2 Korin 7:11 - U Bulunagana U Niga

¹¹ Tara, a nitaatagi te halani e Sunahan e kato haniga raiou limiou: alimiou e hakats hatagala tala namiou a markato i tamilimiou. Alimiou e tagala koru silemiou tego haröto mena milimiou a markato a niga. Alimiou e raharaha memiou a markato a omi bate matoutmiou. Alimiou e sagoho koruemiou a manka teka bate tagala silemiou a markato a niga. Na limiou e ngilin hahuna koruemiou a katuun te kato homina.

2 Korin 7:11 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Mak 3:5

Be Iesu e hula tara uana i taren ba nonei e raharaha koruna, taraha a torir u katuun teka e roto koru batema hahan ranga palis ri. Ba nonei e poeiena tara katuun a lima mate, “Hasoa nema a limamölö.” Ba nonei e hasoa nena a limanen ba limanen e niga poutsuna.

U Bulungana u Niga tere Iesu Kristo te kolotein e Jon 2:17

Ba u katunun tsitsilo i tanen e hakats pouts ner u raranga turu Buku u Göagono te poeiena, “A torir e matesil koruena a luma tere Sunahan ega ka haniga nitöa.”

Aposol 17:16

Pöata te hahaloso raien e Pol i Atens, nonei e tori tsuga koruni te tara menaien u kesa u para ti lotui u katuun tara taun teka.

U pas te koloto menai e Pol turu kristenira i Rom 11:20

E manana. Nori i peko ba merai tima hamana uaien. Kaba limiou e ka sila tuun mia turu nihamana. Bara! Ka haniga talaiam batema saalemi a peisamilimiou. E möa. Alimiou go matout iam.

U pas te koloto menai e Pol turu kristenira i Rom 14:18

Na katuun te kui beiena e Kristo tara markato teka, e Sunahan na u katuun has e hanige ren.

U pas te koloto menai e Pol turu kristenira i Rom 3:5

Kaba te kato homi rara e haröto halesala nena e Sunahan te matsköna, aragi pei aha? (Alia e ranga heregi a katuun tuun.) Ga e niga hasina tegi pei menaira e Sunahan te kato homina te hahuna mera neien ra?

1 Korin 12:25

Ba man makum turu tuenrei tema tatei hia tsugtsuga ri, kaba nori gi hia taratara kap haniga nitöani a peisa ren.

1 Korin 5:2

Alimiou e masa koru las memiou a markato teka te kana i tamilimiou? Alimiou go tabe meiam a nimatsingolo. A tson te kato homina egi tsuga banaia tara han i tamilimiou.

2 Korin 2:6

A nihahuna tu hala hakape milimiou a katuun teka e antunana i tanen.

2 Korin 6:4

Kaba, te kui be mialam e Sunahan tara mamanaka te katoe mulam, a nomi na toukui pan a parpara e butuna i tamulam na lam e roron makmakum ba has nem a manka te ngile mulam, kaba lam e hamana haniga noa hasim.

2 Korin 7:1

A matsomi i tar, te hala tala nena e Sunahan u mamana u raranga u mana teka, aragi kato hagogoso ba tala nai a peisarara a mamanaka te kato hakorkorianena u tuenrei na u namnamei i tarara. Aragi matouti e Sunahan bate torohanan kato hagogoso sokön töa nera a peisarara.

2 Korin 7:7

Na e Taitus e kato hasasaala has raiou lam te habulungana menaien tu markato hasasaala has mena mien limiou. Nonei e pei alimiou i ngilin tara korue moulia bate taatagi korumiou bate tagala sil hase moulia. Ba pöata tu hengo naia lia a ka teka ba lia e sasaala korugu.

2 Korin 7:9

I romana alia ema sasaala megi ti kato hataatagi merai limiou, kaba tu sagoho kamits uaiam limiou bate hapalis ba namiou a markato a omi. E Sunahan noahas te kato hataatagi raiou limiou ba limiou ema sagohe mi a man raranga tu hala ni lam.

2 Korin 9:2

Alia e atei silegu alimiou e ngilin taguhu ramen. Pöata tena ranga goua lia tara tei Masedonia, alia ena ranga sesei nitöa ragou limiou bate poeiegu, “A matsi hahatoulana tere Kristo tara provins i Gris i ngilin hala noa hasiin a monin hitaguhu turu hiningal te la hakapa.” U ngilin hitaguhu i tamilimiou e kato has ranen ba nori te ngilin hitaguhu hasir.

Epesis 4:26

Te raharaha mia limiou, haka ba neiam a raharaha. Ena mots kato ranou limiou ba limiou te kato homi miou. Alimiou go hakapeiam a raharaha i mam te tsiruku na a pitala.

Epesis 5:11

Alimiou goma ka gono merami u katuun te katoeier a markatona turu kuhil. E ma habute nei ta ka ta niga. Na limiou go haröto naiam te omi uana a markato teka.

Pilipai 2:12

A man hahikapien i tar, alimiou u roron hengoe moulia tu kaia lia i tamilimiou. Kaba limiou go hengo hatagala lel noahase moulia tara pöata te ka halehana bara gia lia limiou. E Sunahan e lu pouts merai limiou i tanen. Na limiou go matout iam bate kui hatagala silemiou tego hakapa haniga mena milimiou a toukui a niga tere Sunahan.

1 Tesalonaika 4:6

Alimiou goma kato homi uami teka bate kato homie miou a tana katuun. E möa. Alam u hatei hakapa railimiou, a Tsunono e hahuna rena romana u katuun te markato uar teka.

1 Timoti 5:20

Kaba te kato homi noahasina a töa katuun, ba lö te ranga hapiou namen i matar u katuun hoboto, ba nori te tatei matoutur.

2 Timoti 2:15

Alö go torohana hatagala sil tego haniga menai lö e Sunahan bate ngöe nei lö a katuun a kukui tema matsingolo mena milö a toukui i tamölö bate hihatuts hamatskö nem u raranga u mana.

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

Hibru 4:1

U raranga te hopö kapiin e Sunahan te la uama i tarara e poeiena, ara ena tatei husaria i tanen. Kaba ragi hanei sil ta töa i tarara ena mots na la uanei nonei tara makumun hahusa teka.

Jemis 3:17

Kaba a torina a katuun te kamena u hakats u nigana iasa e gogosona bate roron nolo pouts has rena a palai te hiaraharahar. Nonei a katuun a kakamoto na e hahengona tara tana katuun. Nonei e taatagi koru silena a katuun na e ka mena a markato a niga. Nonei e atei silena ime tega markato uaien, na nonei ema gamoe nei a tana katuun.

1 Pita 1:17

Alimiou e roron singo uamiou tere Tamamilimiou, nonei te roron oneiena a man tötöa a man katuun tara man saha manka te katoeren, batema hakats kalakala ranei u katuun. Te markato tala uanen teka ba limiou te matoute men bate hapane men tara mamana pöata te ka mia limiou i puta.

1 Pita 2:2

Alimiou go ngil korueiam u raranga u gogoso na u niga tere Sunahan, temar bes sil mena nei a pien ti hagou posei a sus. Nonei u raranga teka e taguhu ranou limiou bate katuun hatagala susul uamiou tara markato turu Namnamei, be Sunahan te lu pouts ranou limiou.

U pas te kolotein e Jut 1:23

Ba limiou te luba has ramiou a palai te ka ria tara maroro tara nihahuna tere Sunahan, bate markato mera mien temar lu menari a tsi ruei te lu hatalis ba nari u tula. Na limiou go taatagi sil raiam a palai bate omie miou a markato a omi i taren. Alimiou go matout haseiam u hasobö u korkoriana i taren.

Revelesin 3:19

Te kato homi roua u katuun te ngil regu lia, alia e hapiou ragouen bate hamatskö ragouen. Alimiou go ngil hatagale iam a Tsunono bate tori tsuga namiou a markato a omi.