2 Korin 6:10 - U Bulunagana U Niga

¹⁰ U katuun e kato here rari lam u katuun te taatagir, kaba lam e sasaala noa hasim. Alam u katuun tu möa ta moni, kaba lam e hala noa has nem a manka man niga tere Sunahan turu katuun u para. Alam u möa koru ta ka ni puta, kaba lam e ka noa has mem a mamanaka a niga tere Sunahan.

2 Korin 6:10 ပူးပေါင်းရင်းမြစ်များ

Matiu 5:12

Alimiou go sasaala koruiam, taraha alimiou ena lue mou u hamatana pan koru i Kolö. Nonei ti markato hohomi has merai u propet ti ka i manasa.”

Matiu 5:4

Na u katuun te taatagir egi sasaala. E Sunahan e ngö raneien u katunun sasaala, taraha nonei e kato hagigaha poutse nou a nitaatagi i taren.

U Bulungana u Niga tere Iesu Kristo te kolotein e Luk 6:21

Sasaalaiam, alimiou te bes miou i romana. Alimiou e hamasul rariou! Sasaalaiam, alimiou te tabe miou. Alimiou e golgol mou!

U Bulungana u Niga tere Iesu Kristo te kolotein e Jon 16:22

Na e kato has uana iesana i tamilimiou. Alimiou e taatagi has mou, kaba alia e tara pouts ragou limiou. Ba limiou te töan sasaala koru mou, na e möa ta katuun tega antunan luban a nisasaala teka i tamilimiou.

Aposol 16:25

Tara gusuna bong bere Pol mere Sailas e singo uaier tere Sunahan me soloseieren turu köman lotu, a palair u karabus i hehengoia ti köma uaien.

Aposol 3:6

Be Pita e poeiena i tanen, “Alia u möa ta moni, kaba lia e hale goilö a ka te ka megu lia. Tara solona e Iesu Kristo na i Nasaret, alia e ranga megou lö, alö go tataala!”

Aposol 5:41

Bu aposol e laba ner u Kout, me sasaala koru siler te haniga meraien e Sunahan tegi kamits sil menaien a solona e Iesu.

U pas te koloto menai e Pol turu kristenira i Rom 11:12

Na pöata ti kato homi ia u Jiu, be Sunahan e kato haniga rena a palair u katunura i puta. Te kato tala uanen teka, be Sunahan te hala nanou a nisasaala pan tara pala tema Jiu ri tara pöata te la pouts ruma romana u Jiu hoboto tere Sunahan.

U pas te koloto menai e Pol turu kristenira i Rom 12:15

Sasaala gono me raiam a pala te sasaalar, bate tabe gono has meramiou a pala te taber.

U pas te koloto menai e Pol turu kristenira i Rom 15:13

E Sunahan e tatei hala ranei ra u raranga hamana tegi hamana sil menaien ra. Nonei e tatei kato hasasaala ranou limiou bate hala ranei limiou a masalohana te hamana uami limiou i tanen. Ba u Namnamei i tanen te hala ranoui limiou a nitagala tego hamana nitöa uamia limiou turu raranga hamana i tanen.

U pas te koloto menai e Pol turu kristenira i Rom 8:32

Nonei ema peits hasnai a Pien Tson i tanen, kaba nonei e hala sile meien i puta tegomi mate sil meraien ra hoboto. Te katoe men a ka teka, ba nonei te hala has ranoui ra a mamanaka.

1 Korin 1:5

tara mar maroro te habulungana mena milimiou u raranga tere Sunahan, na temar atei sil menari a niatei tere Sunahan na man raranga i tanen.

2 Korin 2:4

Alia u kamei a nitaatagi pan na u tori u tiama koru bate koloto ngangala uagu i tamilimiou, tegoma kato hataatagi merai limiou, kaba tego hahatei merailia limiou turu pannen u ngil te ka megu lia i tamilimiou.

2 Korin 4:15

A mamanaka hoboto teka te butunou, e taguhu ranou romana limiou. Na te para ria romana u katuun te hengo ner romana a nihitaguhu tere Sunahan, bu katuun u parpara te tatei singor bate haniga uaier tere Sunahan bate soloseie ren.

2 Korin 4:7

Kaba lam e kamem a manka a man niga teka iahana a tabeli. A ka teka e haröto nena a saha nitagala pan te ka memu lam ema la nameia i tamulam kaba e la nama tere Sunahan.

2 Korin 8:9

Alimiou e atei silemiou a nitaatagi tara Tsunono e Iesu Kristo. Noahasina te ka meien a mamanaka a niga, kaba turu ngilngil tanen i tarara ba nonei e butu here namei a katuun te möa ta ka. Nonei e laba sila nama a mamanaka a niga tanen i Kolö tegomi hala meraienra a mamanaka a nigana i Kolö.

Epesis 3:16

Alia e singo silegu e Sunahan ega hala sila nama a nitagala i tanen i tamilimiou turu Namnamei i tanen, ba u namnamei i tamilimiou te tatei tagala hapopona tara nikapan i tanen.

Epesis 3:8

Alia e ka puta koru gia turu katuun hoboto tere Sunahan. Kaba e Sunahan e taatagi naiou lia me hale ne lia a toukui tego hahatei merai lia alimiou u katuun tema Jiu ri a manka a man kapan te nigana tere Kristo, bate haröto has ragi u katuun hoboto temar butu hamana uanou u raranga te hamouseier tere Sunahan. E Sunahan te habuti a mamanaka, e hamous u raranga teka tara man pöata i manasa noa.

Pilipai 2:17

Alia toum e mate gou bate here goi u haats te la uana tere Sunahan, taraha alia u taguhu raiou limiou tego hamana uaiam limiou. Te mate hamana goua lia, alia e sasaala noahas gou.

Pilipai 4:4

Alimiou go sasaala nitöa meiam a Tsunono! Na lia e hatei lel ragou limiou, sasaalaiam!

Kolosi 1:24

Alia e sasaala megu te sagoho mena gilia a kamits te taguhu mera gilia alimiou. Tara kamits i tar alia e ngilin kato hantue negu a kamits tere Kristo te sagoheien tego taguhu meraien u katuun i tanen, te hereri u tuenrei i tanen.

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

1 Tesalonaika 1:6

Alimiou u kukuteiam a markato i tamulam na Tsunono has. Taraha, alimiou u hengo hanigeiam u raranga i tamulam. U katuun i omi raiou limiou tu hamana uaiam limiou, kaba u Namnamei u Göagono e kato hasasaala noahas raiou limiou.

1 Tesalonaika 5:16

Sasaalaiam tara mamana pöata.

1 Timoti 4:8

Te kato hatagale mia lö u tuenrei, e nigana. Kaba tego kato hagogoso mei lö u namnamei i tamölö te niga balana, taraha a markato teka e taguhe noulö tara nitöatöana i puta na tara nitöatöana i Kolö has.

1 Timoti 6:18

Hateiri egi kato haniga bate katoeier a mamana markato a niga. Nori egi tatangana bate hia halhala ner a manka i taren.

Hibru 10:34

Alimiou u taatagi sil raiam u katuun ti haka raia tara karabus. Na pöata ti lueia u katuun a manka i tamilimiou, alimiou u sasaala noahas iam, taraha alimiou i atei sileiam e ka mena a manka man niga koru e kana.

Jemis 2:5

Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.

1 Pita 4:13

Alimiou go sasaalaiam, taraha e here nei alimiou e sagoho gono memi e Kristo a kamits. Nonei tego tatei sasaala koru beiam limiou romana tara pöata te butu mena men romana a nikapan i tanen.

Revelesin 2:9

Alia e atei silegu a torimilimiou e tiamana, na limiou ema ka bala memi ta ka. Kaba limiou e ka noa has memiou a mamanaka. Alia e atei sil hasegu a palair u katuun e tuts sil rariou limiou. Ba nori te poeier nori u Jiu, kaba e möa. Nori u katuun tere Satan!

Revelesin 21:7

A katuun te tagala saluhena romana e lue nou a manka teka. Na alia e Sunahan uagou i tanen ba nonei te pien uanou i tar.