2 Korin 8:7 - U Bulunagana U Niga

⁷ Kaba te kato haniga mia limiou tara mamanaka, turu nihamana na tara niatei, na temar takei uami limiou temar ngil mena mi lam alimiou, alam e ngilem alimiou go markato haniga has uaiam teka tara toukui te hala naria a monin hitaguhu.

2 Korin 8:7 ပူးပေါင်းရင်းမြစ်များ

Matiu 25:22

“Ba tana tson pepeito kap ti halei a huol a talen moni e la nama memi poeiena, ‘O tsunono, alö u halei lia a huol a talen moni i tamölö. Tara! Alia i kui habutu leli a tana huol a talen moni len.’

U pas te koloto menai e Pol turu kristenira i Rom 15:14

A matsi hahatoulana, alia e hamanegu alimiou u katuun u niga koru ba limiou te ka memiou a niatei te antunan hatuts pouts memi limiou a peisamiou.

1 Korin 1:5

tara mar maroro te habulungana mena milimiou u raranga tere Sunahan, na temar atei sil menari a niatei tere Sunahan na man raranga i tanen.

1 Korin 12:13

Na u töa u Namnamei ti habaptais iara hakapan töa me katoeiera u töa u tuenrei. U Jiu, na u Grik, na u katunun kukui puku, na u katuun tema kukui puku has ri. Ara hoboto i haua raia turu töa u Namnamei tere Sunahan.

1 Korin 12:8

A töa e haleri a nitagala tego ranga meien u hakats u niga, na tabi e haleri a nitagala tego habulungana menaien a niatei a niga.

1 Korin 13:2

Na te ka megia lia a nitagala turu propet, na nitagala tego atei sil menai lia a mamanaka te mousuna na mamana niatei, na te ka megia lia u nihamana te tatei hasula megi lia a man pokus bate moana tu ngil tara tana katuun, alia a katuun papala tuun.

1 Korin 13:8

A markato te hiangilngil uaier ema antunan kapa nei. Kaba u rangan propet ena kapa nou, na te ranga menari u mamana u mar ranga ena kapa nou, na te ranga menari a niatei ena kapa has nou romana.

1 Korin 14:12

Alimiou e ngil koruemiou tego lu mena milimiou a man nitagala turu Namnamei u Göagono. Na limiou go torohana hatagala sileiam a man nitagala te taguhu rena u katuun tere Sunahan.

1 Korin 4:7

Esi te haka sil rai limiou go pan naiam a tabi? E Sunahan te hala railimiou a manka hoboto te ka memi limiou. Na limiou goma ranga seseimi bate peimiou, tara nitagala i tamulam peisa ba lam te ka mem a manka te ka memu lam. E möa.

2 Korin 7:7

Na e Taitus e kato hasasaala has raiou lam te habulungana menaien tu markato hasasaala has mena mien limiou. Nonei e pei alimiou i ngilin tara korue moulia bate taatagi korumiou bate tagala sil hase moulia. Ba pöata tu hengo naia lia a ka teka ba lia e sasaala korugu.

2 Korin 8:6

Ba lam e ranga hatagala mia tere Taitus tego kato noa menaien a toukui te hatanieien, te hala menari a monin hitaguhu.

2 Korin 9:14

Ba nori te singo sil rariou limiou bate ngil koru has rariou limiou, taraha e Sunahan e haröto sila nena a nihitaguhu i tanen i tamilimiou.

2 Korin 9:8

Be Sunahan te tatei hala ranei limiou a mamanaka a niga, ba limiou tema makmakum ba namoi ta ka. Ba limiou te ka memou a mamanaka te antunan kate moa limiou a mamana toukui a niga.

Epesis 4:29

Alimiou goma ranga nami u ranga u omi. Kaba limiou go katoeiam u raranga u niga tega taguhi a katuun te ranga gono memi limiou, bate kato hasasaale nen.

Pilipai 1:11

Ba limiou te saputu memiou romana a man markato a man niga te habuteiena e Iesu Kristo, bate töan hapanemiou e Sunahan bate soloseie men.

Pilipai 1:9

Na lia e singo silegu a markatona turu hiangilngil i tamilimiou ega la haniga nitöa lasi, ba niatei i tamilimiou te tatei pan susuluna, ba limiou te tatei atei silemiou a ka te nigana na a ka tema niga nei.

2 Tesalonaika 1:3

A matsi hahatoulana, alam e haniga nitöa bera mou limiou tere Sunahan, temar niga uanen. Taraha, a nihamana i tamilimiou e butu haniga susul nama na u hiangilngil i tamilimiou hoboto e butu susul haniga hasina.

2 Timoti 2:1

O Timoti alö te heremi a pien i tar, lueia a nitagala tara nihitaguhu te kana tere Iesu Kristo.

Hibru 12:28

Na ragi haniga uu tere Sunahan te ka uaria ra tara nipepeito i tanen tema antunan gas nari. Aragi hatsunoneien na ragi singo uu i tanen, bate hapane ren na aragi matout haseien.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita

Revelesin 3:17

Taraha, alimiou e pei miou, ‘Alam u katunun moni. Alam e ka mem a moni e gono batema ngil lenemi ta taina ta ka.’ Kaba alimiou ema atei silemi alimiou e heremi u katuun te möa korur ta ka. Na limiou e here hasemi a katuun te matakiouna na te belosona. Alimiou u haromana koru lasi.