2 Korin 3:6 - U Bulunagana U Niga

⁶ Nonei te kato hantue ranou lam ba lam te hatei la rem u katuun u rangan kits u tsimus. Ema ka uanei tara man Lo ti koloto tunini. E möa, a ka turu Namnamei tere Sunahan. A man Lo ti koloto tunini e hala nena a tou mate, kaba u Namnamei tere Sunahan te hala nena a nitöatöa.

2 Korin 3:6 ပူးပေါင်းရင်းမြစ်များ

Matiu 13:52

Ba nonei e poeiena i taren, “U tson hihatuts hoboto tara Lo, na limiou u katunun tsitsilo has i tar tara Nipepeito tere Sunahan, alimiou e heremi a katuun terena luma te lue nama a manka a man tsimus na manka man toutounei tara makumun haputu i tanen.”

Matiu 26:28

Taraha, nonei u rahatsing i tar te kato hatagalenou u rangan kits tere Sunahan na te takis bera nou u katuun u parpara bate luba nanou a markato a omi i taren.

U Bulungana u Niga tere Iesu Kristo te kolotein e Mak 14:24

Ba e Iesu e poeiena, “Nonei u rahatsing i tar teka te kato hatagale nou u rangan kits u tsimus tere Sunahan te tatsu beranou u katuun u parpara.

U Bulungana u Niga tere Iesu Kristo te kolotein e Luk 22:20

Ba i murina ti nou hakapaien, be Iesu e luena a kap uain me markato has mena neien iesana me poeiena, “A kap teka te takis bera noulimiou e haharuei nena u ranga hamana u tsimus tena kitse gou ii lia u rahatsing i tar.

U Bulungana u Niga tere Iesu Kristo te kolotein e Jon 5:21

U mana koru, te hatakei rena e Tamar u katuun tara tou mate i taren bate hala raneien a nitöatöa, alia a Pien i tanen e kato has uagou iesana bate hala has nagou a nitöatöa turu katuun te ngil raiegu lia.

U Bulungana u Niga tere Iesu Kristo te kolotein e Jon 6:63

U Namnamei puku lahas te hala nena a nitöatöa. U tuenrei puku ema antunanei. U raranga te hatei ragu lei lia limiou, nonei u rarangana turu namnamei, na nonei te hala ranei limiou a nitöatöa.

U pas te koloto menai e Pol turu kristenira i Rom 1:5

E Iesu Kristo e hala railam a nitagala tego aposol uu lam i tanen, ba lam te hatei namen turu hun katuun hoboto tegi hamana uaien i tanen, bate hengo hanige ren.

U pas te koloto menai e Pol turu kristenira i Rom 3:20

A katuun te kukutiena a mamanaka te ranga nena a Lo ema matskö neia i matana e Sunahan, taraha a Lo e haröto nena a katuun te kato homina.

U pas te koloto menai e Pol turu kristenira i Rom 4:15

Taraha, a markato tara Lo te tatei habutena a raharaha tere Sunahan. Kaba tega möa has ia ta Lo, bate möa hasina ta ka tegi peko mei a Lo.

U pas te koloto menai e Pol turu kristenira i Rom 4:17

Na temar ranga has uana u Buku u Göagono, “Alia e Sunahan te taguhe goulö ba lö te hatubuna moa tara katuun a parpara.” E Abraham e hamana uu tere Sunahan te hatöatöa poutsena a katuun a mate na te ranga nena a ka tema butu noa nei bate butuna.

U pas te koloto menai e Pol turu kristenira i Rom 7:6

Kaba i romana ara e hanöa ba nera a Lo, nonei te kits kap raioura. A Lo ti koloto naia turu buku i manasa. Kaba i romana ara e hatakui talera a markato a tsimus, te hala ranera u Namnamei tere Sunahan.

U pas te koloto menai e Pol turu kristenira i Rom 8:2

Taraha, a lo turu Namnamei tere Sunahan, te hala ranei ra a nitöatöa tere Iesu Kristo, e purese hakapa raioura. Ara i here ii u katuun ti kitsir na ti roron kaia tara lo tara markato a omi na tara tou mate. Kaba e möa lel tala.

1 Korin 11:25

Na te markato has menaien a uain i murina ti nou hakapaien, be Iesu e lueiena a kap me poeiena, “A kap uain teka e haharuei nena u rangan kits u tsimus tena kato hatagale goi lia u rahatsing i tar. Alimiou ena kato has uamou teka bate hakats pouts namou lia.”

1 Korin 12:28

Na e Sunahan e halani a mamana mar toukui tara man tötöa tara hun katuun i tanen. Tara makum tutuun nonei e hatuolir u aposol, na tara hahuoluna a makum nonei e hatuolir u propet, na tara a hatopisana makum nonei e hatuolir u tson hihatuts, na pala te antunan katoner u mirakol, na u katuun te antunan kato haniga pouts raier u katuun, na u katuun te taguhu raier a palai, na niatei na tara toukui na tara tson mammam, na tai te antunan ranga nena u mamana u mar ranga.

1 Korin 15:45

I mar koloto menai teka turu Buku u Göagono, “A Adam tutuun, e butu mema u namnamei u töatöa.” Na Adam te butu hamururima, e Kristo, e butu mema u namnamei te hala nena a nitöatöa.

1 Korin 3:10

Tara nitagala tere Sunahan te haleien lia, nonei e hale ii lia a niatei tego kui mei lia a luma a niga, na lia u haka hakapi u pos simen tara luma. Kaba a taina katuun te kuienou a luma ieluna u pos simen. A man tötöa man katunun kui teka egi harare haniga koruni temar kui menaroien a luma.

1 Korin 3:5

Ere Apolos mere Pol, u saha u mar katuun? Alam u katunun kui tuun tere Sunahan tu hatuts railimiou tego hamana uaiam limiou i tanen. Alam a man tötöa e katoeiem a man toukui te hala railam e Sunahan.

2 Korin 11:23

Nori u katunun kui tere Kristo? Bara, alia e ranga heregi a katuun a tutu. Ga lia a katunun kui te niga bala ragen. Tara, alia u kui hatagala bala raien na lia u ka haparaia tara karabus. Alia i singateiou a para pöata, na u roron mate karasa has.

2 Korin 3:14

Kaba u hakats i taren i kato hatutu hatagala korui, te la noahasina i romana, a bakur u Jiu e tutu noahasina tegi atei sil menaien a nimana. A bakuna a katuun e kalata las mena a pöata te hamana uanen tere Kristo.

2 Korin 3:3

E haröto nena alimiou e here hasemi u pas te koloti e Kristo me hala mera neien lam turu katuun i puta. U pas teka ima kolotei u ink tsi tara hatu. E möa. Nonei u raranga ti koloto naia i torimilimiou. U Namnamei tere Sunahan te töatöana te koloto naien.

2 Korin 3:7

A man Lo tere Mosis i koloto naia tara hatu, bu ualesala tere Sunahan e butuna tara pöata ti hakeia a Lo. U ualesala i tanen e butu halesala koruia i matana e Mosis. U katunur i Israel ima antunan tara uai i tanen, taraha ualesala e pan koru, noahasina te tia susul uen.

2 Korin 3:9

Te kamei a markatona tara nimate a niniganiga, kaba markato te kato hamatskö ranoura tere Sunahan te kamena a niniganiga te pan balana.

Galesia 3:21

Aha te poeiena u raranga teka? A Lo e hiatatung mena u ranga hamana tere Sunahan? E möa koru! Sanena tego kaia a töa lo te antunan kato hatöatöa rena u katuun, e Sunahan sane kato hamatskö sila rana u katuun tara Lo. Kaba e möa.

Epesis 2:1

I manasa alimiou i hipusiam bate katoe miou a mamana a markato a omi, nonei te kato hamate raiou limiou.

Epesis 3:7

E Sunahan e taatagi naiou lia me hale ne lia a nitagala pan i tanen, nonei e katoe ii lia a katunun kui i tanen tego habulungana menai lia u Bulungana u Niga i tanen.

1 Timoti 4:6

Te hatara namoua lö a manka teka turu hahinamölö na u toulamölö, alö a katunun kui a niga tere Iesu Kristo, e kato hatagale moilö a peisamölö na u rarangana tara nihamana turu hihatuts u niga te kukutie mölö.

2 Timoti 1:11

E Sunahan e hopö kap mei lia tego aposol uu lia na tego habulungana menai lia u Bulungana u Niga teka bate hihatuts nagen.

Hibru 12:24

Alimiou u la uamuma tere Iesu, nonei te kits gono meraira na e Sunahan u rangan haniga u tsimus. Alimiou u la uamuma turu rahatsing i tanen te tatsihasa sil raioura me hala nena a nihitaguhu, te niga bala nena a ka te rangein u rahatsing tere Ebol.

Hibru 13:20

E Sunahan, te hala ranei ra a masalohana, e tatei hala ranei limiou a mamanaka a niga, antunana tego kato mena milimiou u ngil i tanen. Nonei te hatakei poutsi a Tsunono i tarara e Iesu, nonei a katuun te taratara kap rena u katuun i tanen bate here nei a katuun te taratara kap rena u sipsip i tanen. Nonei e hatakei poutseien tara tou mate me haröto nena u rahatsing i tanen te kato hatagalena u rangan hiahanhaniga te kits gono meien e Sunahan na u katuun. Nonei u raranga te ka nitöana. Nonei e tatei taguhu ranou limiou ba limiou te katoemiou a manka te niga balana i matanen, te hamana uamia limiou tere Iesu Kristo. Aragi solosei e Kristo tara mamana pöata i murimuri. U mana.

Hibru 7:22

U ranga teka te manana iasa, e haröto nena e Iesu e hatagalena u raranga tere Sunahan te kits gono meraien u katuun na e niga bala nena u rangana tara Lo na i manasa.

Hibru 8:13

Pöata te ranga naia e Sunahan u hia hanhaniga u tsimus tega katoeien romana, ba nonei e ranga nena u hia hanhaniga te kato mameien e toutounei hakapa. Na ka te toutouneina ema ka lel menei ta nitagala, na ema pina noi ba nonei te taia nou.

1 Pita 3:18

Taraha, e Kristo e sagoho kamits sil hasi a man markato a man omi i tarara. Na nonei e mate a töa puku a pöata. Nonei a katuun a niga te mate silir u katuun u omi. E kato sil tega peigi meraien ra tere Sunahan. A tuenreinen e mate, kaba nonei e töatöa mei a markato turu namnamei, batena rarariena u raranga tara man namnamei ti kaia tara makumun kits.

1 Jon 1:1

Alam e koloto silemi u pas teka tego habulungana menami limiou u Rarangana tara Nitöatöa. Nonei e ka mam noahas te habuteia e Sunahan u kolö na u puta. Ba nonei e butun katununa ba lam e tara peisanem a mata mulam me hengo hasim, me hasebele hase mia a limamulam i tanen.