2 Korin 7:8 - U Bulunagana U Niga

⁸ Alia e atei silegu u pas i tar e kato hataatagi raiou limiou. Alia ema hakats nagi a ka teka, noahasina te kato hataatagi meraien limiou. Alia u taatagi mam mei tu kato hataatagi merai limiou tara tsitabubun pöata.

2 Korin 7:8 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 16:6

Kaba limiou e taatagi namou u raranga te hatei ragu lei lia limiou.

U Bulungana u Niga tere Iesu Kristo te kolotein e Jon 21:17

Ba e Iesu e rangata hatopiseiena e Pita me poeiena, “O Saimon, a pien tere Jon, alö e ngil hase moulia?” Ba torina e Pita e tiama koru tala mei te rangata hatopisa uu e Iesu me poeiena, “Alö e ngile moulia?” Ba nonei e poeiena tere Iesu, “O Tsunono, alö e atei silem a mamanaka hoboto, na lö e atei sil hasem alia e ngil korue goulö.” Be Iesu e poeiena i tanen, “Hanouri u sipsip i tar.

2 Korin 7:11

Tara, a nitaatagi te halani e Sunahan e kato haniga raiou limiou: alimiou e hakats hatagala tala namiou a markato i tamilimiou. Alimiou e tagala koru silemiou tego haröto mena milimiou a markato a niga. Alimiou e raharaha memiou a markato a omi bate matoutmiou. Alimiou e sagoho koruemiou a manka teka bate tagala silemiou a markato a niga. Na limiou e ngilin hahuna koruemiou a katuun te kato homina.

2 Korin 7:12

Alia u ma koloto sile ii u pas teka a katuun te kato homina, tsi a katuun ti kato homii. E möa. Alia u koloto silema tego haröto merai limiou i matana e Sunahan, te ngil koru mera milimiou alam.

2 Korin 7:6

Kaba e Sunahan e roron kato hasasaala rena u katuun te kamer a nitaatagi, na nonei e kato hasasaala has raiou lam tara pöata te tukuia e Taitus.

2 Korin 7:7

Na e Taitus e kato hasasaala has raiou lam te habulungana menaien tu markato hasasaala has mena mien limiou. Nonei e pei alimiou i ngilin tara korue moulia bate taatagi korumiou bate tagala sil hase moulia. Ba pöata tu hengo naia lia a ka teka ba lia e sasaala korugu.

2 Korin 7:9

I romana alia ema sasaala megi ti kato hataatagi merai limiou, kaba tu sagoho kamits uaiam limiou bate hapalis ba namiou a markato a omi. E Sunahan noahas te kato hataatagi raiou limiou ba limiou ema sagohe mi a man raranga tu hala ni lam.

Revelesin 3:19

Te kato homi roua u katuun te ngil regu lia, alia e hapiou ragouen bate hamatskö ragouen. Alimiou go ngil hatagale iam a Tsunono bate tori tsuga namiou a markato a omi.