2 Korin 6:16 - U Bulunagana U Niga

¹⁶ U saha u hanhaniga te kamer a luma tere Sunahan na u kesa? Taraha, ara e here rei a Luma tere Sunahan te töatöana. Te mar ranga peisa noa has uu e Sunahan, “Alia ena ka goua i toriren bate hula la goua i gusuren. Alia e Sunahan i taren na nori u katuun i tar.”

2 Korin 6:16 ပူးပေါင်းရင်းမြစ်များ

Matiu 16:16

Be Saimon Pita e ranga palisenen me poeiena, “Alö e Mesaia te hopö kapiin e Sunahan. Alö a Pien Tson tere Sunahan te töatöa nitöana.”

Matiu 6:24

“A katuun ema antunan kui neia tara huol a tsunono. Taraha, nonei e rama nanou a töa bate ngilena a tabi. Alö ema antunan kui hoboto bemi e Sunahan na moni.

U Bulungana u Niga tere Iesu Kristo te kolotein e Luk 5:36

Na e Iesu e ranga has meraien u haharuei teka: “E möa ta katuun tega kiis ban ta makumun labalaba ta tsimus bate tupe neien a tabutu turu labalaba u toutounei. Te markato uanen teka, ba u labalaba u tsimus ti kiisi tema tatei taratara haniga gono menei u labalaba u toutounei.

U Bulungana u Niga tere Iesu Kristo te kolotein e Jon 14:23

Be Iesu e ranga palisenen me poeiena, “Ere si te ngile riou lia te hengoe riou u raranga i tar, be Tamar te ngil has ranouen, na lam ena la has muma romana batemi kui luma mia i taren.

U Bulungana u Niga tere Iesu Kristo te kolotein e Jon 6:56

A katuun te nouena u tuenrei i tar na te ue iena u rahatsing i tar e ka nitöana i tar, na lia e ka nitöa has gia i tanen.

U pas te koloto menai e Pol turu kristenira i Rom 8:11

E Sunahan e hatakei poutsi e Iesu Kristo tara tou mate i tanen. Na te kana u Namnamei tere Sunahan i tamilimiou, nonei e kato hatöatöa pouts hase nou a tuenrei milimiou te matena.

U pas te koloto menai e Pol turu kristenira i Rom 8:9

Kaba u ngilngilina i puta ema hakui lel ranei limiou. U Namnamei tala tere Sunahan te hakui ranou limiou. Na te ka na u Namnamei tere Sunahan i tori milimiou, nonei u Namnamei teka te mammam ranou limiou. Ba esi tema ka menei u Namnamei tere Kristo, nonei ema katuun uanei i tanen.

U pas te koloto menai e Pol turu kristenira i Rom 9:26

Tara han ti hatei mam raien, ‘Alimiou ema katuun uami i tar,’ e Sunahan te töatöa nitöana ena ngö ranouien a galapien i tanen.”

1 Korin 10:21

Alimiou ema tatei ua mia tara kap tara Tsunono na kap has turu liliahanei u omi, na limiou ema tatei nou mia tara kannou tara Tsunono bate nou has mia tara kannou te hatsunono rari u liliahanei u omi.

1 Korin 6:19

U tuenrei i tamilimiou a luman lotu turu Namnamei u Göagono te kana i tori milimiou, u Namnamei te halani e Sunahan. U tuenrei i tamilimiou ema ka uanei i tamilimiou. E möa. E ka uana tere Sunahan.

Epesis 2:20

Alimiou e heremi a luma, na u aposol na u propet e here rari u punluma. Na e Iesu Kristo e here nei a tuulgus tara luma.

Epesis 2:22

Na limiou has a hapalana a luman lotu teka, e Sunahan e haka gögono raiou limiou u katuun hoboto i tanen, banonei na u Namnamei u Göagono te tatei kana tara luma teka. Alimiou e ka gono mera moulam na e Sunahan e ka gono mena u Namnamei i tanen iaharara.

Epesis 3:17

Na lia e singo sil hasegu e Kristo e tatei kana i torimilimiou, alimiou te hamana mia i tanen. A mouna ka te singo sil korue gulia, turu hakhakats na markato i tamilimiou: alimiou go hiangilngil iam.

2 Timoti 1:14

Pile kap hanigein a ka a niga te hale ii lö u Namnamei u Göagono te kana i torirara.

Hibru 3:6

Kaba e Kristo, a Pien Tson tere Sunahan, e tara kap haniga rena u katuun tere Sunahan. Na tegi hamana haniga uu ra i tanen bate hamana silera a manka man niga i tanen, ara u katuun hamana i tanen.

Hibru 8:10

Ba Tsunono e mar ranga mera neien teka, “Nonei u hia hanhaniga u tsimus te kato gono megoi lia u katunura i Israel. Alia e hakei goua a lo i tar turu hakhakats i taren na i tori ren, ba nori te hakats kap nitöa narouen bate kukutie ren. Ba lia te tsunono ragouen ba nori te hun katuun uariou i tar.

Jemis 4:5

U raranga tere Sunahan ema ranga papala nei te pei mena neien, “U namnamei te hakeia e Sunahan iaharara e ka mena u ngil u tagala, u ngil te kamena a hiomi pan koru.”

1 Pita 2:5

La uamuma i tanen bate heremi a man hatu a man niga te kuieri a luman lotu. E Sunahan e ngilin kui ranei limiou a töa luman lotu turu namnamei. Alimiou e here rami u pris u niga tere Sunahan bate kui be men tara nitagala turu Namnamei i tanen. U pris e roron haats menari a man haats a man niga tere Sunahan, na e kato has uana iesana, e Sunahan e ngilena alimiou go hala naiam a peisa milimiou i tanen, taraha e Iesu Kristo e mate sil raiou limiou.

1 Jon 4:12

Emoa ta töa ta katuun tego tara noabi e Sunahan. Kaba te ngil korue rara a tana katuun, be Sunahan te kana i tarara. Ba u ngilngil i tanen te butu haniga nitöa noa i tarara.

1 Jon 4:15

U katuun te poeier e Iesu a Pien Tson tere Sunahan, nori e pala uaier tere Sunahan na e Sunahan e pala has uana i taren.

Revelesin 2:1

A katuun tu tari lia e pei hasi i tar, “Alö go koloto menai u raranga teka tara angelo tara hun katuun tere Kristo te ka ria i Epesis: “U ranga teka nonei u raranga tara katuun te pile nena a tohit a pitopito turu ualima u pal matou i tanen, na te hula hahis hasna i gusuna u tohit u lam goul.

Revelesin 21:3

Ba lia e hengoegu u ranga pan te butuma turu gumgum u göagono me poeiena, “Tara iam. E Sunahan e ka gono tala meraiena u katuun i tanen. Nori e pala uariou tere Sunahan na nonei e Sunahan uanou i taren.

Revelesin 21:7

A katuun te tagala saluhena romana e lue nou a manka teka. Na alia e Sunahan uagou i tanen ba nonei te pien uanou i tar.