2 Korin 6:6 - U Bulunagana U Niga

⁶ Alam e kato hanigam ne atei silem a ka a mana ne tuatamim na e niga mia turu katuun. Na man markato teka e haröto nena alam u katunun kui tere Sunahan. U Namnamei u Göagono te hakui ranou lam ba lam te ngil hamana has rem u katuun.

2 Korin 6:6 ပူးပေါင်းရင်းမြစ်များ

U pas te koloto menai e Pol turu kristenira i Rom 12:9

Alimiou go hiangilngil hamana iam ba tema gamo mi. Rama naiam a ka te omina bate pile kap namiou a ka te nigana.

1 Korin 12:8

A töa e haleri a nitagala tego ranga meien u hakats u niga, na tabi e haleri a nitagala tego habulungana menaien a niatei a niga.

1 Korin 13:4

A markato te hiangilngil uaier e markato uana teka: u ngil ema tatei sökananei na e tuatamina, na u ngil ema tatei tara ngil nei na ema tatei hangisei nei, nema tatei ranga hapan has nei bate soloseiena a peisanen.

1 Korin 2:16

U Buku u Göagono e mar ranga has uana teka: “Esi te atei silena u hakats tara Tsunono? E möa. Esi te antunan hatutse neien ta ka? E möa koru.” Kaba ara e ka mera u hakats tere Kristo.

1 Korin 2:4

A man raranga na man hihatuts i tar ema tagala ii tego tuke menaien a katuun. E möa. U raranga i tar e harötein a nitagala turu Namnamei tere Sunahan.

2 Korin 1:23

Alia e singo hatagala gia tere Sunahan te tatei ranga be noulia tara nimana turu ranga te ranga negu lia. Alia u ma la mei i Korin, taraha alia u raman tego ranga hatagala uu lia i tamilimiou.

2 Korin 11:11

Taraha e hana? Alia e rama ragou limiou? E möa. E Sunahan e atei silena alia e ngil ragou limiou.

2 Korin 11:4

Taraha! Tena la menama romana ta katuun a taina a Iesu tsi u taina u namnamei u göagono tsi u taina u bulungana u niga te halhal nena a Iesu na u Namnamei u Göagono na u Bulungana u Niga tu la mema lam, alimiou e toul here noahas me moien temar toul menai e Eva e Satan.

2 Korin 11:6

Alia ema tatei raranga balagi, kaba lia e atei silegu a ka te ranga negu lia. Alia u haröto hakapa rai limiou a mamana niatei na mamana markato a niga.

2 Korin 12:15

Alia e sasaala megou te hala mena gilia u moni na peisar hoboto i tamilimiou bate taguhu ranou limiou. Alia e ngil koru ragou limiou, kaba, nonei toum te kato ranou limiou balimiou tema ngil balemi lia?

2 Korin 13:10

Nonei a ka te koloto sile gulia bate mar ranga uagu teka, te ka halehana ba ragia lia alimiou. Alia e ngilegu a ka teka: a pöata tena butu goua lia i tamilimiou, alia goma ranga hatagala korui i tamilimiou bate haröto negu a nitagala te hale ii lia a Tsunono. Nonei ema hala sile ii lia a nitagala i tanen tego hahuna merai lia limiou. E möa. Nonei e hala sileien tego taguhu merai lia limiou.

2 Korin 2:10

Te solopale mia limiou a markato a omi tara töa katuun, alia has e solopale gen, u mana koru a ka te solopale gula lia tegi solopali, alia e kato beragien limiou i matana e Kristo.

2 Korin 2:4

Alia u kamei a nitaatagi pan na u tori u tiama koru bate koloto ngangala uagu i tamilimiou, tegoma kato hataatagi merai limiou, kaba tego hahatei merailia limiou turu pannen u ngil te ka megu lia i tamilimiou.

2 Korin 3:3

E haröto nena alimiou e here hasemi u pas te koloti e Kristo me hala mera neien lam turu katuun i puta. U pas teka ima kolotei u ink tsi tara hatu. E möa. Nonei u raranga ti koloto naia i torimilimiou. U Namnamei tere Sunahan te töatöana te koloto naien.

2 Korin 4:6

Taraha nonei e Sunahan te poei, U alesala go butuma i gusuna u kuhil. Nonei u ualesala te alesalana i torimulam bate hala ranei lam a niatei na tara niniganiga tere Sunahan te lakasa nama i matana e Iesu Kristo.

2 Korin 7:2

Alimiou go ngil koru pouts ramou lam. Alam uma kato homie ii ta töa ta katuun i tamilimiou. Alam uma habirits ba nai ta töa ta katuun, tere Sunahan. Alam uma angöngose ii ta töa.

Galesia 3:2

Na lia e ngilin rangata ragi limiou a töa ka: u Namnamei tere Sunahan e la uama i tamilimiou tu kukute mena milimiou a Lo turu Jiu, tsi tu hengo mena milimiou u Bulungana u Niga bate hamane men?

Galesia 3:5

Tara pöata te hala nanoua e Sunahan u Namnamei i tanen i tamilimiou, bate katoena a man mirakol i gusumilimiou, nonei ema kato menoi a ka teka te kukute mena milimiou a Lo turu Jiu. Kaba nonei e kato menoien te hengo menami limiou u Bulungana u Niga bate hamane men.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Epesis 3:4

Na te rite moa limiou u raranga teka ba limiou te luemou a niatei ti mar atei sil menai lia u ranga momous te hatei mamin e Kristo.

Epesis 4:2

Alimiou go hatetenei iam a peisa milimiou tara mamana pöata na limiou go ranga hatami hasiam bate niga mia tara tana katuun. Alimiou go hiangilngil iam batema hakats sil balemi a manka man omi tara tana katuun.

Epesis 4:32

Alimiou go hiakaka hanigaiam ba limiou te hiataatagi miou. Alimiou go solopaleiam a markato a omi tara taina katuun bate tara poutse men, temar luba has menai e Sunahan a man markato a man omi i tamilimiou tara solona e Kristo.

Kolosi 1:27

E Sunahan e hanigein tego haröto meraien u katuun tema Jiu ri u bulungana te momouseien i manasa, u bulungana u mana na u niga te la has uana turu katuun hoboto. U bulungana teka nonei e Kristo te kana i tori milimiou, alimiou e luemou romana a manka man niga tere Sunahan.

Kolosi 2:3

A mamanaka a niga na niatei na nigumgum a niga e ka hanigan töana i tanen.

Kolosi 3:12

E Sunahan e hopö kap sil railimiou tego katuun uaiam limiou i tanen na nonei e ngil koru ranou limiou. Tara markato tala teka ba limiou te hiakaka haniga miou bate niga mia tara palai. Alimiou go kato hateteneiam a peisa milimiou bate tuatami mia tara palai batema tatei raraha boroboro rami u katuun te kato homiria i tamiliou.

1 Tesalonaika 2:10

Alimiou na e Sunahan has, alimiou u tareiam alam u kato haniga na u kato hamatskö tara pöata tu ka gono meraia lam alimiou. Alam uma katoei taka ta omi.

1 Timoti 4:12

Alö a katuun a hitots, ego möa ta katuun tega pita putputeiou lö. Harötein ta markato ta niga turu katuun te hamanar te markato uana a katuun a kristen turu hihatuts i tamölö, na tara markato i tamölö na te ngil mera milö u katuun hoboto na te hamana ua mölö tere Sunahan, bate ka mem a markato a gogoso.

1 Timoti 5:2

Na lö go kato rai a touhaliou pan u tsinamölö bate kato here has rami u kukubei u hahinamölö turu hakats u gogoso.

2 Timoti 3:10

Kaba lö o Timoti, u kukutiema u hihatuts i tar, na markato i tar, na ka te kato sile gulia. Alö e atei silem temar hamana uagu lia tere Sunahan na te ngil meragi lia u katuun na te tuol hatagala uagu lia bate tuatami mera gen.

2 Timoti 4:2

Alö go habulunganein u bulungana tere Sunahan. Noahasina tara pöata a omi tsi a pöata a niga, habulungana hatagalein. Alö go haröter u katuun te mana uana u raranga tere Sunahan, balö te ranga hapiou rem u katuun te kato homir. Na lö go taguhir u katuun te torohanan kato hanigar. Hihatuts haniga nitöaia i taren, balö te tuatami mera men.

Taitus 2:7

Tara mamanaka te katoe mölö, na turu hihatuts i tamölö, harötein a markato a niga balö te habulungana nem u raranga u mana na u matskö.

Jemis 3:17

Kaba a torina a katuun te kamena u hakats u nigana iasa e gogosona bate roron nolo pouts has rena a palai te hiaraharahar. Nonei a katuun a kakamoto na e hahengona tara tana katuun. Nonei e taatagi koru silena a katuun na e ka mena a markato a niga. Nonei e atei silena ime tega markato uaien, na nonei ema gamoe nei a tana katuun.

1 Pita 1:12

E Sunahan e haröto raien a toukui i taren, kaba egoma ka sile ii tega taguhu pouts meraien, ega ka sil tega taguhu meraien limiou. Na manka teka i habulungana has menai i tamilimiou. E Sunahan e haleiema u Namnamei u Göagono bate haranga rena u katuun ti habulunganen u Bulungana u Niga i tamilimiou. Na u angelo has e ngil koruer tegi atei sil menaien a manka teka.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

1 Jon 3:18

A matsi galapien i tar, ara gima ranga tuun nai te ngil merarira u toularara. E möa. Aragi ngil hamana raien bate taguhu raren.