2 Pita 1:1 - U Bulunagana U Niga

¹ Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

2 Pita 1:1 ပူးပေါင်းရင်းမြစ်များ

Matiu 10:2

Nonei teka a man solo tara maloto na huol a aposol tere Iesu: E Saimon ti ngö hasei e Pita. Ne Endru e toulana e Saimon. Ne Jemis a pien tson tere Sebedi. Ne Jon e toulana e Jemis.

Matiu 4:18

Pöata te tataalaia e Iesu i kotolana tara Ramun a Perperere i Galili, ba nonei e tareiena e Saimon ti ngö hase ii e Pita na e toulanen e Endru, bate hagala ria i ramun, taraha nori u katunun hagala. Nori i holei a kannou i taren a iena.

U Bulungana u Niga tere Iesu Kristo te kolotein e Luk 11:49

E Sunahan, te ka mena u hakhakats u niga, e pei, ‘Alia e hala ragou u propet na u katunun raranga i taren. Ba nori te kato homi rer romana a palai i taren, bate atung hamate raier a palai.’

U Bulungana u Niga tere Iesu Kristo te kolotein e Jon 1:42

Ba nonei na piou nena e Saimon tere Iesu. Be Iesu e tare nen me poeiena, “Alö e Saimon, a pien tson tere Jon. Alö e ngöe roi e Sipas” (te poe hasena, “e Pita,” na te poe hasena, “a Hatu”).

U Bulungana u Niga tere Iesu Kristo te kolotein e Jon 12:26

A katuun te ngilin kato nena a toukui i tar ega kukutie iou lia. Na katuun te katoena a toukui i tar ena ka noua tena ka has goua lia, e Tamar te kato hapane nouen.”

U Bulungana u Niga tere Iesu Kristo te kolotein e Jon 20:21

Be Iesu e ranga lelna i tamulam me poeiena, “A masalohana e tatei ka gono mera noulimiou. E Tamar e tula mena mei lia i puta na lia te tula has ragou limiou.”

Aposol 15:14

E Saimon e ranga hakapa mera lo limiou me hatei nena temar la tutuun uama e Sunahan turu katuun tema Jiu ri, memi hopö kap bera neien a peisanen i gusura u katuun.

U pas te koloto menai e Pol turu kristenira i Rom 1:1

Alia e Pol, a katunun kui tere Iesu Kristo, i ngö sile ii tegomi aposol uu lia na tegomi rarare menai lia U Bulungana u Niga tere Sunahan.

U pas te koloto menai e Pol turu kristenira i Rom 1:12

U raranga i tar e mar mouna uana teka: alia e ngilegu aragi taguhu mei a tai u nihamana te kamerara.

U pas te koloto menai e Pol turu kristenira i Rom 1:17

Taraha, u Bulungana u Niga e haröto nena te markato hamatskö mera nei e Sunahan u katuun i matanen tara pöata te hamana uaren i tanen, ba nonei te kato hamatskö ranen. Ba ka teka te taguhu ranen ba nori te hamana haniga koru lel ria i tanen. Ti mar koloto has menaien turu Buku u Göagono, “A katuun te matsköna i matana e Sunahan bate hamanana, a katuun teka te töatöa nitöa nou.”

1 Korin 1:30

Tere Sunahan lahas bara te ka ria tere Iesu Kristo, na nonei e habutu sileien tego hala meraien ra a niatei. E Kristo nonei te sakahis raioura bara te katuun uara tere Sunahan. Nonei lasi a maroro a matskö na nonei te kato hagöagono raioura bara te katuun uara tere Sunahan.

1 Korin 15:9

Alia e ka puta koru gia turu aposol hoboton töa. Ema antunanei tegi ngö menai lia a aposol, taraha alia u kato homir u katuun tere Sunahan.

1 Korin 9:1

Alia a aposol, alia u tara hakapi e Iesu a Tsunono i tarara, na nonei e purese ba hakapein a kits kap i tar tara markato a omi. Alia u taguhu raiou limiou bate hamana uamiou tara Tsunono. Alimiou a kannou tara nikukui i tar.

2 Korin 4:13

Kaba te kamemia lam u mar namnamei na turu nihamana ti koloto has naia turu Buku u Göagono, “Alia e hamanagu e Sunahan, nonei te ranga sila gia lia.” Alam e hamana hasem, nonei te ranga sila has mia lam.

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

Galesia 2:8

E Sunahan e hale ii e Pita a nitagala tego la menaien u raranga tere Sunahan turu Jiu. Na te kato has uaien i tar e Sunahan e hala hase ii lia a nitagala tego la menai lia u raranga i tanen turu katuun te halhal ria turu Jiu.

Epesis 3:5

I manasa a ka teka ima hatei rai u katuun, kaba i romana u Namnamei tere Sunahan e haröto naien turu aposol na turu propet u niga i tanen.

Epesis 4:11

Na nonei e hala nema a man nitagala teka turu katuun: a palai i hala ramei a nitagalana tara aposol, na palai a nitagalana tara propet, na palai a nitagalana tara tson hahabulungana, na palai a nitagalana tara tsonun halotu na tson hihatuts.

Epesis 4:5

E ka mena a töa Tsunono na u töa u nihamana na töa a baptais na töa Sunahan, nonei e Tamarara hoboto. Nonei e ka seina i tarara hoboto na nonei e kui silana i tarara hoboto na nonei e kana iaharara hoboto.

Pilipai 1:1

Alam ere Pol mere Timoti u katunun kui tere Iesu Kristo, alam e hala menami u pas teka i tamilimiou hoboto u katuun tere Iesu Kristo te ka mia tara taun i Pilipai, alimiou na u katunun halotu na u katunun hitaguhu turu lotu.

Pilipai 1:29

E Sunahan e hanigeiena, alimiou go solosei sila namia e Kristo te hamana uami limiou i tanen na te lu mena moi limiou u kamits i tanen.

Pilipai 3:9

Alia e ngilegu a peisar ega ka nitöa uu tere Kristo tara mamana nikaka tar i puta. Alia ema tatei pei lenegi alia a katuun a matskö te kukute mena gilia a Lo turu Jiu. E möa. Alia e tatei poeiegu e Sunahan te kato hamatsköe ialia i matanen, taraha alia e hamana uagu tere Kristo.

2 Timoti 1:5

Alia e hakats pouts negu u nihamana i tamölö u tagala koru te ka noa mam ma tere tubumölö a tahol e Lois, be la lel nama tere tsinamölö e Eunis na lia e hamanegu e ka has na i tamölö.

Taitus 1:1

Alia e Pol, a katunun kui tere Sunahan na aposol has tere Iesu Kristo. Alia i hala silemei tegomi hatagala menai u nihamana turu katuun te hopö kapir e Sunahan. Na tego taguhu meraien lia ba nori te atei siler u hihatuts u mana, bate tatei tus mera neien tara markato te hanigeiena e Sunahan.

Taitus 1:4

O Taitus, alö a pien tson i tar, te hamana hoboto uarara tere Sunahan. E Sunahan e Tamarara na e Iesu Kristo te taguhu raioura e tatei taatagi nariou lö na e tatei hala hase rilö a masalohana.

Taitus 2:13

Tara pöata te hahalose riara a nisasaala te hamana sile rara, nonei a pöata te butu noua u hiharöto pan tere Sunahan a kapan i tarara, nonei e Iesu Kristo temi lu pouts ranou ra.

Jemis 1:1

Alia e Jemis, a katunun kukui puku tere Sunahan na tere Iesu Kristo a Tsunono. Alia e koloto menagi u pas teka i tamilimiou u Jiu te ka mia tara man taina man han, bate hala negu u hanhaniga i tamilimiou.

1 Pita 1:1

Alia e Pita, a aposol tere Iesu Kristo, e hala menagi u pas teka turu katuun tere Sunahan te sata la ria tara man han i Pontus na i Galesia na i Kapadosia na i Eisia na i Bitenia.

1 Pita 1:7

A man torohana teka, e torohana tuneri u nihamana i tamilimiou, bate haröto nena a nimana i tanen. A goul has e tatei omina, kaba nori e nas haramune ren turu tula bate sakeier tega goul hamana uaien. Na e kato has uana iesana, u nihamana i tamilimiou e niga bala nena a goul, kaba e Sunahan ega torohaleien ba limiou te hamana hatagala koru lel miou. Ba pöata te butu nama romana e Iesu Kristo, be Sunahan te haniga ranou limiou bate solosei ranou limiou bate hapan ranou limiou.

1 Pita 2:7

A hatu teka e haharuei nena e Iesu. Nonei e taguhu koru ranou limiou u katuun te hamana miou. Kaba turu katuun tema hamanari, u ranga e markato uana teka, “A hatu ti hapiraka ban u katunun kukui luma, nonei a hatu te niga balana tara toukuina tara luma.”

1 Pita 5:1

Alia e ka hamanasa megu u raranga i tamilimiou a pal kapan te tara kap ner u lotu. Na lia has a katuun pan turu lotu i tarara. Alia u tara hakapi temar kamits uu e Kristo, na lia e lu gono has megoen romana a nikapan tara pöata te butu namen romana. Alia e ranga hataatagi mera goulimiou, alimiou go taratara kap haniga raiam u katuun te hala railimiou e Sunahan. Nori e hereri u sipsip na limiou u katunun taratarakap i taren. Alimiou goma kato memi a toukui teka te hakui tuun mera nei limiou e Sunahan. E möa. Alimiou go ka meiam u ngilngil i peisa milimiou bate katoe men. Alimiou goma kato sile mien tego lu mena milimiou ta moni. E möa. Alimiou go kame iam u ngil u tagala tara toukui teka.

2 Pita 1:4

Tara markato teka nonei e hala mam raira a man raranga a man mana na man kapan i tanen te niga koruna. Na u raranga u mana teka e taguhu ranou ra bara te tatei ka has mera u mar hakats tere Sunahan, bate ka haniga ba nera a man markato a man omina i puta te butu nama turu ngilngil u omi.

U pas te kolotein e Jut 1:1

Alia e Jut, a katunun kui tere Iesu Kristo, e toular e Jemis. Alia e koloto menagi u pas teka i tamilimiou, u katuun te ngöri e Sunahan. E Sunahan e Tamarara e ngil koru ranou limiou, na e Iesu Kristo te taratara kap ranou limiou.