara markato te gono be menarien a peisaren a mamanaka, nori e hatei has rari limiou romana a man ranga pinopino bate luer a moni. E Sunahan e solon hopö kapiin a nihahuna i taren, na nori e taia hamana riou.

1 Jon 2:26

Alia e koloto megi a ka teka, taraha a palair u katuun ena mots gamo rariou limiou.

1 Jon 4:1

A man hahikapien, alimiou goma hengoemi u raranga turu katuun hoboto te poeier nori e ka mer u Namnamei tere Sunahan. Alimiou go tara haniga ramen tego haranga meraien e Sunahan. Taraha, a parpara koru a propet a gamogamo te ka ria tara mamana han hoboto.

U pas te kolotein e Jut 1:18

Nori i hatei mam raiou limiou me poeier, “Tara kapakapana pöata, u katuun e sigale riou romana a markato tere Sunahan bate katoe riou a manka man omi te ngilin kato naren.”

U pas te kolotein e Jut 1:4

Taraha, a palair u katuun u omi i mous ma i gusu milimiou. U mar katuun teka i tus merai turu mar nihahuna te ka noua turu kout tere Sunahan, ba nori tena tia riou, ti mar ranga uu propet tere Sunahan. Nori e roron paliseier u raranga u niga tere Sunahan bate katoerien u rarangana tara markato a omi. U katuun teka e roron tori tsuga naier a töa puku a Tsunono i tarara, e Iesu Kristo.

Revelesin 13:14

Nonei e gamoer u katuun ti kaia i puta a man mirakol te katoeien i matana a ka tutuun a töatöa. Na hahuoluna a ka e ranga mer u katuun i puta tegi kui menaien u kesa te mata here ii a ka tutuun ti ngats hamati kaba e töatöa pouts.

Revelesin 2:13

Alia e atei silegu a han te ka mia limiou, a han te ka hasina u gumgumun tsunono tere Satan. E Antipas e hihatuts haniga beiou lia tara han teka, ba nori e atung hamatie ren. Kaba limiou uma hapolase mi lia. Alimiou e hamana noa hase moulia.

Revelesin 2:9

Alia e atei silegu a torimilimiou e tiamana, na limiou ema ka bala memi ta ka. Kaba limiou e ka noa has memiou a mamanaka. Alia e atei sil hasegu a palair u katuun e tuts sil rariou limiou. Ba nori te poeier nori u Jiu, kaba e möa. Nori u katuun tere Satan!

Revelesin 3:8

“Alia e atei silegu a manka te katoe milimiou. Tara! Alia e kalata be ragulei limiou a tamana, e möa ta katuun tega antunan hapilie ien. Alia e atei silegu alimiou e ka memiou a tsi tabubun nitagala tuun, kaba limiou e kukute noa hase miou u hihatuts i tar na limiou ema holis nami a solor.

Revelesin 5:9

Ba nori e kömeier u töa u hets u tsimus te mar ranga uana teka tara Tunan Sipsip: “Alö e ka mem a nitsunono tego lu menai lö a pits pepa bate lukapem u kaan harokotokap i tanen. Taraha? Alö i atung hamati na u rahatsing i tamölö e sakahis merai u katuun tere Sunahan, u katuun i lama tara mamana hun katuun hoboto, Na turu mamana u mar ranga hobotona tara mamana han.

Revelesin 6:10

Ba nori e ku hapanir me poeier, “O Tsunono, alö te pan korum tara mamanaka, na lö a göagono na lö hamana. I hangisa balö te hakapem a niomi turu katuun i puta bate katoeiem a hipou i taren ti atung hamate meraien lam?”