2 Korin 7:13 - U Bulunagana U Niga

¹³ Nonei a ka teka te kato hasasaala raiou lam. Aa, na e Taitus e kato hasasaala has lel merai lam a nisasaala i tanen, taraha alimiou hoboto u kato hasasaala mam me men.

2 Korin 7:13 ပူးပေါင်းရင်းမြစ်များ

U pas te koloto menai e Pol turu kristenira i Rom 12:15

Sasaala gono me raiam a pala te sasaalar, bate tabe gono has meramiou a pala te taber.

U pas te koloto menai e Pol turu kristenira i Rom 15:32

Te haniga noa e Sunahan, balia tena butu megoua a nisasaala pan i tamilimiou, ba ra te sasaala hobotora.

1 Korin 12:26

Te kamits na a töa makum turu tuenrei, a man makum turu tuenrei hoboto e kamits gono has meren. Na te hapane ria a töa makum, a makum hoboto turu tuenrei e sasaala gono has meren.

1 Korin 16:13

Kahete kap nitöaiam, bate tuol hakarapoto mia tara nihamana i tamilimiou. Möa tu matout iam, hatagala kakap nitöaiam.

1 Korin 16:18

Nori i kato hatagali a torir na torimilimiou has. Alimiou go tara marei raiam u mar katuun teka.

2 Korin 2:13

Kaba lia uma kamei ta niniganiga, taraha alia uma antunan sabei e toularara e Taitus. Ba lia e laba regu u katuun i Troas me lauagu i Masedonia.

2 Korin 2:3

Ba lia temar koloto tala uagu teka, taraha alia u raman tego kato hataatagi mena milimiou alia, alimiou u katuun tego kato hasasaale moulia. Alia e kamegu a nihamana i tamilimiou hoboton töa, a nisasaala i tar, a nisasaala has i tamilimiou.

2 Korin 7:14

Alia u saala raiou limiou tere Taitus ba limiou e kato hamanemiou u raranga i tar. A mamanaka ti ranga hamana naia lam i tamilimiou e butu hamana. Na ti saala menai lam alimiou tere Taitus e butu hamana has.

2 Korin 7:15

Na e Taitus e ngil koru lel meranoui limiou te hakats pouts mena neien tu hengo hanigan töa mena milimiou u raranga i tanen na tu toul haniga me mien limiou a nisasaala, noahasina tu matout uaiam limiou.

2 Korin 7:6

Kaba e Sunahan e roron kato hasasaala rena u katuun te kamer a nitaatagi, na nonei e kato hasasaala has raiou lam tara pöata te tukuia e Taitus.

Pilipai 2:28

Na lia e sasaala koru megu te hala pouts mena gien lia i tamilimiou, ba limiou te tatei tara poutse men bate sasaalamiou, ba lia tema tatei ka lel megoi ta nitiama.

2 Timoti 1:16

Na lia e ngilegu a Tsunono ega taatagini e Onesiporas na pala i tanen, taraha, a pöata a para nonei e kato hasasaaleiou lia. Nonei ema matsingolo mei te ka uagu lia tara karabus.

Pilimon 1:20

A tsi toular, tara solona a Tsunono alö go taguhe moulia, ba lia te sasaala uagu tere Kristo.

Pilimon 1:7

A tsi toular, a torir e sasaala koru me masa mena tu hengo menai lia te ngil koru merami lö u katuun tere Sunahan bate haniga ramen.

1 Pita 3:8

U raranga teka e la uana i tamilimiou hoboto. Alimiou go ka meiam u töa puku u hakats bate hiataatagi miou. Alimiou go hiangilngil iam te hamana hoboto uamilimiou tere Kristo bate heremi a man munmun toulana. Ba limiou te tami mia tara tabi bate haka putemiou a peisa milimiou.