2 Pita 1:16 - U Bulunagana U Niga

¹⁶ Alam ima katoei u rarare pinopino turu katuun tara pöata tu hatei raia lam alimiou a nitagala tere Iesu Kristo a Tsunono i tarara, na tega la pouts uamen romana. E möa. Alam u tara peisan a matamulam tara nikapan i tanen.

2 Pita 1:16 ပူးပေါင်းရင်းမြစ်များ

Matiu 16:27

Alia lahas tu butun Katunuma te la gono meguma romana u angelo i tar turu ualesala pan tere Tamar, ba lia temi hala palis ragoui u katuun ti kato homi a ka a omi na u katuun ti kato haniga a ka a niga.

Matiu 16:28

Alia e hatei hamana ragou limiou, a palair u katuun te tuolur teka ema antunan materi, e antunana tegi tara menien Alia tu butun Katunuma ena la here gumei romana a king.”

Matiu 17:1

I murina u tönomo u lan be Iesu e lue raiena ere Pita, na u muntoulana ere Jemis mere Jon, me peigi pepeisa mera neien ieluna u pokus u pannen koru.

Matiu 24:27

Taraha, Alia tu butun Katunuma e la here gumei romana u kanaha te kanahana tara mamana makum turu kolö.

Matiu 24:3

Pöata te gum ia e Iesu turu Pokus tara Ruein Olip ba u katunun tsitsilo i tanen emi ka momous pepeisa gono meren me rangate ren, “Hatei ramei lam i hangisa te butuna romana a ka teka, na u hiharöto te hatara nanou a pöata tego la pouts uama lö, na te kapana romana a han.”

Matiu 28:18

Be Iesu e la hasukusuku uama i taren me poeiena, “E Sunahan e halei lia a nitsunono hobotona i Kolö na i puta.

U Bulungana u Niga tere Iesu Kristo te kolotein e Mak 13:26

“Ba tara pöata teka u katuun ena tare riou alia, tu butun Katunuma e butu guma romana turu köasi bate lame guma a nitagala pan na u ualesala pan.

U Bulungana u Niga tere Iesu Kristo te kolotein e Mak 14:62

Be Iesu e poeiena, “Nonei alia. Alimiou e tare mou romana Alia tu butun Katunuma e gum goua tara pal matou tere Sunahan te tagala koruna, ba lia te osa guma romana turu köasi na i kolö.”

U Bulungana u Niga tere Iesu Kristo te kolotein e Luk 1:2

Nori i torohanan hopöön u raranga ti hengo naiara turu katuun ti tahis tutuun gono mei e Iesu Kristo me tareier a manka te katoeien te hahatei nena u hihatuts i tanen.

U Bulungana u Niga tere Iesu Kristo te kolotein e Luk 9:43

Ba u katuun e asingoto hoboto koru ner a nitagala pan tere Sunahan. U katuun i hakats hapara noan a mamanaka te kati e Iesu.

U Bulungana u Niga tere Iesu Kristo te kolotein e Jon 1:14

U Ranga e butun katunuma memi kana i gusurara. Nonei a tsonun hihitaguhu na tsonuna tara nimana. Alam u tara hakapi a nitsunono i tanen, a mar nitsunono te kamena a töa koru a Pien Tson tere Sunahan, e Tamanen i Kolö.

U Bulungana u Niga tere Iesu Kristo te kolotein e Jon 17:2

Alö u halei lia a nitsunono tego tara kap mei lia u katuun hoboto, ba lia te antunan hala ragi u katuun tu hala ramei lö alia a nitöatöa te ka nitöana.

U pas te koloto menai e Pol turu kristenira i Rom 1:4

Na e Sunahan e hatei hasiin e Iesu nonei a Pien a Göagono i tanen ti hatakei pouts menaien tara tou mate tara nitagala pan i tanen.

1 Korin 1:17

E Kristo ema hala sile mei lia tegomi baptais merai lia u katuun. E möa. Nonei e hala sile mei lia tegomi hahatei menai lia u Bulungana u Niga. Kaba ema mar niatei uanei temar atei uana a katuun, taraha a kuruse tere Kristo e namots lubanari a nitagala i tanen.

1 Korin 1:23

Kaba lam e hihatuts nem te mate uu e Kristo tara kuruse. U Jiu ema hanigeri u hihatuts teka, na u katuun tema Jiu ri e poeier, e tutuna.

1 Korin 1:7

Na limiou ema makmakum nami ta töa ta ka ta niga tere Sunahan te hahaloso mena milimiou a pöata te butu lel nama romana a Tsunono i tarara e Iesu Kristo.

1 Korin 2:1

Tara pöata tu lama lia i tamilimiou, a matsi hahatoulana, alia uma la memei u raranga u mola tsi u mar raranga tara katuun a atei temi habulungana naia lia u raranga tere Sunahan. E möa.

1 Korin 2:4

A man raranga na man hihatuts i tar ema tagala ii tego tuke menaien a katuun. E möa. U raranga i tar e harötein a nitagala turu Namnamei tere Sunahan.

1 Korin 5:4

Alimiou go hagum hobotoiam tara solona e Iesu a Tsunono i tarara, ba namnameir tena ka gono mera noulimiou na nitagala has tere Iesu a Tsunono i tarara.

2 Korin 2:17

Taraha, alam ema here rami a palair u katuun te kato here nari u raranga tere Sunahan a toukuin moni i taren bate hahol sile rien tegi lu menaien ta moni. E möa. Tara solona e Kristo alam e ranga hamana mia i matana e Sunahan, taraha, nonei te hala raiou lam ba lam te habulungana hamatskö nem u raranga te hala namen.

2 Korin 4:2

Alam e rama nem a markato a omi te hamouseier, na markato a gamo, na lam ema hapone mi, nema luba nami ta pala turu raranga tere Sunahan. E möa. Alam e ranga nem u ranga hamatskö na u raranga hamana tere Sunahan i matar u katuun hoboto ba nori te tatei oneier a markato i tamulam i matana e Sunahan.

Epesis 4:14

Ba i murimuri bara tema here lele roi a galapien. Taraha, a galapien e hamana ria tara man hihatuts turu katuun u gamogamo hoboto te butu rima, u katuun te gamo raren ba nori te katoeier a man markato a man omi. Esi te hengo ranen bate hula hakatsina e here nei a ka te hula hapouseina i tasi, tsi a ka te söatena a lomolomo bate hula tapana. Kaba ara gima markato uai tara katuun teka.

Pilipai 3:21

Nonei e hapalisena romana u tuenrei i tarara bate kato here naneien u tuenrei i tanen te niga nitöana. Nonei e katoenou a ka teka tara nitagala noahas temar tsunono pan mena neien a mamanaka.

1 Tesalonaika 2:19

Alam u ngilin na tara raiou limiou, taraha a nihamana i tamilimiou tere Iesu e kato hasasaala raiou lam. Pöata te la pouts nama romana e Iesu a Tsunono, alam e haröto ramoua limiou i tanen. A ka teka e here noi a hihol i tamulam. Nonei a ka teka te roron kato sile mulam.

2 Tesalonaika 2:9

Kaba i mam, a katuun a omi teka e la gono menama romana a nitagala tere Satan, batemi katoe nou u mamana u mar mirakol na u hiharöts u gamogamo.

1 Timoti 1:4

Na nori e gima tatei ngil koruei u hahatate pinopino na e gima hakoloto has nai a solo a para turu tuburen. Taraha, a manka teka e habutena a hiaraharaha. Na ema haröto nanei te markato uana e Sunahan, a man toukui i tanen e takui na turu nihamana.

1 Timoti 4:7

Kaba, alö go hapolasa bani a man hahatate pinopinona i manasa, tema hanigenei e Sunahan. Alö go hahangeia a peisamölö a markato a niga tere Sunahan.

Taitus 1:14

Nori egima hengoei a man raranga a man gamo turu Jiu, na egima hengo hase ii a man raranga turu katuun ti tori tsuga hakapein u raranga u mana.

2 Pita 2:3

Tara markato te gono be menarien a peisaren a mamanaka, nori e hatei has rari limiou romana a man ranga pinopino bate luer a moni. E Sunahan e solon hopö kapiin a nihahuna i taren, na nori e taia hamana riou.

1 Jon 4:14

Na ra i tara hakapa, e Tamarara e hala sile mei a Pien Tson i tanen tegomi haka haniga meraien u katunura i puta. Alam e hatei hamana koru namen.

U pas te kolotein e Jut 1:14

E Inok a hatohitina a katuun tara hun katuun tere Adam. E Inok e katoi u rangan propet me hatei mam nena u mar katuun u omi teka me poeiena, “Hengo iam. A Tsunono e la menama romana a parpara koru a angelo a göagono i tanen tegomi ona merien u katuun hoboto. Nonei emi kout rena romana u katuun hoboto te sigaler e Sunahan bate haröto nena te omi uaren, taraha nori e omier e Sunahan bate roron kato homir bate ranga hohomi naren.”

Revelesin 1:7

Taraiam! Nonei e la gono me nama u köasi. U katuun hoboto e tare rouen, na u katuun has ti sakeien u saka. A man hun katuun hobotora i puta e hakats narouen bate tonur. Aa, u mana.