2 Korin 13:14 - U Bulunagana U Niga

¹⁴ A Tsunono e Iesu Kristo e tatei taguhu ranou limiou, na e Sunahan e tatei taatagi has ranou limiou, na u Namnamei u Göagono e tatei ka haniga has mera noulimiou hoboto. Alia e Pol

2 Korin 13:14 ပူးပေါင်းရင်းမြစ်များ

Matiu 6:13

Alö goma hala merai lam tara tou hiamus, kaba lö go luba nema a man niomi i tamulam. U mana.’

U Bulungana u Niga tere Iesu Kristo te kolotein e Jon 4:10

Be Iesu e ranga palise nen me poeiena, “Alö ema atei silemi a ka a niga te ngilin hala nanei lö e Sunahan na esi te rangate neilö tatsi ramun. Alö sanena te atei sile moulia, balö te tatei rangata nem tatsi ramun i tar, balia te hale goi lö u ramununa tara nitöatöa!”

U Bulungana u Niga tere Iesu Kristo te kolotein e Jon 4:14

Kaba a katuun te ua noua turu ramun te hala nagou lia ema antunan maka lel noi. Taraha, u ramun te hale gouien lia e here noi a kioun ramun i peisanen, te bututu sei nitöa menou a nitöatöa te ka nitöana.”

U Bulungana u Niga tere Iesu Kristo te kolotein e Jon 7:38

Taraha, u Buku u Göagono e poeiena a katuun te hamanana i tar e here noi a ramun te olona, ba nonei te hala nena a nitöatöa turu katuun.”

Aposol 15:11

Ara e mar hamana las uara teka: e Sunahan e lu pouts ranou ra tara nihitaguhu tere Iesu a Tsunono, markato has uana te lu pouts mera neien u katuun teka.”

U pas te koloto menai e Pol turu kristenira i Rom 1:7

Alia te koloto uagu i tamilimiou hoboto u katuun te ngil koru raiena e Sunahan te ka mia tara taun i Rom. E Sunahan e ngö sil railimiou tego katuun uaiam limiou i tanen pepeisa. Ne Sunahan e Tamarara na e Iesu Kristo a Tsunono, e tatei taatagi rariou limiou na e tatei hala has rari limiou a masalohana.

U pas te koloto menai e Pol turu kristenira i Rom 16:20

E Sunahan tara masalohana e tö mismisase noua e Satan i kopina pitapitana mou milimiou. A nihitaguhu tara Tsunono i tarara e Iesu Kristo e tatei ka gono mera noulimiou.

U pas te koloto menai e Pol turu kristenira i Rom 16:23

Na e Gaius has, a luma i tanen te ka gia lia na te roron lotu has ria, e hala has nena a niniganiga i tanen i tamilimiou. E Irastas a kuskus tara gamman tara taun teka na hahatoulana i tarara e Kuortus, nori e hala hoboto has ner a niniganiga i tamilimiou. A nihitaguhu tara Tsunono i tarara e Iesu Kristo e tatei ka gono mera noulimiou hoboto. U mana.

U pas te koloto menai e Pol turu kristenira i Rom 16:27

Aragi solosei nitöani e Sunahan nonei lasi a töa te atei silena a mamanaka hoboto. Nonei e tatei lu sila nena a solo pan tara toukui pan te katoe e Iesu Kristo. U mana. Alia e Pol

U pas te koloto menai e Pol turu kristenira i Rom 5:5

Na ra ema hahaloso pinopino rei, taraha e Sunahan e hala raira u Namnamei u Göagono me hala raneira u ngilngil te kana i torirara.

U pas te koloto menai e Pol turu kristenira i Rom 8:9

Kaba u ngilngilina i puta ema hakui lel ranei limiou. U Namnamei tala tere Sunahan te hakui ranou limiou. Na te ka na u Namnamei tere Sunahan i tori milimiou, nonei u Namnamei teka te mammam ranou limiou. Ba esi tema ka menei u Namnamei tere Kristo, nonei ema katuun uanei i tanen.

1 Korin 12:13

Na u töa u Namnamei ti habaptais iara hakapan töa me katoeiera u töa u tuenrei. U Jiu, na u Grik, na u katunun kukui puku, na u katuun tema kukui puku has ri. Ara hoboto i haua raia turu töa u Namnamei tere Sunahan.

1 Korin 14:16

Taraha te singo moalö tere Sunahan turu namnamei i tamölö, a tana katuun halhal koru ema tatei poa noi “U mana” turu hanhaniga i tamölö. Taraha, nonei ema atei sile nei aha te ranga nemölö.

1 Korin 16:23

A nihitaguhu tara Tsunono e Iesu e tatei ka gono mera noulimiou.

1 Korin 3:16

Alimiou e atei sil hase miou alimiou u luman lotu tere Sunahan na u Namnamei tere Sunahan e kana i tamilimiou?

1 Korin 6:19

U tuenrei i tamilimiou a luman lotu turu Namnamei u Göagono te kana i tori milimiou, u Namnamei te halani e Sunahan. U tuenrei i tamilimiou ema ka uanei i tamilimiou. E möa. E ka uana tere Sunahan.

2 Korin 8:9

Alimiou e atei silemiou a nitaatagi tara Tsunono e Iesu Kristo. Noahasina te ka meien a mamanaka a niga, kaba turu ngilngil tanen i tarara ba nonei e butu here namei a katuun te möa ta ka. Nonei e laba sila nama a mamanaka a niga tanen i Kolö tegomi hala meraienra a mamanaka a nigana i Kolö.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Epesis 2:18

Turu Namnamei tere Kristo ara hoboto e antunan la hasukusuku uara tere Sunahan, taraha e Kristo e kato berai ra a ka teka.

Epesis 2:22

Na limiou has a hapalana a luman lotu teka, e Sunahan e haka gögono raiou limiou u katuun hoboto i tanen, banonei na u Namnamei u Göagono te tatei kana tara luma teka. Alimiou e ka gono mera moulam na e Sunahan e ka gono mena u Namnamei i tanen iaharara.

Epesis 5:9

Taraha, u ualesala te habutena a mamanaka te nigana na te matsköna na te manana.

Epesis 6:23

E Sunahan e Tamarara na e Iesu Kristo a Tsunono e tatei hala nariou a masalohana na u ngilngil hamana i tamilimiou hoboto te hamana mia tere Iesu, bate taguhu has rariou limiou tego hamana haniga uaiam limiou.

Pilipai 2:1

Alimiou e goma tatei solopalemi te ka gono mena reira e Kristo bate hatagalena a torirara, bara te tatei hiangilngilira, bate tatei ka haniga gono mera u Namnamei tere Sunahan, bate hiataatagira.

1 Jon 1:3

Alam e hatei nem a ka tu tari lam na ka tu hengoe nilam bara te hiakaka haniga hobotora, bate ka gono mera e Tamarara na e Iesu Kristo a Pien Tson i tanen.

1 Jon 3:16

Ara e mar atei sil mena rei u ngilngil hamana teka: e Kristo ema peitsnai a nitöatöa i tanen, ba nonei e mate sil ranoura. Na ara gima peits has nai a nitöatöa i tarara, kaba aragi markato has uu iesana bara te mate sil hasera a man hahatoulana i tarara, a pala te hamana ria tere Iesu.

1 Jon 3:24

A katuun te kukute hanigeiena u raranga tere Sunahan, nonei e ka gono menou e Sunahan, be Sunahan te ka has noa i tanen. U Namnamei u Göagono te halani e Sunahan, nonei te haröto renara e Sunahan e ka gono mera noura.

U pas te kolotein e Jut 1:21

Alimiou go mar kaka haniga uaiam te haniga uana e Sunahan, ba nonei te haröto noahas ranoui limiou u ngilngil i tanen. Ba limiou te hamana sil hase miou a pöata te taatagi koru ranouara e Iesu Kristo a Tsunono i tarara bate hala ranoira a nitöatöa te ka nitöana.