2 Korin 5:17 - U Bulunagana U Niga

¹⁷ A katuun te ka uana tere Kristo, nonei a katuun a tsimus. A markatona i manasa e kapa. Tara, a markato a tsimus e butu hakapa.

2 Korin 5:17 ပူးပေါင်းရင်းမြစ်များ

Matiu 12:33

Be Iesu e rangana me poeiena, “U ruei u niga e ka mena a hua a niga. Na u ruei u omi e ka has mena a hua a omi. U katuun e tara mamer a hua bate töan atei siler u ruei u niga tsi u omi.

Matiu 24:35

U kolö nu puta e taia riou, kaba u raranga i tar ema antunan taia koru nei romana.”

U Bulungana u Niga tere Iesu Kristo te kolotein e Luk 5:38

U uain u tsimus tegi kis naia turu pikpikö u tsimus.

U Bulungana u Niga tere Iesu Kristo te kolotein e Jon 14:20

A pöata e butu nama romana ba limiou tena atei sile mou alia e ka gia tere Tamar na limiou e ka has mia i tar na lia e ka has gia i tamilimiou.

U Bulungana u Niga tere Iesu Kristo te kolotein e Jon 15:2

Nonei e luba nena a man hikalanin grep i tar tema hua nei. A mamana hikalan te huana nonei e kato hagogoso sile neien tego hua hapara lel uen.

U Bulungana u Niga tere Iesu Kristo te kolotein e Jon 15:5

“Alia u ruei na limiou u hikalan. A hikalan e töatöa sila na te ka uanen turu ruei, ba nonei te töan hua haparana. Na e markato has uana iesana i tamilimiou. Te ka gono memia limiou alia balia teka gono has mera goulimiou, ba limiou te töan kato hanigemiou a manka te ngilena e Sunahan. Kaba te laba namia limiou alia, ba limiou tema antunan kato nami ta töa ta ka te ngilena e Sunahan.

U Bulungana u Niga tere Iesu Kristo te kolotein e Jon 17:23

Alia e ka gia i taren na lö e ka has mia i tar, ba nori te tatei tori hoboto has uar iesana. Te kato uanen teka ba u katunura i puta te tatei atei siler tu hala mena mei lö alia, na e tatei atei sil haser alö e ngil koru rem u katuun teka temar ngil has mena milö alia.

U Bulungana u Niga tere Iesu Kristo te kolotein e Jon 3:3

Be Iesu e ranga palise nen me poeiena, “U mana koru alia e hatei hamana korue goulö, tema posa lele ria a katuun, nonei ema antunan atei sile nei a man kana tara Nipepeito tere Sunahan.”

U Bulungana u Niga tere Iesu Kristo te kolotein e Jon 3:5

Be Iesu e ranga palis uana i tanen me poeiena, “U mana koru alia e ranga mei goulö, tema pose ria a katuun turu ramun na turu namnamei, nonei ema antunan tasu nei tara Nipepeito tere Sunahan.

U pas te koloto menai e Pol turu kristenira i Rom 16:10

Na hala has naiam u hanhaniga i tar tere Apelis. U katuun e atei siler te kukute haniga menaien e Kristo. Haniga has raiam a pinaposa tere Aristabiulas.

U pas te koloto menai e Pol turu kristenira i Rom 16:11

Na a niniganiga has tere Herodian a töa han i tar, na pinaposa tere Narsisas te pala has uaier tara Tsunono.

U pas te koloto menai e Pol turu kristenira i Rom 16:3

Alia e haniga uagu tere Priska na tson i tanen e Akuila. Nori na lia, alam u kui hoboto uu tere Iesu Kristo.

U pas te koloto menai e Pol turu kristenira i Rom 16:7

Na hala has namou u hanhaniga i tar tere Andronikus mere Junias, nori a hun katuun i tar ti ka gono meia lia tara karabus. U aposol e atei sil haniga raren, na nori i hamana mam naia lia tere Kristo.

U pas te koloto menai e Pol turu kristenira i Rom 16:9

Haniga be hase mou lia tere Erbanus te kui gono meraiou ra tere Kristo, na e Steikis has, a tsomi i tar.

U pas te koloto menai e Pol turu kristenira i Rom 7:6

Kaba i romana ara e hanöa ba nera a Lo, nonei te kits kap raioura. A Lo ti koloto naia turu buku i manasa. Kaba i romana ara e hatakui talera a markato a tsimus, te hala ranera u Namnamei tere Sunahan.

U pas te koloto menai e Pol turu kristenira i Rom 8:1

Ara u katuun te kagono mera e Iesu Kristo ema antunan lu narei tu nihahuna.

1 Korin 1:30

Tere Sunahan lahas bara te ka ria tere Iesu Kristo, na nonei e habutu sileien tego hala meraien ra a niatei. E Kristo nonei te sakahis raioura bara te katuun uara tere Sunahan. Nonei lasi a maroro a matskö na nonei te kato hagöagono raioura bara te katuun uara tere Sunahan.

1 Korin 13:11

Pöata tu tetenei noaia lia, alia u ranga herei a pien, alia u hakats herei a pien, na lia u katoi a markato tara niatei tara pien. Kaba pöata tu pan ia lia, alia u hanöa ban a markato tara pien.

2 Korin 12:2

Turu töa u maloto na u tohats u hiningal te la kapa, alia i lu menai i Kolö iasa nitöa. Alia ema atei silegi a ka teka e butu hamana tsi alia u tara tuni u hiharöto. E Sunahan te ateina.

2 Korin 5:16

Be ni tala, alam ema tara lel here nami a katuun temar tara uaier u katunura i puta. E möa. I manasa alam u mar hakats uu teka tere Kristo, kaba i romana e möa.

2 Korin 5:19

E mar ranga uana teka, e Sunahan e nolo pouts sila has raia u katuun tanen i puta tere Kristo. Nonei ema hakats nai a man markato a man omi i taren. E möa. Ba nonei e hala ranei lam u raranga tegi mar nolo pouts merai u katuun bate la pouts ruma i tanen.

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

Galesia 3:28

Na te katuun uami limiou tere Kristo, e möa lel ta toun Grik na ta Jiu, na ta katunun kukui puku na ta katuun tegoma kukui puku ii, na ta tson na ta tahol. Alimiou hoboto te hamana mia tere Iesu Kristo e here talemi a töa katuun.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Galesia 6:15

Te hapö menari a hatöatongo tere Sunahan i pikpiköna katuun na tema hapö hasneia a katuun, e here hoboto talenei a manka palapala. A ka puku lasi te panina, te kato hatsimus merai ra e Sunahan.

Epesis 2:10

E Sunahan e kato raira u katuun u tsimus ti hamana uu ra tere Iesu Kristo. Nonei e kato hatsimus sil raira tegi kato menaira a man markato a man niga te hopö kap mam sil raien ra.

Epesis 2:15

E Kristo e luba hakapa ban a Lo tere Mosis na u mamana u raranga te kaia i tanen. A tou mate i tanen e hakapa a Lo na u ranga u mal na u mamana u mar raranga nonei tara Lo te kato raiou ra bara te hiakaka halhalira. Nonei e kato sile ii a ka teka tego kato meraien a huol a hun katuun a töa hun katuun bate hamana uaier i tanen.

Pilipai 4:21

Alia e hala negu u hanhaniga i tar turu katuun hoboto te pala uaier tere Iesu Kristo. Na man hahatoulana i tarara te ka gono meriou lia e hala has naier u rangan haniga i taren i tamilimiou.