2 Pita 1:13 - U Bulunagana U Niga

¹³ Alia e poeiegu e nigana tego hatakei kapin töa menai lia u hakhakats i tamilimiou tara manka teka tara pöata te töatöa noa gia lia.

2 Pita 1:13 ပူးပေါင်းရင်းမြစ်များ

2 Korin 5:8

Aa, alam e ongolo korum ne niga bala nena alam go haka ban u tuenrei i tamulam batena ka gono mem a Tsunono tara han i tanen.

Pilipai 1:7

E niga nitöana temar hakats mera gilia limiou teka, taraha a torir e roron hakats sil nitöa ranoulimiou. E Sunahan e kalala hoboto raioura tara pöata tuma ka noaia lia tara karabus, bate kato hatagala noahasegu u Bulungana u Niga. Na e Sunahan e kalala noahas ranou ra i romana te ka gia lia tara karabus.

Pilipai 3:10

Alia e ngilin atei haniga sil korueiegu e Kristo. Na lia e ngilin atei sil hasegu a nitagala te hatakei ien tara tou mate. Alia e ngilin sagohegu a kamits te sagoheien, ba lia tena here noahase goien tara pöatan mate i tanen.

2 Timoti 1:6

Tara manka teka ba lia te hatei lele goulö, go hatakei poutsi a ka a niga te hale ii lö e Sunahan tara pöata tu hatakopeia lia a limar i tamölö.

Hibru 13:3

Ma solopala rami u katuun te ka ria tara karabus. Hakats here rami alimiou e ka gono mera men tara karabus. Hakats sil has raiam u katuun te kato hakamits raier, kato here has rami u katuun e kato hakamits has rariou limiou.

2 Pita 1:12

Nonei te ngilin ranga hatei kapin töa mera gilia limiou ba u hakats i tamilimiou te hakats kap nitöanena a manka teka, noahasina ti atei sil hakapa memien limiou bate tuol hakarapoto mia turu raranga u mana tu lueiam limiou.

2 Pita 1:14

E Iesu Kristo a Tsunono i tarara e hatei hakapei lia a pöatan mate i tar e sukusuku hakapa.

2 Pita 3:1

A man hahikapien i tar, alia e koloto menagi u hahuoluna u pas teka i tamilimiou. Turu huol hoboto u pas teka alia e torohanan hatakeiegu u hakhakats u niga i tamilimiou bate hatei lel ragi limiou a manka ti atei sil hakapa haseiam limiou.