2 Korin 7:4 - U Bulunagana U Niga

⁴ Alia e saala koru ragou limiou bate sasaala has meragou limiou. A mamana nomi e butuna i tamulam, kaba lia e ongolo koru noa hasigu. A nisasaala i tar e möa ta nönöa nen.

2 Korin 7:4 ပူးပေါင်းရင်းမြစ်များ

Aposol 5:41

Bu aposol e laba ner u Kout, me sasaala koru siler te haniga meraien e Sunahan tegi kamits sil menaien a solona e Iesu.

U pas te koloto menai e Pol turu kristenira i Rom 5:3

Na ra e tatei sasaala has mera a manka man omi te butuna i tarara. Taraha, e hatagala ranoura na e hatuts has ranei ra tegi hahaloso menaira a pöata a niga.

1 Korin 1:4

Alia e roron haniga nitöa bera goulimiou tere Sunahan, turu mamana u hitaguhu te hala raien limiou te hamana ua milimiou tere Iesu Kristo,

2 Korin 1:14

Tema lu hanige moien limiou tara pöata teka, ba tara pöata tena kopis pouts nama romana e Iesu a Tsunono, alimiou na sasaala mera moulam temar sasaala has mera moi lam alimiou.

2 Korin 1:4

Nonei te hasokolei ranou ra tara mamana nomi te butuna i tarara bara tena tatei hasokolei has raiera u katuun te kamer a nomi. Alam e tatei mar hasokolei has mera mien temar hasokolei has mera neira e Sunahan.

2 Korin 10:8

E manana, toum alia e ranga sesei hapara negu a nitsunono te hala railam e Sunahan, kaba a nitsunono te hala railam e Sunahan ema pita pute neilö kaba nonei e söataseie noulö, na lia ema antunan matsingolo negoi tego ranga sesei uu lia i tamilimiou.

2 Korin 11:21

Alia e ranga here noa hasegi a katuun a tutu. Tema matoutun ranga sesei narien ta ka, alia e ranga heregi a katuun a tutu, ema matoutun ranga sesei has goi.

2 Korin 2:14

Aragi haniga uu tere Sunahan. Nonei te mammam here raneira u soldia ti tagala saluheia tara hiatatung, taraha ara e pala uaier tere Kristo. E Sunahan e taguhu ranoura, bara te polaser u Bulungana u Niga tere Kristo turu katuun hoboto, bate here nei u soka u masi nitöa te hatei nena te atei sil menarienra tara mamana makum.

2 Korin 3:12

Te ka tala memialam u mar nihamana teka alam ema matout tala mi.

2 Korin 7:14

Alia u saala raiou limiou tere Taitus ba limiou e kato hamanemiou u raranga i tar. A mamanaka ti ranga hamana naia lam i tamilimiou e butu hamana. Na ti saala menai lam alimiou tere Taitus e butu hamana has.

2 Korin 8:24

Ba limiou te haröto tala namiou te ngil mera mien limiou bate hengoemiou u singo i tamulam. Ba man hun katuun hoboto tere Kristo te atei sileriou alam uma saala pinopino rai limiou.

Pilipai 1:14

U katuun u para koru te pala uar tere Kristo e hamana hatagala koru tala uaier tara Tsunono, taraha alia e ka gia tara karabus. Na nori ema ka meri ta nimatout te hatei menarien u raranga tere Sunahan.

Pilipai 1:20

A torir e ngil hatagala koruena na e hamana koru hasena alia ema katoe goi ta ka tego kato hamatsingole ioulia. Na tara mamana pöata alia ema ngilin matout gi. Na lia e ngilegu a peisar hoboto ega hapani e Kristo, te töatöa noa gialia tsi tena mate goalia.

Pilipai 1:26

Ba pöata tena ka gono lel mera goua lia alimiou, ba limiou te sasaala memou lia bate soloseie miou e Iesu Kristo.

Pilipai 2:17

Alia toum e mate gou bate here goi u haats te la uana tere Sunahan, taraha alia u taguhu raiou limiou tego hamana uaiam limiou. Te mate hamana goua lia, alia e sasaala noahas gou.

Kolosi 1:24

Alia e sasaala megu te sagoho mena gilia a kamits te taguhu mera gilia alimiou. Tara kamits i tar alia e ngilin kato hantue negu a kamits tere Kristo te sagoheien tego taguhu meraien u katuun i tanen, te hereri u tuenrei i tanen.

1 Tesalonaika 2:19

Alam u ngilin na tara raiou limiou, taraha a nihamana i tamilimiou tere Iesu e kato hasasaala raiou lam. Pöata te la pouts nama romana e Iesu a Tsunono, alam e haröto ramoua limiou i tanen. A ka teka e here noi a hihol i tamulam. Nonei a ka teka te roron kato sile mulam.

1 Tesalonaika 2:2

Alimiou e atei miou, nori i kato homi raia lam tara taun i Pilipai. Kaba e Sunahan e kato ha ongolo raioulam ba lam e la noahas uaiem i tamilimiou mena hatei rami limiou u Bulungana u Niga tere Sunahan, noahasina ti hapiou u katuun u parpara.

2 Tesalonaika 1:4

Nonei te ranga sesei bera milam alimiou turu hagum turu katuun tere Sunahan. Alam e hahatei nem u katuun e kato homi sila raria limiou te hamana uamia limiou tere Iesu bate hamana hatagalamiou, noahasina te omi merari limiou u katuun.

Pilimon 1:7

A tsi toular, a torir e sasaala koru me masa mena tu hengo menai lia te ngil koru merami lö u katuun tere Sunahan bate haniga ramen.

Jemis 1:2

A matsi hahatoulana i tar, pöata te butuna a manka man omi i tamilimiou, sasaalaiam.