2 Korin 13:5 - U Bulunagana U Niga

⁵ Alimiou go tara pouts mia i peisa milimiou tego hamana hatagala noahas uaiam limiou. Tema sabie moi limiou e Iesu Kristo e kana i tamilimiou, alimiou e rus moa tara nitorohana teka.

2 Korin 13:5 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 14:23

Be Iesu e ranga palisenen me poeiena, “Ere si te ngile riou lia te hengoe riou u raranga i tar, be Tamar te ngil has ranouen, na lam ena la has muma romana batemi kui luma mia i taren.

U Bulungana u Niga tere Iesu Kristo te kolotein e Jon 15:4

Alimiou go ka gono memou lia ba lia te ka gono has mera goulimiou. A hikalan ema antunan hua pepeisa nei. Nonei ega rokoto noa hasia i tuenreina u ruei bate töan huana. Na e markato has uana iesana i tamilimiou. Alimiou ema antunan katoemi ta markato ta niga tegoma ka gono mena milimiou alia.

U Bulungana u Niga tere Iesu Kristo te kolotein e Jon 17:23

Alia e ka gia i taren na lö e ka has mia i tar, ba nori te tatei tori hoboto has uar iesana. Te kato uanen teka ba u katunura i puta te tatei atei siler tu hala mena mei lö alia, na e tatei atei sil haser alö e ngil koru rem u katuun teka temar ngil has mena milö alia.

U Bulungana u Niga tere Iesu Kristo te kolotein e Jon 17:26

Alia u haröto naia lö i taren, na lia e kato noahase gouen tara mamana pöata. Taraha, alia e ngilegu nori gi hiangilngil temar ngil has mena milö alia. Na lia e ka has goua i taren.”

U Bulungana u Niga tere Iesu Kristo te kolotein e Jon 6:56

A katuun te nouena u tuenrei i tar na te ue iena u rahatsing i tar e ka nitöana i tar, na lia e ka nitöa has gia i tanen.

U Bulungana u Niga tere Iesu Kristo te kolotein e Jon 6:6

Nonei e mar ranga uu teka tega torohana menaien e Pilip. Nonei e atei sil mami a saha a ka tego katoeien.

U pas te koloto menai e Pol turu kristenira i Rom 1:28

U katuun ima hakats nai e Sunahan na i raman ka mei a niatei a niga, ba nonei e töa rongaronga ranen tegi ka noahas menaien u hakats u omi na tegi kato homi has menaien a markato a omi.

U pas te koloto menai e Pol turu kristenira i Rom 8:10

U tuenrei i tamilimiou e mate nou romana, taraha a markato a omi e kato homieien. Kaba te kana e Kristo i tamilimiou, ba namnamei milimiou te ka mena a nitöatöa tere Sunahan, taraha e Sunahan e kato hamatskö raia limiou i matanen.

1 Korin 11:28

Hamatskö mameiam a peisa milimiou bate töan noue miou a beret bate töan ua hasmia tara kap.

1 Korin 11:31

Kaba tegi hamatskö haniga mam menaira a peisarara, bara tema tatei hamatskö raroui.

1 Korin 3:16

Alimiou e atei sil hase miou alimiou u luman lotu tere Sunahan na u Namnamei tere Sunahan e kana i tamilimiou?

1 Korin 6:15

Alimiou e atei sil hase miou u tuenrei i tarara, e pala uana tere Kristo? Alimiou e ngilemiou alia go lui a töa makumun tuenrei tere Kristo bate katoe gien a töa pala turu tuenrei tara tahol a lulu tson? E möa, me möana!

1 Korin 6:19

U tuenrei i tamilimiou a luman lotu turu Namnamei u Göagono te kana i tori milimiou, u Namnamei te halani e Sunahan. U tuenrei i tamilimiou ema ka uanei i tamilimiou. E möa. E ka uana tere Sunahan.

1 Korin 6:2

Alimiou e atei sil hasemiou u katuun tere Sunahan ena ona rer romana u katunura i puta? Aa. Na temar kato uaien teka, ba limiou te antunan hakapa korue miou a matsi raharaha teka.

1 Korin 9:24

Alimiou e atei sil hasemiou turu resis u katuun te pipiatar e piata hobotor, kaba a töa puku tena lue nou a prais? Alimiou go piata here hase mi, alimiou tena lue mou a prais tere Sunahan.

1 Korin 9:27

Kaba lia e hipus koru negu u ngil turu tuenrei i tar bate haka pute gen. Taraha, alia e hahatei na gou u Bulungana u Niga turu katuun tegi tagala sil menaien e Sunahan, kaba lia a töa ena mots rus ba nagen.

2 Korin 6:16

U saha u hanhaniga te kamer a luma tere Sunahan na u kesa? Taraha, ara e here rei a Luma tere Sunahan te töatöana. Te mar ranga peisa noa has uu e Sunahan, “Alia ena ka goua i toriren bate hula la goua i gusuren. Alia e Sunahan i taren na nori u katuun i tar.”

Galesia 2:20

Alia i lu hakapi a nitöatöa a tsimus. Kaba nitöatöa teka ema nitöatöa uanei i tar. Emoa. Kaba e Iesu nonei te kana i tar. Na mamana markato na man toukui te katoe gialia i puta, alia e katoe gien tara marorona turu nihamana. Na lia e hamana gia tara Pien Tson tere Sunahan. E ngil korue ioulia me mate silena tego taguhu menaien lia.

Galesia 4:19

A matsi galapien i tar, alia e sagohegu a kamits e herenei a kamits te sagohena a tahol te katsin posana. Taraha, alia e ngil hatagala koruegu alimiou go heremi e Kristo.

Galesia 6:4

Man tötöa man katuun hoboto e tatei tara marei peiseier tega niga u a markato i taren tsi tega omi uaien. Na katuun te kato hanigana e tatei sasaala mena a markato a niga i tanen, kaba nonei ema tatei pei nei a markato i tanen e niga bala nena a markato tara tana katuun.

Epesis 3:17

Na lia e singo sil hasegu e Kristo e tatei kana i torimilimiou, alimiou te hamana mia i tanen. A mouna ka te singo sil korue gulia, turu hakhakats na markato i tamilimiou: alimiou go hiangilngil iam.

Kolosi 1:23

Na limiou go hamana nitöaiam bate tuol hakarapoto mia turu nihamana i tamilimiou. Alimiou goma hapolase mi a ka a niga tu hamana mia limiou tara pöata ti hengoe mia limiou u Bulungana u Niga. Nonei u Bulungana u Niga ti habulungana naia turu han hoboto, na nonei a ka teka te kui sile gulia, alia e Pol.

Kolosi 1:27

E Sunahan e hanigein tego haröto meraien u katuun tema Jiu ri u bulungana te momouseien i manasa, u bulungana u mana na u niga te la has uana turu katuun hoboto. U bulungana teka nonei e Kristo te kana i tori milimiou, alimiou e luemou romana a manka man niga tere Sunahan.

Kolosi 2:19

Nori e ka halhal baner e Kristo. Nonei u baku te hakuiena u tuenrei, te haharuei nena a hun katuun i tanen. Aragi ka hoboto talasi bate hiatagtaguhu nera tegi hamana hatagala uu ra tara pöata te haka pute ria ra a peisarara tere Kristo. Aragi mar niga susul uu te ngil uana e Sunahan.

Kolosi 2:7

Ba limiou te tuol hakarapoto miou bate hatagala susule muma a mouna u hakats na markato i tamilimiou. Alimiou go atei sil korueiam a markato i tanen bate hamana hatagala mia i tanen, ti mar hatuts merai limiou. Ba limiou te haniga nitöa uamiou i tanen.

1 Timoti 2:15

Kaba a touhaliou ena lu sila pouts raroua tena posa mera roien a galapien, na tena hamana nitöa uarouen tere Sunahan bate ngil raier a palair u katuun bate kamer u hakats u matskö na u niga.

2 Timoti 3:8

Ti markato uu ere Janis mere Jambris, nori ima hengoei e Mosis. U mar katuun teka u hakats i taren e omi hakapa, nori ema hamana lel ri.

Taitus 1:13

Na u raranga teka e manana. Bara, tara markato tala teka alö ena ranga hatagala meramou u katuun teka egi hatagala poutsi u nihamana i taren.

Taitus 1:16

Nori e pei laser nori e atei siler e Sunahan, kaba a markato i taren te haröto nena nori ema atei sileri e Sunahan. Nori e hipus korur, na nori ema antunan kato has nari ta ka ta niga. Na u katuun ema ngil koru has rarien.

Taitus 2:2

Hatutsir u tsonpan egima spak ii, nori egi hakats hanigani a man markato te katoeren bate kukuteier a man markato te nigana. Nori egi atei sil haniga korui u raranga u mana tere Sunahan na markato te ngil menari a taina katuun, na markato tegi tuol hakarapoto uu bate söateiera a mamana nitiama.

Hibru 12:15

Tara kap haniga raiam a palai bate moa nou ta töa tega habirits ban a nihitaguhu tere Sunahan. Ta töa ena mots tori homina i gusumilimiou bate hatakeiena ta raharaha bate kato homiena u hakats tara palai.

Hibru 4:1

U raranga te hopö kapiin e Sunahan te la uama i tarara e poeiena, ara ena tatei husaria i tanen. Kaba ragi hanei sil ta töa i tarara ena mots na la uanei nonei tara makumun hahusa teka.

Hibru 6:8

Kaba a kui te habutena a manka a man hihitoka na kolits a omi ema niga nei. E Sunahan e hamal nanouen ba tena hakulupu ba naria turu tula. Na e markato has uana iesana turu katuun u omi.

Jemis 4:4

Alimiou e hapolasa ba namiou e Sunahan bate heremi a tahol a hitöl te kato homina. A katuun te ngilena a markatona i puta e kato homi hasena e Sunahan. Na lia e hatei ragi limiou, u ngilngil na markatona i puta e paköena e Sunahan.

1 Pita 5:9

Ka hatagala mia turu nihamana i tamilimiou bate tuol kakap nemiou e Satan, taraha u toulamilimiou u kristen te ka ria tara mamana han i puta e sagoho haser a mar nikamits te sagohe milimiou.

Revelesin 2:5

Hakats kap tala naiam a markato a nigana i manasa tu rus ba naiam limiou. Paliseiam a man markato a man omi i tamilimiou bate markato haniga pouts uamiou tu kato uaiam limiou i manasa. Te möa nen, alia e la guma romana batemi luba ragi limiou u lam tara makum i tanen.