2 Korin 8:2 - U Bulunagana U Niga

² Tara pöata ti kameien u nikamits na u tori tiama u para, nori i sasaala noa has. Nori ima ka mei ta ka, kaba nori i maniata noa hasiin tegi hala menaien ta monin hitaguhu.

2 Korin 8:2 ပူးပေါင်းရင်းမြစ်များ

Matiu 20:15

Alia e tatein markato menagi a moni i tar temar ngil uagu lia. Te tangana nagia lia a manka i tar, alö goma tatei hiomi ii.’”

U pas te koloto menai e Pol turu kristenira i Rom 12:8

Te ka memia lö a nitagala tego hatagala menai lö a nihamana tara palai, balö te kato hasemen. Te hitaguhu mia lö tara moni, alö a tatangana. Te tara kap ramia lö a palai, ba lö te hipakoko hanigam batema karousmi. Te taatagi sile mia lö a palai, balö te taguhu ramen bate sasaalam.

U pas te koloto menai e Pol turu kristenira i Rom 2:4

E Sunahan e roron tuatami koruna turu katuun, na ema roron raharaha boroboro nei na ema roron hahuna boroboro has ranei u katuun, taraha nonei e ngilena alimiou go habirits ba naiam a man markato a man omi i torimilimiou. Na limiou goma sigalemi a markato tere Sunahan na egoma hakats papala namien.

2 Korin 1:12

U mana nitöa, alam e tatei sasaalam bate ranga mem u hakats u gogoso nitöa ti marka uu lam tara niniganiga te hala railam e Sunahan, ba lam te kato hamatsköm bate kato haniga mia tara han i puta teka na i mata milimiou has. Alam uma kato mei a manka teka a niatei i tamulam, kaba tara niatei tere Sunahan.

2 Korin 2:9

Tara mar niatei teka ba lia te koloto uagu i tamilimiou, bate taregu tego hehengo uaiam limiou, tsi e möa.

2 Korin 6:10

U katuun e kato here rari lam u katuun te taatagir, kaba lam e sasaala noa hasim. Alam u katuun tu möa ta moni, kaba lam e hala noa has nem a manka man niga tere Sunahan turu katuun u para. Alam u möa koru ta ka ni puta, kaba lam e ka noa has mem a mamanaka a niga tere Sunahan.

2 Korin 9:11

Aa, e Sunahan e hala ranei limiou a mamanaka ba limiou te antunan hala hapara has ramou a palair u katuun. Ba tara toukui te katoemulam, te hala mena milam a monin hitaguhu te hala na milimiou ba u katuun te haniga uariou tere Sunahan.

2 Korin 9:13

Aa, nori e haniga uariou tere Sunahan, taraha alimiou e tangana ramen na palai has. A markato has teka te haröto nanou alimiou e kukute hanige miou u Bulungana tere Kristo te hamane milimiou ba nori te soloseie riou e Sunahan.

1 Tesalonaika 1:6

Alimiou u kukuteiam a markato i tamulam na Tsunono has. Taraha, alimiou u hengo hanigeiam u raranga i tamulam. U katuun i omi raiou limiou tu hamana uaiam limiou, kaba u Namnamei u Göagono e kato hasasaala noahas raiou limiou.

1 Tesalonaika 2:14

A ka te butuia i tamilimiou e butu hasia turu Jiu te hamana uaier tere Kristo. U Jiu i kato homir u katuun i Judia te hamana uar tere Iesu Kristo, na u katuun pouts has i tamilimiou e kato has uar iesana i tamilimiou.

Jemis 2:5

Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.

Revelesin 2:9

Alia e atei silegu a torimilimiou e tiamana, na limiou ema ka bala memi ta ka. Kaba limiou e ka noa has memiou a mamanaka. Alia e atei sil hasegu a palair u katuun e tuts sil rariou limiou. Ba nori te poeier nori u Jiu, kaba e möa. Nori u katuun tere Satan!