2 Korin 4:5 - U Bulunagana U Niga

⁵ Alam ema habulungana nami a peisamulam. E möa. Alam e habulungana nem e Iesu Kristo nonei a Tsunono, na lam u katunun kui i tamilimiou e ka silem nonei e Iesu.

2 Korin 4:5 ပူးပေါင်းရင်းမြစ်များ

Matiu 23:8

“Kaba u katuun ema tatei ngö raroui limiou u Rabai (te poeiena a Tson Hihatuts) taraha alimiou e ka memiou a töa puku a Tson Hihatuts, nonei a Tsunono, na limiou u munmun toulana.

Matiu 3:11

“Alia e baptais ragi limiou u ramun tuun, e hatara nena alimiou u habirits ba hakapa naiam a man markato a man omi i tamilimiou. Kaba a katuun te la hamurimuri nama romana i tar e pan bala koru nanou lia. Nonei a tsunono pan, na lia a katuun papala koru ema antunan söata nagi u sendol i tanen. Nonei te baptais ranoui limiou u Namnamei u Göagono na u tula.

U Bulungana u Niga tere Iesu Kristo te kolotein e Jon 7:18

A katuun te ranga peisa mena u ngil i tanen e ngilin hapan nena a peisanen. Kaba a katuun te ngilin hapan nena a katuun te haleie men, e ranga hamanana, nonei ema gamo nei.

Aposol 10:36

Alimiou e atei silemiou u ranga te hala namen i tamulam u katunura i Israel. U raranga teka e habulungana nena a masalohana temi halan e Iesu, bate hakapa hasena u pakö turu katuun i tanen. Nonei a tsunono turu katuun hoboto.

Aposol 2:36

“Bora, hatei raiam a tei Israel: E Sunahan e katoeien a Tsunono na Mesaia, nonei e Iesu a katuun ti hahalosi ra ti nila namia limiou tara kuruse.”

Aposol 5:31

Be Sunahan e lu sei mena neien iasa tara pal matou i tanen, nonei a Tson Mammam na Tson Hihitaguhu. Nonei i lu sei sileien tegi palis menai u katunura i Israel u hakats na markato a omi i taren, ne lu sei sil haseien tego luba menaien a markato a omi i taren bate tara pouts uana i taren.

1 Korin 1:23

Kaba lam e hihatuts nem te mate uu e Kristo tara kuruse. U Jiu ema hanigeri u hihatuts teka, na u katuun tema Jiu ri e poeier, e tutuna.

1 Korin 10:33

Nonei teka te torohanan markato has uagou lia. Tara mamanaka te katoe gulia, alia e torohanan kato haniga gia i matar u katuun hoboto. Alia ema hakats nagi a ka te niga peisana i tar. E möa. Alia e hakats has negu a ka te nigana i taren. Alia e kato silegu nori egi haniga be Sunahan te lu pouts ranen.

1 Korin 12:3

Na lia e hatei ragi limiou, a katuun te ranga sila na turu Namnamei u Göagono tere Sunahan ema antunan ranga nanei, “Iesu egi korupaköni.” Na katuun tema kamenei u Namnamei u Göagono tere Sunahan ema antunan pei hase nei, “Iesu a Tsunono.”

1 Korin 15:47

A Adam tutuun i katoe ii u tsiktsikina i puta. Kaba a hahuoluna Adam, e Kristo, nonei a Tsunonona i Kolö.

1 Korin 2:2

Alia uma ngilin ranga nai ta taina ta ka kaba lia u ngilin hatagali e Iesu Kristo i gusumilimiou na saha ka te mate sileien tara kuruse.

1 Korin 4:15

Noahasina te ka memia limiou a parpara koru a katuun te tatei hatuts rari limiou e Kristo, alimiou go hakats pouts naiam alia puku a töa i tamamilimiou. Taraha, alia u butu here ii e tamamilimiou tara pöata tu hatuts naia lia u Bulungana u Niga bate taguhu ragou limiou tego hamana uaiam limiou tere Iesu Kristo.

1 Korin 8:6

Kaba ara u kristen e hamana ria tara töa puku a Got, nonei e Sunahan, e Tamarara te habuti a mamanaka, na ra e hamane ren. Na e ka has mena a töa puku a Tsunono, nonei e Iesu Kristo. E Sunahan e habutu sila naia a mamanaka i tanen, na ra e ka ria tara nitagala tere Kristo.

2 Korin 1:19

Alam mere Silbanus na e Timoti u hihatutsia i tamilimiou me hatei rami limiou e Iesu Kristo a Pien Tson tere Sunahan. Nonei has ema tatei hatangana nei bu hakats i tanen te poeiena E möa. U raranga tere Iesu e roron mana nitöana.

2 Korin 1:24

Kaba ema poeie nei alam go hatei rai limiou ime tego mar hatakui menai limiou u nihamana i tamilimiou. Alam e ngilin kui gono mera mou limiou ba limiou te saputu memiou a nisasaala, taraha, alimiou u ka hakapa meiam u nihamana te tuol hakarapoto mia limiou.

Galesia 5:13

Kaba alimiou a matsi hahatoulana, e Sunahan e ngö sil rai limiou tego hapolasa ba mena milimiou a Lo. Kaba u raranga teka ema ranga nanei alimiou go pekoeiam a Lo bate kukute lase miou u ngilngilina i puta. E möa. Kaba e Sunahan e hapurese sil rai limiou tego hiangilngil uaiam limiou bate hiatagtaguhu miou.

Pilipai 1:15

A palai e rarare meri e Kristo taraha nori e hiomi ria i tar bate kato haraharaha raier u katuun. Kaba palai e rarare meri e Kristo taraha nori e niga ria i tar.

Pilipai 2:11

Ba u katuun hoboto te ranga riou bate poeier e Iesu Kristo te Tsunonona, ba tara markato teka ba nori te solosei riou e Sunahan e Tamarara.

2 Timoti 2:10

Ba lia te söata sila nagia a mamanaka te butuna i tar tego taguhu merai lia u katuun te hopö kapir e Sunahan. Alia e ngilegu nori egi lu hasi a nitöatöa te kana tere Iesu Kristo, na nitsunono pan has te ka nitöana.

Taitus 1:11

U katuun teka egi ranga hapiou mer batema tatei hipusri, nori e kato homi raier u katuun. Taraha nori e ngilin lu tuun ner taka ba nori te hatuts rari u katuun a manka tema matskö nei.

2 Pita 2:3

Tara markato te gono be menarien a peisaren a mamanaka, nori e hatei has rari limiou romana a man ranga pinopino bate luer a moni. E Sunahan e solon hopö kapiin a nihahuna i taren, na nori e taia hamana riou.