2 Korin 8:18 - U Bulunagana U Niga

¹⁸ Na lam e hala gono has memien u hahatoulana i tarara te tara marei hoboteier a hun katuun tere Kristo tara toukui te katoe nen te habulungana haniga mena neien u Bulungana u Niga.

2 Korin 8:18 ပူးပေါင်းရင်းမြစ်များ

U pas te koloto menai e Pol turu kristenira i Rom 16:4

A tsitabubu koru ba nori te atung hamate sil rari ti taguhu menaien lia. Alia e haniga koru uagu i taren, na pala hoboto tema Jiu ri e haniga has uaier i taren.

1 Korin 16:3

Ba tara pöata tena tuku gia romana lia, ba lia te hala regu u katuun tena haniga ramou limiou ba nori te söater a monin hitaguhu teka, a man pas tena haröto nena nori u katunura i tarara, bate lauaier i Jerusalem.

1 Korin 4:17

Na lia e hala menagi e Timoti i tamilimiou, a pien tson a tsomi koru i tar te ngil korue gulia na te hamana gono menou lia tara Tsunono bate tara kap haniga nena a toukui tara Tsunono. Nonei ena hatei lel ranoui limiou a markato i tar te kukute mena gilia e Kristo, te hatuts has nagia lia turu katuun hoboto tere Kristo tara mamana han.

1 Korin 7:17

Alimiou a man tötöa ego marka uaiam temar ngil mena milimiou a Tsunono, na temar ngö mena milimiou e Sunahan. Nonei teka temar hatuts mera gilia u katuun hoboto tere Sunahan.

2 Korin 12:18

Pöata tu hala ne la lia e Taitus na palair u hahatoulana, nori i a angoso has raiou limiou? E möa. Taraha alia na e Taitus, alam e tataala mem u töa puku u Namnamei na markato i tamulam e hihinatuena.

2 Korin 2:12

Pöata tu tukuia lia tara taun i Troas tego hahatei menai u Bulungana u Niga tere Kristo, a Tsunono e kalata bei lia a tamana na tara mamana toukui i tanen.

2 Korin 8:19

Na nonei i hala lel hase ii a toukui tega peigi meraien lam, te lu la mena milam a monin hitaguhu teka bate soloseie nou a Tsunono. Na e haröto has nanou ara e ngilin hiatagtaguhura.